2 Korɛ̃tɩ 12:7 - A SƐB-SÕW

⁷ Ɛ́ a yele á ŋá bɛ na wul mɛ̃ ɩ̃ nyɛ̃ a, a na tɩ ɩ nɔ-ɓãa-yele a zũú n'a bɛ ƴãw 'wɔbrʋ kãw a ɩ̃ ƴã-ganɩ́: Sɩtaana malkɩ bɛ na ƴãw k'ʋʋ ŋmɩɛr mɛ̃ k'ɩ̃ɩ taa wa nanɩ zɛwr ɩ̃ tʋɔra a.

2 Korɛ̃tɩ 12:7 ပူးပေါင်းရင်းမြစ်များ

Yele-za-pɛr-tib 32:25

A Zakɔb tɩ cɛ nɩ ʋ yõ, ɛ́ nɩr kãw tɩ mɔ̃ nɩ ʋ a zie tɩ wɛlɛ.

Yele-za-pɛr-tib 32:31

A Zakɔb tɩ por'ɩ a zie nɛ yúor kɛ́ Penɩɛl, a pɛr lɛ kɛ́ “Naaŋmɩn Niwn”. Bʋ̃ʋ n'ʋ vɛ̃, ʋ tɩ yel'a: «Ɩ̃ càar'a nyɛ̃ a Naaŋmɩn ɛ́ cãà vʋʋrɛ.»

2 Bibie za yel-manɩ 26:16

Ɛcɛ a ʋ fãw zũú, ʋ tɩ ɩrɛ nɩ pɔ̀lʋ, a ɩ ʋ lo, ʋʋ bɛ cãà tu a Sore ʋ Naaŋmɩn ɛ: bibir kãw ʋ tɩ kpɛ n a Ŋmɩn-yir-kpɛ̃ɛ pʋɔ k'ʋʋ tɩ nyɩw tɩ-suur-zɔ̃-na-nyùur-vla-vla-a a parfɛ̃ bàwr-maal-kuur zu.

2 Bibie za yel-manɩ 32:31

Alɛ so, a lɛn daar a Babɩlɔn tẽw nɩ-bɛrɛ na tɩ tõ nɩbɛ a ʋ zie kɛ́ bɛ tɩ sowri bãw a nɔ-ɓãa-yel ʋl na ɩ a ʋ tẽw pʋɔ a, a Naaŋmɩn tɩ bɛr ʋ na. A Naaŋmɩn tɩ bɔbr'a k'ʋʋ ɩ ʋ kaa nyɛ̃ lɛ ʋ na ŋmɛ̃ a.

A Zɔb sɛbɛ 2:6

Lɛ n'a a Sore tɩ yel a sɩtaana: «Ɩ̃ sàw na, fʋ̃ʋ so ʋ, ɛcɛ taa tʋɔr a ʋ nyɔ-vʋʋrʋ ɛ.»

A Zɔb sɛbɛ 2:7

A Sɩtaana tɩ yi n a Sore zie be tɔl cen. Ʋ tɩ ɩ n natɩ-faar yi pàw a Zɔb ƴã-gan za, a gbɛ́ɛ tɩ tɔ a zu-sɔwlɩsɔw.

Ezekɩɛl 28:24

«A nɩ-bʋʋrɛ na pɩɛlɩ a, bɛ been kãw za kʋ̃ lɛb ɩ a Ɩsɩrayɛl nɩbɛ la ɩ. Bɛ kʋ̃ cãà ɩ a ʋ zie mɛ̃ gɔ-tuw na cɔ̀rɛ ɛ́ tawr cɩɛrɛ a ɩ. Lɛ n'a a nɩbɛ za na bãw kɛ́ mãa n'ɩ a Sore.

A naaŋmɩn-ƴèr-manɛ Oze sɛbɛ 2:6

«Ɩ̃ kʋ̃ nɔnɛ a ʋ bibiir ɛ: pɔw-yɛm bibiir na nɛbɛ a ƴãw.

Sɔr-nɛ́ɛ 33:55

Ɛcɛ nyɩmɛ bɛ wa diw a tẽw dem a nyɩ niŋé a, a bɛl nyɩ nãà wa cãà bɛr a na ɩrɛ na a kpɩɛr nyɩ mɛ̃ gʋʋr na cɔ̀rɛ nyɩ a mimie a, bɩɩ gʋʋr na cɔ̀rɛ nyɩ a lõboge a. Bɛ na fɛrɛ nyɩ nɩ a tẽw nyɩ na na kpɩɛr a pʋɔ.

Matie 26:67

Lɛ n'a bɛ tɩ pʋʋrɩ mʋtaar waar'ʋ a niwn ɛ́ pɔb pɔb ʋ, bɛ mɩnɛ mɩ́ tɩ ɓa ʋ na

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

Luka 13:16

Ɛcɛ a pɔw ŋa na ɩ a Abraham bʋʋrɛ pɔwyaa, a Sɩtaana 'lẽ yome pie nɩ ani n'ɩ à ŋá a, a bɛ tɩ sɛw k'ɩ̃ɩ cɛ̀r ʋ bɛr a pɩ̃ɛnʋ-bibir ɛ?»

1 Korɛ̃tɩ 4:11

Cãà wa tɩ tɔ a ƴɛrɛŋa a, kɔ̃ nɩ kʋ̃ɔ-nyúur kpɩɛr tɩ na, tɩ ɩ n ƴã-gã-zawlɛ ɛ́ bɛ dɔwrɛ tɩ, tɩ ɩ n nɩ-yʋɔrɩ

1 Korɛ̃tɩ 5:5

nyɩ de a nɩr ŋa tɔ ƴãw Sɩtaana nũú a ʋ ƴã-gan kũu ƴãw, k'aa ʋ sɩ́ɛ páw a faafʋ a Sore waa bibir.

2 Korɛ̃tɩ 10:10

Bʋ̃ʋ n'ʋ vɛ̃, bɛ yere na: «A Pol sɛbr ƴɛ̀r-bie mɩ́ tɩbrɛ na ɛ́ kpɛmɛ, ɛcɛ a ʋl tɔr za wa be a tɩ sɔgɔ a, ʋ bɛ mɩ́ tɛr fãw ɛ, a ʋ ƴɛ̀rʋ bɛ mɩ́ tɛr pɛr ɛ.»

2 Korɛ̃tɩ 10:5

tɩ mɩ́ tʋ̃ɔ́ nɩ fãw za na zɛwr ʋ tʋɔra bɛ sàwr kɛ́ bɛ bãw a Naaŋmɩn a ɩ. Tɩ mɩ́ tʋ̃ɔ́ nɩ nɩsaal tɩɛrʋ za, a ɩ mɛ̃ gaso pʋɔ n'a tɩ nyɔw ʋ ƴãw a, kɛ́ tɩ ɩ ʋ sàwr a Kɩrɩta nʋɔr.

2 Korɛ̃tɩ 11:20

Nyɩ mɩ́ sàw na kɛ́ bɛ ɩrɛ nyɩ mɛ̃ gbãgbaar a, ɛ́ sàw bɛ nɛbr nyɩ, nyɩ mɩ́ sàw na bɛ farɛ a nyɩ bome za ɛ́ pɔrɛ a nyɩ zu, ɓarɛ nɩ nyɩ.

2 Korɛ̃tɩ 12:1

A na ɩ à ŋá a, alɛ saa bɛ tɛr pɛr a, ɩ̃ mɩ̀ na zɛw nɩ ɩ̃ tʋɔra. Ƴɛrɛŋa a, a bʋ̃-nyɛrɩ a Sore na ƴãw ɩ̃ nyɛ̃ a, nɩ a yel-wuli ʋ na wul mɛ̃ a, al ƴɛ̀rʋ n'a ɩ̃ na ƴɛ̀r.

Galasi 4:13

Nyɩ bãwnɩ a na, bàalʋ n'a tɩ so ɩ̃ hieri a Yel-nʋ̃ɔ̀ kʋ̀ nyɩ a dãw-niwn sob daar.

Wulu-ayi-sob 17:20

À ŋá n'a ʋ kʋ̃ tɩɛrɛ k'ʋʋ zuo nɩ a ʋ bʋʋrɛ nɩbɛ ɩ, ɛ́ kʋ̃ mɩ́ gãw nɔ-ƴãwna cãpile kãw za bɛr towtow ɛ. Lɛ n'a ʋlɛ nɩ a ʋ bʋʋrɛ na dɩ naalʋ cɛlɩ a Ɩsɩrayɛl nɩbɛ zu.

Wulu-ayi-sob 8:14

A lɛn daar a, nyɩ gù vla taa ɩrɛ pɔ̀lʋ tɩ yiir'ɩ a Sore nyɩ Naaŋmɩn na n'ʋ ɩ nyɩ yi a Eziptɩ a ɩ, a be nyɩ na tɩ ɩ gbãgbaar a.

1 Timote 3:6

Ʋ ta ɩ nɩr na sàw de Naaŋmɩn paalʋ a ɩ, alɛ bɛ ɩ lɛ, ʋ nãà ɩrɛ nɩ pɔ̀lʋ tɩ nyɛ̃ nɩ dɔwrʋ mɛ̃ a Gɛgɛra a.

Ƴɛ̀r-dɩrbɛ 2:3

Lɛ n'a ɩ̃ tɩ yel: “Ɩ̃ bɛ diwr a tẽw nɩbɛ bɛrɛ a nyɩ niŋé ɩ: bɛ na ƴãw nyɩ nɩ bɛra, ɛ́ nyɩ na puore nɩ a bɛ ŋmɩmɛ lo a bɛ bɛra pʋɔ.”»