2 Korɛ̃tɩ 12:9 - A SƐB-SÕW

⁹ Ɛcɛ ʋ tɩ yel mɛ̃ na: «A ɩ̃ maalʋ sɛw fʋ na, a bãbàalʋ pʋɔ n'a a ɩ̃ fãw mɩ́ sãá ʋ za bɛ nyɛ̃.» Lɛ so ɩ̃ na nɩ̃ɛ zɛwr ɩ̃ tʋɔra a ɩ̃ bãbàalʋ ƴãw, k'aa Kɩrɩta fãw tʋ̃ɔ́ be a ɩ̃ zie.

2 Korɛ̃tɩ 12:9 ပူးပေါင်းရင်းမြစ်များ

2 Na-mɩnɛ 2:15

A Zeriko naaŋmɩn-ƴɛ̀r-manbɛ lãw nɩbɛ na tɩ àr zãá, ɛ́ nyɛ̃ a lɛ a Elize na ɩ a, tɩ yel'a: «A naaŋmɩn-ƴɛ̀r-manɛ vʋʋrʋ na tɩ be a Eli zie a, a Elize zie n'a ʋ be ƴɛrɛŋa.» Bɛ tɩ tuori ʋ na, gbĩ dume gũu tɩ tɔ tẽw a ʋ niŋé,

Sɛb-sõw yielu 8:2

Sore, tɩ Zu-sob i, nyɛ̃ a fʋ yúor na yi sɛw a tẽw za zu a! A fʋ dɛpaalʋ zuo nɩ a salom dɛpaalʋ.

Ɩzayi 11:2

A Sore Vʋʋrʋ na siw ʋ na: yã-bãwfʋ nɩ yele jielu Vʋʋrʋ, yã-wulu nɩ fãw Vʋʋrʋ, bãwfʋ nɩ Sore zɔba Vʋʋrʋ.

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

1 Korɛ̃tɩ 10:13

A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Korɛ̃tɩ 2:3

Alɛ so ɩ̃ wa a nyɩ zie ɩ bãbàal, ɛ́ dɛ̃bɩ̃ɛ ɩ ɩ̃ màwr ɩ̃ za.

1 Korɛ̃tɩ 2:5

k'aa nyɩ sàw-deb ta yi nɩsaalbɛ zie ɩ, ɛ́ yi a Naaŋmɩn kpɛnʋ zie.

2 Korɛ̃tɩ 11:30

Alɛ wa fɛr k'ɩ̃ɩ zɛwr ɩ̃ tʋɔra a, a ɩ̃ bãbàalʋ ƴãw n'a ɩ̃ na zɛwr ɩ̃ tʋɔra.

2 Korɛ̃tɩ 12:1

A na ɩ à ŋá a, alɛ saa bɛ tɛr pɛr a, ɩ̃ mɩ̀ na zɛw nɩ ɩ̃ tʋɔra. Ƴɛrɛŋa a, a bʋ̃-nyɛrɩ a Sore na ƴãw ɩ̃ nyɛ̃ a, nɩ a yel-wuli ʋ na wul mɛ̃ a, al ƴɛ̀rʋ n'a ɩ̃ na ƴɛ̀r.

2 Korɛ̃tɩ 12:10

Lɛ zũú n'a nʋ̃ɔ̀ cãà kpɩɛr mɛ̃ a bãbàalʋ, a zʋmɛ nɩ a yel-fɛrɩ pʋɔ, a dɔwrʋ nɩ a pʋl-vʋ̃ɔ pʋɔ, ɩ̃ na sàw de a Kɩrɩta a ƴãw. Bʋ̃ʋ n'ʋ vɛ̃, a lɛn daar ɩ̃ na mɩ́ ɩ bãbàal a, lɛn daar a, ɩ̃ mɩ́ kpɛmɛ.

2 Korɛ̃tɩ 12:15

Ɛ́ mãa a, mãa saa na sãw a ɩ̃ bʋ̃-tɛrɩ za bɛr a nyɩ ƴãw, ɛ́ de ɩ̃ tʋɔra za tɩr a nyɩ ƴãw a, nʋ̃ɔ̀ na kpɩɛr mɛ̃ na. Mãa wa nɔnɛ nyɩ sɛw à ŋá a, nyɩ na sàw na bɛ nɔ̃w mɛ̃ man a lɛ bɩɩ?

2 Korɛ̃tɩ 12:5

A nɩr ŋa ƴãw a, ɩ̃ na zɛwr'ɩ ɩ̃ tʋɔra. Ɛcɛ, mãa a, a ɩ̃ bãbàalʋ ƴãw n'a ɩ̃ na zɛwr ɩ̃ tʋɔra.

Efɛɛzɩ 3:16

Ʋl na kpɛ yúor-vɩɛlʋ-danʋ naalʋ a, ɩ̃ zɛlɛ na k'ʋʋ ɩ a Vʋʋrʋ kʋ̀ nyɩ a fãw, k'aa nyɩ pʋ̃ɔmɩ nɩr tɛr fãw.

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

Ebre 11:34

kpiiri vũu-bɛrɛ bɛrɛ bɛr, bɛ bɛ tɩ tʋ̃ɔ́ kpi a zɛbr-sɔ-kpɛ̃ɛ kũu ɛ. Bɛ tɩ lɛb'a nyɛ̃ fãw a bàalʋ pùorí, bɛ tɩ wul'ɩ a zɛbr zie kɛ́ bɛ ɩ n gãdaar, ɛ́ cã a dɔ̃ dem zɛbr-nɩbɛ bɛr bɛ lɛb.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»