2 Korɛ̃tɩ 2:3 - A SƐB-SÕW

³ Alɛ so ɩ̃ sɛb nyɩ à à ŋá, k'aa bɛlɩ dem nãá tɩ ƴãw mɛ̃ nʋ̃ɔ̀ a, bɛ ta ɩ pʋ-sãwna tɛr mɛ̃ a lɛn daar ɩ̃ nãà ta a nyɩ zie a ɩ. A nyɩɩm ƴãw a, ɩ̃ bɛ bʋ́nɛ ɩ, a ɩ̃ nʋ̃ɔ̀ mɩ̀ na ɩ n a nyɩ za dem.

2 Korɛ̃tɩ 2:3 ပူးပေါင်းရင်းမြစ်များ

1 Korɛ̃tɩ 4:21

Abobe sob'a nyɩ bɔbr: k'ɩ̃ɩ wa a nyɩ zie nɩ dabɔl bɩɩ k'ɩ̃ɩ wa nɩ nɔ̃wfʋ nɩ su-baalʋ?

2 Korɛ̃tɩ 1:15

A tɩɛrʋ ŋa na bɛ bʋ́nɛ a zũú n'a, ɩ̃ tɩ de niwn yel k'ɩ̃ɩ na wa n a nyɩ zie wa ɩ nyɩ páw maalʋ gb'a ayi dɔwlɩ,

2 Korɛ̃tɩ 1:23

Mãa a, Naaŋmɩn n'ɩ a ɩ̃ dãsɩɛ sob, ʋ ɩ ɩ̃ kpi mãa wa ŋmarɛ ziri a: a nyɩ vla ƴãw n'a ɩ̃ bɛ lɛb wa a Korɛ̃tɩ ɛ.

2 Korɛ̃tɩ 12:11

Mãa n'ɩ ŋan ƴɛ̀rɛ yãya-ƴɛ̀rʋ, ɛcɛ nyɩmɛ nɛbɛ fɛr mɛ̃ ƴãw. Nyɩmɛ nɛbɛ a tɩ sɛw kɛ́ nyɩ manɛ a ɩ̃ ɩ-vɩɛlɩ. Bʋ̃ʋ n'ʋ vɛ̃, ɩ̃ na saa bɛ ɩ nɩr a, a nɩ-ton-gãdaar bɛ ŋa kãw za bɛ zuo mɛ̃ bom kãw za ƴãw ɛ.

2 Korɛ̃tɩ 12:21

Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.

2 Korɛ̃tɩ 13:10

Alɛ n'a so ɩ̃ zãá nɩ nyɩ ɛ́ sɛbr nyɩ a yel ŋa. Ɩ̃ bɛ bɔbr k'ɩ̃ɩ wa ta mʋ̃ɔ mimir ƴãw nyɩ ɛ, mɛ̃ a lɛ a Sore na kʋ̀ m a fãw a ɩ. A nyɩ maalʋ ƴãw n'a ʋ kʋ̀ m a fãw ŋa, a nyɩ loba ƴãw bɛ n'a ɩ.

2 Korɛ̃tɩ 2:9

Bom ŋa ƴãw n'a ɩ̃ tɩ sɛb nyɩ: ɩ̃ tɩ bɔbr'a k'ɩ̃ɩ ɩ nyɩ kaa nyɛ̃, nyɩ cãà na sàwr a ɩ̃ nʋɔr kʋralɛ bɩɩ.

2 Korɛ̃tɩ 7:12

A na ɩ à ŋá a, a sɛb-tʋɔla ɩ̃ na sɛb nyɩ a bɛ ɩ a yel-fa-maalɛ ƴãw ɛ, bɛ lɛb ɩ a ʋlɩ sob nɛ ʋ na sãw a ƴãw ɛ. Ɩ̃ tɩ bɔbr'a, a Naaŋmɩn niŋé, kɛ́ nyɩ nyɛ̃ a lɛ nyɩ na sɩrɩ tʋlɛ a tɩ ƴãw a.

2 Korɛ̃tɩ 7:16

Ɩ̃ cɩlɛ na ɩ̃ na na tʋ̃ɔ́ bɛr tɩɛrʋ a nyɩ ƴãw a yele za pʋɔ a.

2 Korɛ̃tɩ 7:6

Ɛcɛ Naaŋmɩn na mɔwlɛ a bɛlɩ dem na mɩ́ siwre bɛ tʋɔra a, ʋ mɔwlɩ tɩ nɩ a Títɩ̀ waa pʋɔ.

2 Korɛ̃tɩ 7:8

A sɛb-tʋɔla ɩ̃ na sɛb nyɩ a wa ƴãw nyɩ pʋ-sãwna a, ɩ̃ bɛ yere k'ɩ̃ɩ nãá bãw kɛ́ lɛ ɩ. Ɩ̃ na wa nyɛ̃ ʋ ƴãw nyɩ pʋ-sãwna blãlɛ tɛwr ƴãw a, ɩ̃ yel'a kɛ́ mãa tɩ bãw kɛ́ lɛ.

2 Korɛ̃tɩ 8:22

Tɩ tone nɩ a tɩ yɛb lãwnɩ bɛ. Gb'a a ŋmɩn za, tɩ ɩ ʋ na kaa, ʋʋ wul ʋ na tʋlɛ a tome ƴãw a. Ƴɛrɛŋa a, ʋ tʋlɛ nɩ a tome ƴãw zuo lɛ, ʋ na de a nyɩ yele yaga za a ƴãw.

Galasi 5:10

Mãa a, a Sore ɩ na ɩ̃ bɛr tɩɛrʋ a nyɩ ƴãw: ɩ̃ bãwnɩ a na nyɩ na kʋ̃ tɩɛrɛ bʋ̃-yoru a. Ɛcɛ a sob nɛ na ƴãwnɛ a damnʋ a nyɩ pʋɔ a na páw nɩ dɔwrʋ, ʋlɛ saa ŋmɛ̃ ŋmɩŋmɩn a.

2 Tesalonikɩ 3:4

A nyɩɩm ƴãw a, tɩ ɓãá nɩ ƴãw bɛr tɩɛrʋ a Sore zie: bom nɛ za tɩ na mɩ́ yel kɛ́ nyɩ maalɩ a, nyɩ mɩ́ maal'a, ɛ́ na cãà maalɛ.

Filemɔ̃ 1:21

Ɩ̃ na bãwnɩ a fʋ nʋɔr-sàwfʋ a n'a ɩ̃ sɛbr fʋ, ɩ̃ɩ mɩ̀ bãwnɩ a na fʋ na na maalɩ zuo a lɛ ɩ̃ na yere a.