2 Korɛ̃tɩ 3:1 - A SƐB-SÕW

¹ Tɩ lɛb'a maal tĩ wule a tɩɩm mɩŋa tɩ na ɩ nɩ-vɩɛlɩ a bɩɩ? Bɩɩ a fɛr'a kɛ́ tɩ mɩ̀ mɩ́ tɛr bãwfʋ sɛb-tʋɔlɩ wa n a nyɩ zie bɩɩ? Bɩɩ kɛ́ nyɩ mɩ́ kʋ̀ tɩ bãwfʋ sɛb-tʋɔlɩ mɛ̃ a nɩbɛ bɛ mɩnɛ a bɩɩ?

2 Korɛ̃tɩ 3:1 ပူးပေါင်းရင်းမြစ်များ

Nɩ-toni 18:27

A Apɔlɔsɩ na tɩ bɔbr k'ʋʋ cen a Akayi a, a yɛbr tɩ sàw na kʋ̀ ʋ, ɛ́ maalɩ sɛbɛ yel kʋ̀ a be dem Yeezu po-tuurbɛ, kɛ́ bɛ tɛr ʋ a sãanʋ vla. Ʋ na tɩ ta a be a, a bɛlɩ dem na tɩ sàw de a Yeezu yele a Naaŋmɩn maalʋ zũú a, ʋ sõw bɛ nɩ yaga za.

Ʋrɔm 16:1

Ɩ̃ zɛlɛ na kɛ́ nyɩ tɛr maal-ɩrɛ a tɩ yeepuule Febe ƴãw, ʋl na kaarɛ a Sãkire Lãw-yir zie a.

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

1 Korɛ̃tɩ 16:3

Mãa wa ta a, ɩ̃ na tõ n a bɛlɩ dem nyɩ nãà kaa ír a, bɛ tɛr sɛb-tʋɔlɩ cen nɩ a Zerizalɛm tɩ tɩr a nyɩ cɩɛrʋ libie.

1 Korɛ̃tɩ 3:10

Mɛ̃ a lɛ a Naaŋmɩn na kʋ̀ m a maalʋ a, ɩ̃ sʋ̃ɔ́ nɩ a yir pɛr mɛ̃ nɩr na sɩrɩ bãw a yir ŋmãafʋ yele a, ɛ́ nɩ-yũo mɩɛr dɔwlɛ. Ɛcɛ ŋa za, ʋ mɩ́ gù vla a lɛ ʋ na mɩɛr a.

1 Korɛ̃tɩ 4:15

Sɩza n'a, nyɩmɛ saa na tɛr wul-wulbɛ bɛ ta tùr-pie (10 000) a Kɩrɩta pʋɔ a, ɛcɛ nyɩ bɛ tɛr sãà yaga ɩ. Mãa n'ʋ ɩ nyɩ lɩɛbɩ kɩrɩta-nɩbɛ, a Yel-nʋ̃ɔ̀ ɩ̃ na hieri kʋ̀ nyɩ a zũú.

2 Korɛ̃tɩ 10:12

Tɩ kʋ̃ kpɛ pʋra yel kɛ́ tɩɩm nɩ a nɩbɛ bɛ mɩnɛ kãw, na mɩ́ manɛ a bɛ tʋɔra ɩ-vɩɛlɩ a, sɛw nɩ taa a ɩ, bɩɩ tɩ kʋ̃ de tɩ tʋɔra manɛ nɩ bɛ ɩ. Dãbole nɛbɛ, bɛ na de bɛ tʋɔra bɛ lɩɛbɩ bʋ̃-mána bɛ manɛ nɩ bɛ tʋɔra a ƴãw.

2 Korɛ̃tɩ 10:18

A sob nɛ na nyɛ̃ ʋ tʋɔra ʋ ɩ nɩ-vla a, a ʋ yele bɛ n'a bɛ mɩ́ de ɩ, sob nɛ a Sore na yel k'ʋʋ ɩ n nɩ-vla a n'ʋ.

2 Korɛ̃tɩ 10:8

Bʋ̃ʋ n'ʋ vɛ̃, vĩ bɛ ɩrɛ mɛ̃ mãa saa pɔrɛ nɩ a fãw a Sore na kʋ̀ tɩ a ɩ, ʋ kʋ̀ tɩ nɩ a fãw ŋa a nyɩ vla ƴãw, a nyɩ loba ƴãw bɛ n'a ɩ.

2 Korɛ̃tɩ 12:11

Mãa n'ɩ ŋan ƴɛ̀rɛ yãya-ƴɛ̀rʋ, ɛcɛ nyɩmɛ nɛbɛ fɛr mɛ̃ ƴãw. Nyɩmɛ nɛbɛ a tɩ sɛw kɛ́ nyɩ manɛ a ɩ̃ ɩ-vɩɛlɩ. Bʋ̃ʋ n'ʋ vɛ̃, ɩ̃ na saa bɛ ɩ nɩr a, a nɩ-ton-gãdaar bɛ ŋa kãw za bɛ zuo mɛ̃ bom kãw za ƴãw ɛ.

2 Korɛ̃tɩ 12:19

A mɩnɛ kãw, nyɩ tɩɛrɛ nɩ koro za, kɛ́ tɩ bɔbr'a kɛ́ tɩ manɩ a tɩ yel-mɩŋa a nyɩ niŋé. Lɛ bɛ n'a ɩ, Naaŋmɩn niŋé n'a tɩ lãw nɩ a Kɩrɩta ƴɛ̀rɛ. Ɛ́ à á ŋá za a, ɩ̃ nɩ-nɔnɩ i, a nyɩ maalʋ ƴãw n'a.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 5:12

Tɩ bɛ lɛb maal tĩ wule nyɩ tɩ na ɩ nɩ-vɩɛlɩ a ɩ, tɩ bɔbr'a kɛ́ tɩ ɩ nyɩ nyʋʋr a tɩ ƴãw, kɛ́ nyɩ tʋ̃ɔ́ mɩ́ tɛr sɔwfʋ sɔw kʋ̀ a bɛlɩ dem na nyʋʋr ɩ-ɩrɩ na sãá a ƴãw, ɛ́ bɛ nyʋʋr a socir pʋɔ ɩ-ɩrɩ ƴãw a ɩ.