2 Korɛ̃tɩ 13:11 - A SƐB-SÕW

¹¹ Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

2 Korɛ̃tɩ 13:11 ပူးပေါင်းရင်းမြစ်များ

Yele-za-pɛr-tib 37:4

A Zuzɛb yɛbr tɩ nyɛ̃ na k'aa bɛ sãà nɔnɛ ʋ na zuo a bɛ za. Lɛ so bɛ tɩ hɩ̃ɛn ʋ, ɛ́ mɩ̀ bɛ lɛb cãà tʋ́ɔr ƴɛ̀rɛ ƴɛ̀r-vla sɔwr ʋ ɛ.

Yele-za-pɛr-tib 45:24

Ʋ tɩ bɛr'ɩ a ʋ yɛbr sɔ́r, ɛ́ yel kɛ́ bɛ taa zɛbr taa ɩ.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Matie 5:48

Lɛ so, a nyɩɩm a, nyɩ vɩɛl nyɩ za, mɛ̃ a lɛ a nyɩ tẽ-vla pʋɔ Sãà na vɩɛl ʋ za a.»

Markɩ 10:49

A Yeezu tɩ tɛw na àr ɛ́ yel: «Nyɩ bʋɔl'ʋ.» Bɛ tɩ bʋɔl'ɩ a zɔ̃w ɛ́ yel ʋ: «Nyɔw fʋ mɩŋa, ìr, ʋ bʋɔlɛ fʋ na!»

Markɩ 9:50

A nyaarʋ ɩ n bʋ̃-nʋ̃ɔ̀, ɛcɛ a nyaarʋ nʋ̃ɔ̀ wa yi a, bʋ̃ʋ n'a nyɩ na ƴãw a lɛb nʋmɛ? Nyɩ tɛr nyaarʋ a nyɩ pʋ̃ɔmɩ, ɛ́ ɩrɛ ƴã-ɓaarʋ ɩb kʋ̀rɛ taa.»

Luka 9:61

A ƴen sob kãw tɩ yel'ɩ a Yeezu: «Sore e, ɩ̃ na tuur fʋ na, ɛcɛ bɛr mɛ̃ ɩ̃ cen tɩ puori a ɩ̃ yir dem baarɩ.»

Zã 17:23

ɩ̃ lãw nɩ bɛ, ɛ́ fʋ lãw nɩ mɛ̃, kɛ́ a bɛ lãw-taa vɩɛl ʋ za: lɛ n'a a tẽ-daa na bãw kɛ́ fʋ tõ m'a, ɩ̃ɩ nɔ̃w bɛ mɛ̃ fʋ na nɔ̃w mɛ̃ a.

Nɩ-toni 15:29

nyɩ ta 'wɔbr a bàwr-maal-nɛnɛ ɩ, nɩ a zɩ̃ɩ nɩ dʋ̃w bɛ na bɛ ŋmãa a kɔkɔr a nɛn ɛ, nyɩ bɛr a pɩ̃ɔ-yele. Nyɩmɛ wa ƴãw fãw bɛr à á ŋá za a, nyɩ na maal'ɩ vla. Nyɩ zɩ̃ vla.»

Nɩ-toni 18:21

ɛ́ yel bɛ: «Naaŋmɩn wa sàw a, ɩ̃ na lɛb'a wa a nyɩ zie nɩdaar kãw.» Al pùorí, ʋ tɩ bɛr'ɩ a be ɛ́ kpɛ a gbor a Efɛɛzɩ

Nɩ-toni 23:30

Ɩ̃ wa wõ na kɛ́ bɛ cɔbrɛ na kɛ́ bɛ sɔwlɩ kʋ ʋ. Lɛ so ɩ̃ tɩrɛ ʋ kʋ̀rɛ fʋ, ɛ́ mɩ̀ yere kʋ̀rɛ a bɛlɩ dem na tɛr'ɩ ʋ a ƴɛ̀rʋ a, kɛ́ bɛ wa a fʋ niŋé wa manɩ a ʋ sãwna.»

Ʋrɔm 12:16

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

Ʋrɔm 12:18

Alɛ na na tʋ̃ɔ́ a, nɩ a lɛ a na yi a nyɩ zie mɩ̀ a, nyɩ ɩ ƴã-ɓaarʋ be nyɩɩm nɩ a nɩsaalbɛ za cara pʋɔ.

Ʋrɔm 14:19

A na ɩ à ŋá a, nyɩ ɩ tɩ bɔbr a yele al na waar'ɩ a ƴã-ɓaarʋ a, nɩ a al na mɩ́ ɩ tɩ lãw kɛrɛ a sàw-deb pʋɔ a.

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

Ʋrɔm 15:33

A Naaŋmɩn na ɩ a ƴã-ɓaarʋ sob a, ʋ be a nyɩ za zie. Amɛn.

Ʋrɔm 16:20

A Naaŋmɩn na ɩ a ƴã-ɓaarʋ sob a kʋ̃ yaa kɛ́ ƴɛ́r a Sɩtaana ŋmɛr bin a nyɩ gbɛ́ɛ pile ɩ. A tɩ Sore Yeezu maalʋ, ʋ be a nyɩ zie!

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

2 Korɛ̃tɩ 1:4

Ʋ mɩ́ mɔwlɛ tɩ nɩ a tɩ kpɩɛrʋ za pʋɔ, kɛ́ tɩ mɩ̀ tʋ̃ɔ́ mɔwlɛ a bɛlɩ dem za na be kpɩɛrʋ pʋɔ a, a mɔwlʋ a tɩɩm mɩŋa na páwr a Naaŋmɩn zie a ƴãw.

2 Korɛ̃tɩ 13:9

Tɩ mɩ̀ cɩlɛ na, tɩ na mɩ́ wa ɩ bãbàalbɛ ɛcɛ nyɩ tɛr fãw a. Lɛ so tɩ mɩ́ puore kɛ́ nyɩ vɩɛl bɛ cɛ ɩ.

Efɛɛzɩ 4:12

k'ʋʋ tʋ̃ɔ́ cɔbrɩ a kɩrɩta-biir vla a bɛ tome ƴãw: a Kɩrɩta ƴã-gan mɛb ƴãw,

Efɛɛzɩ 4:3

A lãw-taa a Vʋʋrʋ Sõw na tɩrɛ a, nyɩ ƴãw fãw tɛr ʋ vla, a ƴã-ɓaarʋ na lãw nyɩ taa a zũú.

Efɛɛzɩ 6:23

A Naaŋmɩn Sãà nɩ a Sore Yeezu Kɩrɩta, bɛ kʋ̀ a yɛbr za ƴã-ɓaarʋ, nɔ̃w-taa nɩ naaŋmɩn-sàwfʋ.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 3:16

Alɛ saa ŋmɛ̃ ŋmɩŋmɩn a, nyɩ ɩ tɩ cãà lo a ʋlɩ sɔr-been nɛ.

Filib 4:2

Ɩ̃ zɛlɛ nɩ a Evodi nɩ a Sɛ̃tisi yãayãa, kɛ́ bɛ tɛr wõ-taa lãwnɩ a Sore.

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.

Filib 4:9

Bom nɛ nyɩ na zànɩ ɛ́ páw a ɩ̃ zie a, bom nɛ nyɩ na nyɛ̃ a ɩ̃ zie ɛ́ wõ a, nyɩ tɛr a ɩrɛ, ɛ́ a ƴã-ɓaarʋ Naaŋmɩn na be n a nyɩ zie.

1 Tesalonikɩ 3:10

Mʋ̃tɔ̃w nɩ tɩ̃ɩsɔw za, tɩ mɩ́ zɛlɛ nɩ a Naaŋmɩn kpɛ̃w kpɛ̃w za, k'ʋʋ sàw tɩ lɛb nyɛ̃ nyɩ tʋ̃ɔ́ kʋ̀ nyɩ a alɩ bome nɛ za na cãà cɛ a nyɩ naaŋmɩn-sàw-deb ƴãw a.

1 Tesalonikɩ 4:1

Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.

1 Tesalonikɩ 4:18

A na ɩ à ŋá a, nyɩ mɔwlɛ taa nɩ a ƴɛ̀r-bie á ŋá.

1 Tesalonikɩ 5:13

Nyɩ de a bɛ yele vla, ɛ́ nɔnɛ bɛ a bɛ tõ-nʋɔr zũú. Nyɩ tɛr ƴã-ɓaarʋ a nyɩ cara pʋɔ.

1 Tesalonikɩ 5:16

Nyɩ cɩlɛ kʋralɛ,

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.

2 Tesalonikɩ 2:16

A tɩ Sore Yeezu Kɩrɩta mɩŋa nɩ a tɩ Sãà Naaŋmɩn na nɔ̃w tɩ, ɛ́ a ʋ maalʋ zũú ʋ kʋ̀ tɩ mɔwlʋ na be kʋralɛ nɩ tɩɛr-vla tɩ na ƴãw a ʋ ƴãw a,

2 Tesalonikɩ 3:1

Lɛb waar mɩ̀, yɛbr i, nyɩ puore kʋ̀rɛ tɩ, k'aa Sore ƴɛ̀rʋ yɛ̀rɛ fɔ̃w fɔ̃w ɛ́ nyɛrɛ ƴãwfʋ, mɛ̃ a lɛ ʋ na nyɛ̃ ƴãwfʋ a nyɩ zie a.

2 Tesalonikɩ 3:16

A Sore na ɩ a ƴã-ɓaarʋ yib zie a, ʋl mɩŋa, ʋ kʋ̀rɛ nyɩ a ƴã-ɓaarʋ kʋralɛ, alɛ saa ŋmɛ̃ ŋmɩŋmɩn a.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Zakɩ 1:4

Ɛcɛ a nyɩ kanyir ɩb, ʋ mɩ́ sãá vla kɛ̀ nyɩ tʋ̃ɔ́ mɩ́ vɩɛl nyɩ za, ta tɛr faalʋ ɛ, bom za ta cɛ nyɩ ɛ.

1 Pɩɛr 3:11

k'ʋʋ gùr pùor cɔw a yel-faa ɛ́ ɩrɛ a vla, k'ʋʋ mɩ́ bɔbr a ƴã-ɓaarʋ ɛ́ tuur a ʋ pùor.»

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

Yel-wula 22:21

A Sore Yeezu maalʋ, ʋ be a bɛ za zie.