2 Korɛ̃tɩ 3:14 - A SƐB-SÕW

¹⁴ Ɛcɛ a bɛ tɩɛrʋ tɩ kpawl'a, ɛ́ wa tɩ tɔ a dɩ̃a a, bɛlɛ mɩ́ wa kanɛ a Wõ-ta-kʋra sɛbr a, a pɛn-been nɛ n'ʋ mɩ̀ cãà pàw a bɛ tɩɛrʋ. Bʋ̃ʋ n'ʋ vɛ̃, a Kɩrɩta cãà n'ʋ íre a pɛn ŋa bɛrɛ.

2 Korɛ̃tɩ 3:14 ပူးပေါင်းရင်းမြစ်များ

Sɛb-sõw yielu 69:23

A bɛ cuw dɩb, a lɩɛbɩ bɛra, bɛlɛ nɩ a bɛ bárɩ zie.

Ɩzayi 25:7

A be n'a ʋ na ír a kuor pɛn na pàw a nɩ-bʋʋrɛ za a bɛr, a kũuni gãw na pàw a ten za a.

Ɩzayi 44:18

A nɩbɛ bɛ ŋa bɛ bãw bom za ɩ, bɛ bɛ bãw bom za pɛr ɛ. Bʋ̃ʋ n'ʋ vɛ̃, dɛwr paal'ɩ a bɛ mimie bɛ bɛ cãà nyɛrɛ ɩ, a bɛ tɩɛrʋ ɩ n ŋmãa zuo bɛ kʋ̃ tʋ̃ɔ́ bãw bom pɛr ɛ.

Ɩzayi 56:10

A Ɩsɩrayɛl gùrbɛ ɩ n zɔn bɛ za, bɛ bɛ mɩ́ bãwnɩ bom za ɩ. Bà-gbili nɛbɛ, na kʋ̃ tʋ̃ɔ́ wowri a. Bɛ mɩ́ gã gã na ɛ́ a bɛ tɩɛrʋ yaarɛ, bɛ nɔnɛ nɩ gʋ̃ɔ.

Ɩzayi 59:10

Tɩ bɔblɛ na mɛ̃ zɔn na lanɛ dacin a, tɩ bɔblɛ na bɔbr a sɔ́r, mɛ̃ nɩbɛ na bɛ tɛr mimie a. Tɩ ŋmɩɛr'ɩ gbɛ́ɛ mʋ̃tɔ̃w-gbawl, mɛ̃ zi-sɔb-paala a. Tɩ kpɛmɛ nɩ vla, ɛ́ ɩ mɛ̃ kũuni a.

Ɩzayi 6:10

Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Ezekɩɛl 12:2

«A fʋ̃ʋ nɩsaal bie, fʋ kpɩɛr'ɩ nɩ-bʋʋr-gaarɩ sɔgɔ! Bɛ tɛr'ɩ mimie nyɛ́b ƴãw, ɛ́ bɛ nyɛrɛ ɩ. Bɛ tɛr'ɩ tobe wob ƴãw, ɛ́ bɛ wone ɩ. Sɩza, nɩ-bʋʋr-gaarɩ nɛbɛ!

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Matie 16:17

Lɛ n'a a Yeezu tɩ lɛb de a ƴɛ̀rʋ yel ʋ: «Zu-nʋ̃ɔ̀ sob nɛ b, Zonasɩ bidɛb Sɩmʋ̃ ʋ, nɩsaal bɛ n'ʋ wul fʋ a yel ŋa ɩ, a ɩ̃ Sãà na be a tẽ-vla pʋɔ a n'ʋ.

Matie 6:23

ɛcɛ a fʋ mimie wa ɩ mimi-sãwnɩ a, a fʋ ƴã-gan za na be n lige pʋɔ. A na ɩ lɛ a, a cãà na be a fʋ pʋɔ a, wa ɩ lige a, nyɛ̃ lige na pãa sɛw a!»

Zã 12:40

«Naaŋmɩn ɩ na bɛ zɔ̃w, ʋʋ ɩ a bɛ socie kpawlɩ, kɛ́ bɛ ta tʋ̃ɔ́ nyɛ̃ nɩ a bɛ mimie ɩ, kɛ́ bɛ ta tʋ̃ɔ́ bãw a pɛr ɛ, kɛ́ bɛ ta tʋ̃ɔ́ lɩɛbɩ a bɛ ɩb ɛ, ʋ ta tʋ̃ɔ́ sanɩ bɛ ɩ.»

Zã 12:46

A mãa na ɩ a cãà a, ɩ̃ wa n a tẽ-daa zu kɛ́ sob nɛ za na sàw de m a, ta be lige pʋɔ ɩ.

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Nɩ-toni 13:15

A kanʋ na wa kanɩ a Naaŋmɩn wulu nɩ a naaŋmɩn-ƴɛ̀r-manbɛ sɛbr pʋɔ baar'a, a puoru-dĩo nɩ-bɛrɛ tɩ ƴãw na bɛ yel bɛ: «Yɛbr i, nyɩmɛ wa tɛr sõwfʋ ƴɛ̀r-bie na tʋ̃ɔ́ ƴɛ̀r sõw a nɩbɛ a, nyɩ de a ƴɛ̀rʋ.»

Nɩ-toni 15:21

Bʋ̃ʋ n'ʋ vɛ̃, a tẽ-kor daar za wa tɔ a dɩ̃a a, nɩbɛ be n a ten za manɛ a Moyiir wulu yele, ɛ́ pɩ̃ɛnʋ-bibir za, bɛ mɩ́ kanɩ ʋ nɩ a puoru-diru pʋɔ.»

Nɩ-toni 16:14

A bɛ ƴen sob kãw, na dɩ kɛ́ Lidi a, tɩ ɩ n yɛ-yɛrɛ na kʋɔrɛ pɛn-zɩɩr, pɛn-vɩɛlɩ vɩɛlɩ a. Tɩatɩɩr'a ʋ tɩ yi, ɛ́ tu a Naaŋmɩn puoru sɔ́r. Ʋ tɩ ƴãw nɩ tobr a ƴɛ̀rʋ ƴãw, a Sore tɩ sɩrɩ na ɩ ʋ cɛlɛ a Pol ƴɛ̀rʋ zie vla.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

2 Korɛ̃tɩ 3:15

Cãà wa tɩ tɔ a dɩ̃a mɩ̀ a, a lɛn daar za bɛ na mɩ́ wa kanɛ a Moyiir sɛbr a, pɛn mɩ́ pàw nɩ a bɛ tɩɛrʋ.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Efɛɛzɩ 4:18

Lige liw na pàw a bɛ yã. Bɛ bɛ pʋɔ a nyɔ-vʋʋrʋ a Naaŋmɩn na tɩrɛ a pʋɔ ɩ, bʋ̃ʋ n'ʋ vɛ̃, a bɛ zɔnʋ kpawl'ɩ a bɛ socie.