2 Korɛ̃tɩ 3:5 - A SƐB-SÕW

⁵ A bɛ kaar mɛ̃ tɩ na tʋ̃ɔ́ na tõ a ton ŋa tɔ nɩ a tɩɩm mɩŋa fãw, a ɩ mɛ̃ tɩɩm zie n'a a yi ɛ. Tɩmɛ wa tɛr fãw a, a tɩ fãw yi n Naaŋmɩn zie.

2 Korɛ̃tɩ 3:5 ပူးပေါင်းရင်းမြစ်များ

Yele-za-pɛr-tib 41:16

A Zuzɛb tɩ sɔw nɩ a Faarawɔ̃: «Mãa bɛ n'ʋ ɛ, Naaŋmɩn n'ʋ na tʋ̃ɔ́ ír a pɛr a ɓãá fʋ a ƴãw.»

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

Luka 24:49

Ɛ́ a mãa a, a ʋlɩ bom nɛ a ɩ̃ Sãà na ƴãw nʋɔr k'ʋʋ na tɩr'a a, ɩ̃ na ɩ na ʋ wa a nyɩ zu. Nyɩɩm ƴãw a, nyɩ be a Zerizalɛm tẽw pʋɔ ɛ́ gù nyɩ wa tɩ páw a fãw na yi a saa-zu a.»

Zã 15:5

Mãa n'ɩ a divɛ̃ tɩɛ ɛ́ nyɩmɛ n'ɩ a wuli. Ʋlɩ sob na lãw nɩ mɛ̃, ɩ̃ɩ lãw nɩ ʋ a, ʋ mɩ́ wɔ̃ n wɔmɛ yaga, mãa ƴãw sɩrɩ bɛ wa n'a a, nyɩ kʋ̃ tʋ̃ɔ́ ɩ bom za ɩ.

Ʋrɔm 15:18

Bʋ̃ʋ n'ʋ vɛ̃, mãa wa sʋ̃ɔmɩ sàw ƴɛ̀rɛ bom kãw ƴɛ̀rʋ a, a ɩ n a ʋlɩ bom nɛ a Kɩrɩta na tu a ɩ̃ zie maalɩ, k'ʋʋ ɩ a nɩ-bʋʋr-yoru sàwr a Naaŋmɩn nʋɔr a. Ƴɛ̀rʋ nɩ ɩ-ɩrɩ n'a ʋ maal'ɩ a yel ʋl,

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Korɛ̃tɩ 3:10

Mɛ̃ a lɛ a Naaŋmɩn na kʋ̀ m a maalʋ a, ɩ̃ sʋ̃ɔ́ nɩ a yir pɛr mɛ̃ nɩr na sɩrɩ bãw a yir ŋmãafʋ yele a, ɛ́ nɩ-yũo mɩɛr dɔwlɛ. Ɛcɛ ŋa za, ʋ mɩ́ gù vla a lɛ ʋ na mɩɛr a.

1 Korɛ̃tɩ 3:6

Mãa sɛl'ɩ a tɩɛ, Apɔlɔsɩ cɔ̀r, ɛcɛ Naaŋmɩn n'ʋ tɩ ɩrɛ ʋ kɛrɛ.

2 Korɛ̃tɩ 12:9

Ɛcɛ ʋ tɩ yel mɛ̃ na: «A ɩ̃ maalʋ sɛw fʋ na, a bãbàalʋ pʋɔ n'a a ɩ̃ fãw mɩ́ sãá ʋ za bɛ nyɛ̃.» Lɛ so ɩ̃ na nɩ̃ɛ zɛwr ɩ̃ tʋɔra a ɩ̃ bãbàalʋ ƴãw, k'aa Kɩrɩta fãw tʋ̃ɔ́ be a ɩ̃ zie.

2 Korɛ̃tɩ 2:16

Bɛ ŋa zie a, kũu nyũu na waar'ɩ kũu a n'a, ɛ́ bɛ ŋa zie a ɩ nyɔ-vʋʋrʋ nyũu na waar'ɩ nyɔ-vʋʋrʋ a. Ɛ́ ãa n'ʋ sɛw taa nɩ a ton ŋa tɔ?

2 Korɛ̃tɩ 4:7

Ɛcɛ tɩ tɛr'ɩ a na-bʋ̃-sɩza ŋa mɛ̃ yawra duwli pʋɔ n'a tɩ ƴãw a, k'aa kpɛnʋ ŋa na bɛ tɛr tɔ a, ta yi tɩɩm zie ɩ, ʋ yi Naaŋmɩn zie.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

2 Timote 2:2

A bom nɛ fʋ na wõ a ɩ̃ zie, dãsɩɛ dem yaga niŋé a, man ʋ kʋ̀ nɩbɛ bɛl ƴãw fʋ na bɛr tɩɛrʋ, ɛ́ bɛ mɩ̀ na tʋ̃ɔ́ wul ʋ nɩ-yoru a.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.