2 Korɛ̃tɩ 12:4 - A SƐB-SÕW

⁴ bɛ ír ʋ na do n tɩ ta n a tẽ-vla, be n'a ʋ wõ ƴɛ̀r-bie ʋ na kʋ̃ tʋ̃ɔ́ manɩ a, ɛ́ nɩsaal bɛ tɛr sɔ́r k'ʋʋ lɛb yel a.

2 Korɛ̃tɩ 12:4 ပူးပေါင်းရင်းမြစ်များ

Ezekɩɛl 31:9

Ɩ̃ tɩ kʋ̀ ʋ nɩ wuli na vɩɛl vɩɛl a, lɛ so a Edɛn tɩɩr za, a Naaŋmɩn zaadɛ̃ pʋɔ, tɩ nyùur'ɩ ʋ.»

Ezekɩɛl 8:3

Ʋ tɩ tur'ɩ bom kãw na ɩ mɛ̃ nũu a, ɛ́ nyɔw mɛ̃ a zukɔbɛ ƴãw. Lɛ n'a a yel-nyɛra ŋa na yi a Naaŋmɩn zie a pʋɔ, a Vʋʋrʋ tɩ zɛw mɛ̃ do n a salom nɩ a tẽsɔw cará, ɛ́ cen nɩ mɛ̃ a Zerizalɛm. Ɩ̃ tɩ be n a tẽ-kpɛ̃ɛ saa-pɛrɩ́-gʋba-lowr dɩ̃dɔr sɔwlɩsɔw, a be bɛ na bin tɩɩb kãw na ɩ zʋm bom a Naaŋmɩn zie a.

Luka 23:43

A Yeezu lɛb yel ʋ: «Yel-mɩŋa sɩza n'a ɩ̃ yere kʋ̀rɛ fʋ, a dɩ̃a, fʋ na lãwnɩ mɛ̃ na be a tẽ-vla pʋɔ.»

Nɩ-toni 8:39

Bɛ na wa lɛb yi a kʋ̃ɔ pʋɔ a, a Sore Vʋʋrʋ ír'ɩ a Filib. A dɛ-vár bɛ lɛb tɩ cãà nyɛ̃ ʋ ɛ, ɛ́ cãà lo a ʋ sɔ́r kule nɩ nʋ̃ɔ̀.

1 Korɛ̃tɩ 13:1

Mãa saa ɩ mɛ̃ ɩ̃ ƴɛ̀rɛ nɩ a ƴɛ̀r-pɛ-bʋʋrɛ za a, a nɩsaalbɛ dem nɩ a malkɩ mɩnɛ dem a, ɛ́ mãa bɛ wa tɛr a nɔ̃wfʋ a, ɩ̃ ɩ na mɛ̃ kure bɛ na ŋmɩɛr ʋ kone yire a, bom bɛ na ŋmɩɛr ʋ pàwr gɔmɛ a.

2 Korɛ̃tɩ 12:2

Ɩ̃ bãw nɩ kɩrɩta-nɩr kãw, yome pie nɩ anaar'ɩ dɩ̃a, bɛ na ír ʋ do n tɩ gãw nɩ a salom a. Ɩ̃ bɛ bãw a ʋ ƴã-gan n'ʋ bɛ ír'ɩ ʋ do n bɩɩ a ʋ ƴã-gan bɛ n'ʋ a, Naaŋmɩn yõ n'ʋ bãw.

1 Tesalonikɩ 4:17

Al pùorí, a tɩɩm na na cãà vʋʋrɛ a lɛn daar a, bɛ na ɓáw tɩ na lãwnɩ bɛ a zũzuge pʋɔ, tɩ tuori a Sore a salom zu, ɛ́ lɛ n'a tɩ na tɩ be a Sore zie kʋralɛ.

Yel-wula 12:5

A pɔw tɩ dɔw nɩ bidɛble na na kaarɛ a ten za zie nɩ gãdaalʋ a. Bɛ tɩ zaa nɩ a ʋ bie cen nɩ a Naaŋmɩn zie, a ʋ naalʋ-dà-kɔw pɛr.

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»