2 Korɛ̃tɩ 13:1 - A SƐB-SÕW

¹ A gb'a ata sob'ɩ à ŋá ɩ̃ na waar a nyɩ zie a. Mɛ̃ a lɛ a Sɛb-sõw na yel a: «Dãsɩɛ dem ayi bɩɩ ata ƴɛ̀rʋ zũú n'a yel za na mɩ́ maalɩ.»

2 Korɛ̃tɩ 13:1 ပူးပေါင်းရင်းမြစ်များ

1 Na-mɩnɛ 1:14

A Natan tɩ cãà na lɛb yel à ŋá: «Fʋ na cãà na ƴɛ̀rɛ nɩ a nãà, ɩ̃ɩ mɩ̀ kpɛ, kpɛ a fʋ ƴɛ̀rʋ.»

1 Na-mɩnɛ 21:10

Nyɩ ƴãw nɩbɛ ayi, nɩbɛ na bɛ tɛr bir a, àr a ʋ niŋé ɛ́ dɩ a ʋ sãwna dãsɩɛ à ŋá: “Fʋ tʋ n a Naaŋmɩn nɩ a nãà!” Al pùorí, nyɩ tɛr ʋ yi zaa nɩ a tẽw pʋɔ, tɩ lɔb'ɩ ʋ kʋsɛbɛ kʋ!»

1 Na-mɩnɛ 21:13

A nɩ-bɛ-tɛr-bir mɩnɛ ayi tɩ wa na wa àr a Nabɔtɩ niŋé, ɛ́ yere a ʋ sãwna a nɩbɛ za niŋé à ŋá: «Nabɔtɩ tʋ n a Naaŋmɩn nɩ a nãà!» Lɛ n'a a nɩbɛ tɩ tɛr a Nabɔtɩ yi zaa nɩ a tẽw pʋɔ, tɩ lɔb'ɩ ʋ kʋsɛbɛ kʋ.

Sɔr-nɛ́ɛ 35:30

Nɩr kʋb yel za pʋɔ a, nɩ-yaga dãsɩɛ dɩb tɛwr zũú n'a bɛ na ƴãw a nɩ-kʋrɛ a kũu dɔwrʋ. Bɛ bɛ ƴãwnɛ nɩr kũu dɔwrʋ nɩ-been yõ dãsɩɛ dɩb zũú ɛ.

Matie 18:16

Ʋlɛ bɛ wa bɛrɛ wone a fʋ ƴɛ̀rʋ a, fʋ̃ʋ tɛr nɩ-been bɩɩ nɩbɛ ayi ƴãw pʋɔ a fʋ ƴãw, kɛ̀ “Yel za tʋ̃ɔ́ mɩ́ maalɩ dãsɩɛ dem ayi bɩɩ ata ƴɛ̀rʋ zũú.”

2 Korɛ̃tɩ 12:14

Mãa n'ɩ ŋan cɔbrɩ a nyɩ zie waa baarɩ, ɩ̃ na na wa a gb'a ata sob a, ɛcɛ ɩ̃ cãà kʋ̃ ƴãw nyɩ hanɩ a ɩ̃ ƴãw ɛ. Bʋ̃ʋ n'ʋ vɛ̃, a nyɩ bʋ̃-tɛrɩ bɛ n'a ɩ̃ bɔbr ɛ, a nyɩɩm tɛɛ za n'a ɩ̃ bɔbr. Bibiir bɛ nɛbɛ a fɛrɛ kɛ́ bɛ bɔbr bine a dɔwrbɛ ƴãw ɛ, dɔwrbɛ nɛbɛ a fɛr kɛ́ bɛ ɩrɛ a lɛ a bibiir ƴãw.

Wulu-ayi-sob 17:6

Dãsɩɛ dem ayi bɩɩ ata dãsɩɛ-dɩb zũú n'a bɛ na mɩ́ kʋ a sob nɛ a na sɛw k'ʋʋ kpi a. Bɛ bɛ kʋrɛ ʋ dãsɩ-been sob yõ dãsɩɛ-dɩb zũú ɛ.

Wulu-ayi-sob 19:15

Nɩ-been yõ dãsɩɛ kʋ̃ tʋ̃ɔ́ sɛw bɛ ƴãw nɩr na kʋ nɩr, nɩr na maalɩ yel-bier, bɩɩ nɩr na sãw sãwna kãw a, dɔwrʋ ɛ. Nɩbɛ ayi bɩɩ nɩbɛ ata dãsɩɛ dɩb zũú n'a bɛ na tʋ̃ɔ́ mɩ́ bãw a yel yel-mɩŋa.