2 Korɛ̃tɩ 3:17 - A SƐB-SÕW

¹⁷ Bʋ̃ʋ n'ʋ vɛ̃, a Sore n'ɩ a Vʋʋrʋ Sõw, ɛ́ be a Sore Vʋʋrʋ na be a, be n'a a tʋɔra-sob be.

2 Korɛ̃tɩ 3:17 ပူးပေါင်းရင်းမြစ်များ

Sɛb-sõw yielu 51:12

Naaŋmɩn i, ír socir parpar ƴãw mɛ̃, ɛ́ kʋ̀ m tɩɛr-paala na kpɛmɛ a.

Zã 6:63

A Naaŋmɩn Vʋʋrʋ n'ʋ tɩrɛ a nyɔ-vʋʋrʋ, nɩsaal yõ kʋ̃ tʋ̃ɔ́ ɩ ɩb kãw za ɩ. A ƴɛ̀r-bie ɩ̃ na ƴɛ̀r kʋ̀ nyɩ a, a ɩ n Vʋʋrʋ nɩ nyɔ-vʋʋrʋ.

Zã 8:32

nyɩ na bãw nɩ a yel-mɩŋa, ɛ́ a yel-mɩŋa na ɩ na nyɩ so nyɩ tʋɔra.»

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

1 Korɛ̃tɩ 15:45

Al ƴãw n'a a Sɛb-sõw yel a ƴɛ̀r-bie á ŋá: «A nɩsaal-dãw-niwn sob, a Adama, ʋ tɩ ɩ n bʋ̃-vʋʋra. A Adama pɛ-baara ɩ n Vʋʋrʋ nɩr na tɩrɛ nyɔ-vʋʋrʋ a.»

2 Korɛ̃tɩ 3:18

Tɩɩm za bɛ na ír a pɛn bɛr tɩ a niwn ƴãw a, tɩ ɩrɛ nɩ a Sore yúor-vɩɛlʋ-danʋ sãanɛ mɛ̃ caala pʋɔ a, tɩ lɩɛb'a ŋmɛ̃ taa nɩ a Sore, ʋl na ɩ a Vʋʋrʋ a, ʋlɛ n'ʋ mɩ́ ɩ tɩ yi yúor-vɩɛlʋ-danʋ pʋɔ kpɛ yúor-vɩɛlʋ-danʋ na vɩɛl zuo a pʋɔ.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

Galasi 4:6

A Naaŋmɩn na bɔbr k'ʋʋ wul kɛ́ nyɩ sɩrɩ na ɩ a ʋ bibiir a, ʋ tõ n a ʋ Bie Vʋʋrʋ a tɩ socie pʋɔ, ʋ mɩ́ cɩɩrɛ yere: «Aba, ɩ̃ Sãà a!»

Galasi 5:1

A Kɩrɩta ír tɩ na bɛr a gbãgbaalʋ pʋɔ, kɛ́ tɩ sɩrɩ so tɩ tʋɔra. A na ɩ à ŋá a, nyɩ ƴãw fãw ta lɛb de a gbãgba-mie ɩ.

Galasi 5:13

Yɛbr i, a nyɩɩm a, a tʋɔra-sob ƴãw n'a bɛ bʋɔlɩ nyɩ. Ɛcɛ nyɩ taa wa yel kɛ́ a tʋɔra-sob ŋa ƴãw ɛ́ tuur a nyɩ nɩsaal yel-bɔbrɩ na bɛ vɩɛl a ɩ. Nyɩ nɩ̃ɛ mɩ́ kaarɛ taa zie a nɔ̃wfʋ zũú.

2 Timote 1:7

Bʋ̃ʋ n'ʋ vɛ̃, dɛ̃bɩ̃ɛ vʋʋrʋ bɛ n'ʋ a Naaŋmɩn kʋ̀ tɩ ɛ, fãw nɩ nɔ̃wfʋ nɩ tʋɔra-nyɔwfʋ vʋʋrʋ n'ʋ.