2 Korɛ̃tɩ 13:5 - A SƐB-SÕW

⁵ A nyɩɩm tɛɛ za, nyɩ ɩ nyɩ tʋɔra kaa, nyɩ jɛl nyɩ mɩŋa nyɛ̃, nyɩmɛ wa be a naaŋmɩn-sàw-deb pʋɔ a. Nyɩ nyɛ̃ na bãw kɛ́ a Yeezu Kɩrɩta be n a nyɩ sɔgɔ, lɛ bɛ n'a ɩ? Bɩɩ nyɩ jɛl'ɩ a nyɩ tʋɔra kaa nyɛ̃ nyɩ sãw?

2 Korɛ̃tɩ 13:5 ပူးပေါင်းရင်းမြစ်များ

Sɛb-sõw yielu 119:59

Ɩ̃ tɩɛr'ɩ a ɩ̃ ɩb kaa, ɩ̃ bɔbr'a k'ɩ̃ɩ lɛb wa tuur a lɛ fʋ na yel a.

Sɛb-sõw yielu 17:3

Fʋ wa n tɩ̃ɩsɔw, kɛ́ fʋ wa jɛl a ɩ̃ pʋɔ bãw a ɩ̃ yel-mɩŋa. Fʋ ɩ m a kaa, ɛ́ bɛ nyɛ̃ sãwna a ɩ̃ zie ɩ. Ɩ̃ bɛ ƴɛ̀r ƴɛ̀rʋ kãw za

Sɛb-sõw yielu 26:2

Ŋmãa a ɩ̃ pùor nyɛ̃, Sore e, ɩ m kaa, jɛl a ɩ̃ tɩɛrʋ nɩ a ɩ̃ pʋɔ za.

Zeremi 6:30

Bɛ bʋɔlɛ nɩ a nɩbɛ bɛ ŋa kɛ́: “Salm-pla bɛ na na lɔb bɛr a”, bʋ̃ʋ n'ʋ vɛ̃, a Sore lɔb bɛ na bɛr.

A Lãw-mʋɔlɛ 3:40

Tɩ maal jieli a tɩ ɩb kaa vla, ɛ́ lɛb wa a Sore zie.

Ezekɩɛl 18:28

Ʋ na cãà na vʋʋrɛ, ʋ na faa nyɛ̃ a ʋ ɩ-faar ɛ́ zawrɩ a bɛr a. A bɛ cãà tɛr sɔ́r k'ʋʋ kpi ɛ.

A naaŋmɩn-ƴɛ̀r-manɛ Aaze sɛbɛ 1:5

Ƴɛrɛŋa a, a mãa Sore, a Kpɛnʋ-za-sob, ɩ̃ yere na kɛ́ nyɩ tɩɛrɩ nyɛ̃ a lɛ a na ŋmɛ̃ nyɩ a.

A naaŋmɩn-ƴɛ̀r-manɛ Aaze sɛbɛ 1:7

A mãa Sore, a kpɛnʋ-za-sob, yere na kɛ́ nyɩ tɩɛrɩ nyɛ̃ a bom nɛ na ta nyɩ a.

Zã 14:23

A Yeezu tɩ sɔw ʋ na: «Nɩr wa nɔnɛ mɛ̃ a, ʋ na tɛr'ɩ a ɩ̃ ƴɛ̀rʋ vla, a ɩ̃ Sãà na nɔnɛ ʋ na, ɛ́ tɩ na wa na wa kpɩɛr a ʋ sob zie.

Zã 15:4

Nyɩ lãwnɩ mɛ̃, mɛ̃ a lɛ ɩ̃ na lãw nɩ nyɩ a. Mɛ̃ a lɛ wule na kʋ̃ tʋ̃ɔ́ wɔ̃ wɔmɛ ʋ yõ, ʋlɛ bɛ wa nyɔw a tɩɛ a, lɛ n'a nyɩ kʋ̃ wɔ̃ wɔmɛ ɩ, nyɩmɛ bɛ wa lãw nɩ mɛ̃ a.

Zã 17:23

ɩ̃ lãw nɩ bɛ, ɛ́ fʋ lãw nɩ mɛ̃, kɛ́ a bɛ lãw-taa vɩɛl ʋ za: lɛ n'a a tẽ-daa na bãw kɛ́ fʋ tõ m'a, ɩ̃ɩ nɔ̃w bɛ mɛ̃ fʋ na nɔ̃w mɛ̃ a.

Zã 17:26

Ɩ̃ ɩ na kɛ̀ bɛ bãw a fʋ yúor, ɛ́ na cãà ɩ bɛ bãw ʋ: a nɔ̃wfʋ ʋl fʋ na nɔ̃w mɛ̃ a, ʋ tʋ̃ɔ́ be a bɛ zie, ɩ̃ɩ mɩ̀ be a bɛ zie.»

Zã 6:56

Ʋlɩ sob na 'wɔbr a ɩ̃ ƴã-gã-nɛn ɛ́ nyúur a ɩ̃ zɩ̃ɩ a, ʋ lãw nɩ mɛ̃ na, ɩ̃ɩ mɩ̀ lãw nɩ ʋ.

Zã 6:6

A Yeezu tɩ yel'ɩ a lɛ k'ʋʋ ɩ a Filib kaa: ʋl mɩŋa tɩ bãw nɩ a lɛ ʋ na na ɩ a.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 8:10

A Kɩrɩta wa be a nyɩ zie a, yel-mɩŋa n'a, a nyɩ ƴã-gan be n kũu ƴãw a yel-bier zũú, ɛcɛ a Vʋʋrʋ ɩ n a nyɩ nyɔ-vʋʋrʋ, a Naaŋmɩn na ɩ nyɩ lɩɛbɩ nɩ-mɩn a ƴãw.

1 Korɛ̃tɩ 11:28

A na ɩ à ŋá a, ŋa za, ʋ mɩ́ sowr'ʋ tʋɔra kaa ɛ́ bãw 'wɔb a dipɛ̃ ŋa, ɛ́ nyũ a divɛ̃ à ŋá,

1 Korɛ̃tɩ 11:31

Tɩmɛ mɩ́ tɩ sowri tɩ tʋɔra kaa a, bɛ kʋ̃ʋ wa tɩ maalɛ nɩ tɩ ƴɛ̀rʋ ɛ.

1 Korɛ̃tɩ 3:16

Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

1 Korɛ̃tɩ 6:15

Nyɩ bɛ bãw kɛ́ a nyɩ ƴã-gamɛ ɩ n a Kɩrɩta ƴã-gan ɓɛrmɛ bɩɩ? Ɩ̃ na sàw na de a Kɩrɩta ƴã-gan ɓɛrmɛ ƴãw a lɩɛbɩ pɔw-yɛm ƴã-gan ɓɛrmɛ bɩɩ? Ʋ̃ʋ'hʋ̃! Towtow!

1 Korɛ̃tɩ 6:19

Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ?

1 Korɛ̃tɩ 6:2

Nyɩ nɔ̃w bɛ bãw k'aa lãw nɩbɛ nɛbɛ na maal'ɩ a tẽ-daa a ƴɛ̀rʋ bɩɩ? Ɛ́ nyɩmɛ wa nɛbɛ na maal'ɩ a tẽ-daa a ƴɛ̀rʋ a, nyɩ ɩ n ŋmɩn bɛ sɛw taa nɩ na maalɩ a ƴɛ̀rʋ a yel-pʋrmɛ á ŋá ƴãw?

1 Korɛ̃tɩ 9:24

Nyɩ bɛ bãw k'aa bɛlɩ dem na mɩ́ dãwnɛ taa a dɩ̃ɛnʋ zie a, bɛ za nɛbɛ mɩ́ zɔrɛ, ɛcɛ been yõ n'ʋ mɩ́ wa páw a zɔ-tʋ̃ɔ́fʋ bom ɛ? A na ɩ à ŋá a, nyɩ zɔrɛ zɔba na na ɩ nyɩ páw a zɔ-tʋ̃ɔ́fʋ sã-ya a.

1 Korɛ̃tɩ 9:27

Ɛcɛ ɩ̃ 'wɔnɛ nɩ a ɩ̃ ƴã-gan ɛ́ dɔwrɛ ʋ, k'ɩ̃ɩ tʋ̃ɔ́ so ʋ, k'ɩ̃ɩ taa wa mab hieri a Yel-nʋ̃ɔ̀ kʋ̀ a nɩbɛ, ɛ́ bɛ nyɛ̃ ɩ̃ bɛ sɛwnɩ ʋ ɛ.

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Galasi 4:19

Ɩ̃ bibiir i, ɩ̃ lɛb'a wone tuo a nyɩ ƴãw mɛ̃ pɔw na dɔwr a, ɛ́ gù k'aa wa ɩ cãà k'aa Kɩrɩta be n a nyɩ sɔgɔ.

Galasi 6:4

Ŋa za mɩ́ jɩ́r a ʋ ɩb kaa, alɛ wa sɛw k'ʋʋ nyʋʋr a, ʋl ƴãw n'a ʋ na nyʋʋr, a kʋ̃ ɩ ʋ na de ʋ tʋɔra man nɩ nɩr a ƴãw n'a ɩ.

Efɛɛzɩ 3:17

Ʋ sàw a Kɩrɩta kpɩɛr a nyɩ socie pʋɔ. A nyɩ naaŋmɩn-sàwfʋ zũú, nyɩ tɛ nyɩgɛ ɛ́ kpɛmɛ a nɔ̃wfʋ pʋɔ.

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

Kɔlɔsɩ 1:27

Naaŋmɩn sàw na ɩ bɛ bãw a tɩbɛ dem sɔgɔ a naalʋ nɩ a yúor-vɩɛlʋ-danʋ na bɛ tɛr tɔ a yel ŋa na waar'ɩ a: a Kɩrɩta be n a nyɩ sɔgɔ, ʋl na só nyɩ tɩɛrɛ a yúor-vɩɛlʋ-danʋ a.

Kɔlɔsɩ 2:19

Bɛ bɛ lãw nɩ a Kɩrɩta na ɩ a ƴã-gan zu a ɩ. Ɛcɛ a Kɩrɩta zũú n'a a ƴã-gan za páwr a dɩb, ɛ́ a kɔbɛ tuor-taa ziir nɩ a jiile ɩ ʋ nyɔw taa ɛ́ kɛrɛ mɛ̃ a lɛ a Naaŋmɩn na bɔbr a.

Kɔlɔsɩ 2:7

Nyɩ tɛ nyɩgɛ a ʋ pʋɔ, ɛ́ ƴãw a nyɩ nyɔ-vʋʋrʋ yele za tɩɛrʋ a ʋ ƴãw, lɛ n'a nyɩ na kpɛmɛ a naaŋmɩn-sàwfʋ pʋɔ mɛ̃ a lɛ bɛ na wul nyɩ a, ɛ́ puore a Naaŋmɩn yãanɩ bɛ dɩ vuo ɩ.

1 Timote 2:15

Ɛcɛ ʋlɛ wa dɔw bibiir a, ʋ na nyɛ̃ nɩ faafʋ, ʋlɛ wa sɩrɩ sàw be a naaŋmɩn-sàw-deb pʋɔ, a nɔ̃wfʋ nɩ a sonu pʋɔ nɩ tʋɔra-siwru a.

2 Timote 3:8

Mɛ̃ a lɛ a Zanɛsɩ nɩ a Zãbɩrɛsɩ na bɛ tɩ sàw de a Moyiir ƴɛ̀rʋ a, lɛ n'a a nɩbɛ bɛ ŋa mɩ̀ bɛ sàw de a yel-mɩŋa ɩ. Yã-faar nɩbɛ nɛbɛ, a bɛ naaŋmɩn-sàw-deb bɛ tɛr bir ɛ.

Títɩ̀ 1:13

Ɛ́ yel-mɩŋa n'ɩ à à ŋá ʋ na yel a. Alɛ so, kpãa bɛ sɩza bɛ tʋ̃ɔ́ tɛr naaŋmɩn-sàw-deb na tori a,

Títɩ̀ 1:16

Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

Títɩ̀ 2:2

Yel a dɛb-nyamɛ kɛ́ bɛ mɩ́ nyɔw bɛ tʋɔra a dɩb nɩ a nyub pʋɔ, kɛ́ bɛ ƴãwnɛ bɛ tʋɔra, kɛ́ bɛ bãw yã, ɛ́ tɛr naaŋmɩn-sàw-deb na vɩɛl a, nɩ nɔ̃wfʋ nɩ kanyir.

Ebre 12:15

Nyɩ gù vla nɩr za taa gùre pùor cɔwr a Naaŋmɩn maalʋ ɛ, nɩr za taa wa ɩ mɛ̃ tɩ-nyɩwr-tuo na bule sãwnɛ nɩ-yaga bɛrɛ a ɩ.

Ebre 4:1

A Naaŋmɩn nʋɔr na cãà ƴãw gã, kɛ́ tɩ na tʋ̃ɔ́ na ta a ʋ pɩ̃ɛnʋ zie a, nyɩ ɩ tɩ gù vla bɛ taa wa nyɛ̃ k'aa nyɩ kãw bɛ tʋ̃ɔ́ ta ɩ.

Ebre 6:8

Ɛcɛ ʋlɛ wa búle gʋʋr nɩ karnyã a, ʋ bɛ tɛr pɛr ɛ, Naaŋmɩn kʋ̃ yaa kɛ́ ŋmɛ ƴãw ʋ ɛ, ɛ́ nyɩwfʋ n'a bɛ nãà baa nyɩw ʋ bɛr.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

1 Pɩɛr 5:9

Nyɩ bà gbɛ́ɛ a ʋ niŋé ɛ́ kpɛmɛ a naaŋmɩn-sàwfʋ pʋɔ, ɛ́ bãwnɩ a tuo á ŋá tɛɛ za mɩ̀ na gùre a nyɩ yɛbr na be a tẽ-daa zu a.

Yel-wula 2:5

A na ɩ lɛ a, lɛb tɩɛrɩ a be za fʋ na yi kɛ́ wa lo a! Lɩɛbɩ a fʋ ɩb ɛ́ lɛb de a fʋ dãwdãw ɩ-ɩrɩ. Fʋ̃ʋ bɛ wa lɩɛbɩ a fʋ ɩb a, ɩ̃ waar'ɩ a fʋ zie, ɩ̃ɩ na wa ír'ɩ a fʋ fɩ̃tɩlɛ a ʋ beba zie bɛr.