2 Korɛ̃tɩ 12:2 - A SƐB-SÕW

² Ɩ̃ bãw nɩ kɩrɩta-nɩr kãw, yome pie nɩ anaar'ɩ dɩ̃a, bɛ na ír ʋ do n tɩ gãw nɩ a salom a. Ɩ̃ bɛ bãw a ʋ ƴã-gan n'ʋ bɛ ír'ɩ ʋ do n bɩɩ a ʋ ƴã-gan bɛ n'ʋ a, Naaŋmɩn yõ n'ʋ bãw.

2 Korɛ̃tɩ 12:2 ပူးပေါင်းရင်းမြစ်များ

1 Na-mɩnɛ 18:12

Ɛcɛ mãa dɛ wa bɛrɛ fʋ wa báarɛ a, a Sore Vʋʋrʋ na ɓáw fʋ na cen nɩ be ɩ̃ na bɛ bãw a. Mãa na cen na tɩ yel a yele kʋ̀ a Akab, ʋ kʋ̃ nyɛ̃ b ɛ, ɛ́ ƴãw bɛ kʋ m. Ɛcɛ a ɩ̃ pɔ̀lʋ daarɩ́ za n'a ɩ̃ ƴãwnɛ a Sore.

1 Na-mɩnɛ 8:27

«Ɛcɛ a Naaŋmɩn na tʋ̃ɔ́ na sɩrɩ kpɩɛr a tẽw zu u? A salom yɛlmɛ na bɛ dɩ vuo ɩ, ɛ́ a Naaŋmɩn kʋ̃ tʋ̃ɔ́ kpɛ a ʋ pʋɔ ɩ. Ɛ́ bʋ̃ʋ baa n'ɩ a Ŋmɩn-yir-kpɛ̃ɛ ŋa ɩ̃ na ŋmãa a!

2 Na-mɩnɛ 2:16

ɛ́ yel ʋ: «Nɩbɛ lɩz'a ayi nɩ pie na tɛr soci-kpɛn a be n a ka. Tɩ na tõ bɛ na bɛ cen tɩ bɔ a fʋ nɩ-kpɛ̃ɛ. Kapaw, a Sore Vʋʋrʋ ɓáw ʋ na cen nɩ tɩ lɔb bɛr tãw kãw zu bɩɩ fʋɔla kãw pʋɔ.» Ɛcɛ a Elize tɩ yel'a kɛ́ bɛ ta tõ bɛ ɩ.

Sɛb-sõw yielu 148:4

Nyɩɩm salom zi-zãánɩ za, nyɩ danɛ ʋ, nɩ nyɩɩm, kʋ̃ɔnɩ na be a salom zu-sɔw a.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ezekɩɛl 11:24

A yel-nyɛra nɛ pʋɔ a, a vʋʋrʋ tɩ zɛw mɛ̃ na ìr'ɩ a tẽw. Ʋ tɩ lɛb'a tɛr mɛ̃ cen nɩ a nɩ-diw-ceni zie a Babɩlɔn tẽw, ɛ́ a yel-nyɛra a Naaŋmɩn na tɩ ɩ ɩ̃ nyɛ̃ a tɩ baarɩ.

Ezekɩɛl 43:5

A vʋʋrʋ tɩ zɛw mɛ̃ na ìr'ɩ a tẽw ɛ́ tɩ tɛr mɛ̃ cen nɩ a sɔwlɩsɔw davʋra pʋɔ. Ɩ̃ tɩ nyɛ̃ na k'aa Sore yúor-vɩɛlʋ-danʋ paal'ɩ a Ŋmɩn-yir-kpɛ̃ɛ.

Luka 24:51

Ʋ tɩ kʋ̀rɛ bɛ nɩ a maalʋ wa bʋ́r yi a bɛ pʋɔ cen a tẽ-vla.

Zã 6:56

Ʋlɩ sob na 'wɔbr a ɩ̃ ƴã-gã-nɛn ɛ́ nyúur a ɩ̃ zɩ̃ɩ a, ʋ lãw nɩ mɛ̃ na, ɩ̃ɩ mɩ̀ lãw nɩ ʋ.

Nɩ-toni 14:6

A Pol nɩ a Banabasɩ na wa bãwnɩ a, bɛ zɔ na cen Likaoni lowr, Lɩsɩtɩr nɩ Dɛrbe ten nɩ a tẽ-kõkowe pʋɔ.

Nɩ-toni 22:17

«Ɩ̃ na tɩ lɛb wa a Zerizalɛm a, ɩ̃ wa yi n bibir kãw kpɛ a Ŋmɩn-yir-kpɛ̃ɛ pʋɔ tɩ be be puore wa nyɛ̃ bʋ̃-nyɛra.

Ʋrɔm 16:10

Nyɩ puori Apɛl na wul a sãá ʋ na sàw de a Kɩrɩta a. Nyɩ mɩ̀ puori a Arɩsɩtobul yir dem.

Ʋrɔm 16:3

Nyɩ puori Pɩrɩsɩl nɩ Akɩlasɩ kʋ̀ m, bɛl na ɩ a ɩ̃ lãw-tõ-taabɛ a Yeezu Kɩrɩta tome pʋɔ a.

Ʋrɔm 16:7

Nyɩ puori Ãdoronikisɩ nɩ Zinɩasɩ na ɩ a ɩ̃ nɩbɛ, ɛ́ lãw nɩ mɛ̃ kpɛ a gaso a. Nɩ-toni na ɩ nɩ-toni a nɛbɛ, ɛ́ bɛ mɔ̃ mɩ̀ de nɩ niwn sàw de a Kɩrɩta a ɩ̃ ƴãw.

Ʋrɔm 16:9

Nyɩ puori Irbɛ̃, tɩ lãw-tõ-tɔ a Kɩrɩta tome pʋɔ, nɩ a ɩ̃ bá Sɩtakɩsɩ.

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

2 Korɛ̃tɩ 11:11

Ɛ́ bʋ̃ʋ so ɩ̃ ƴɛ̀r à à ŋá? Ɩ̃ na bɛ nɔnɛ nyɩ a n'a bɩɩ? Naaŋmɩn yõ n'ʋ bãw!

2 Korɛ̃tɩ 13:5

A nyɩɩm tɛɛ za, nyɩ ɩ nyɩ tʋɔra kaa, nyɩ jɛl nyɩ mɩŋa nyɛ̃, nyɩmɛ wa be a naaŋmɩn-sàw-deb pʋɔ a. Nyɩ nyɛ̃ na bãw kɛ́ a Yeezu Kɩrɩta be n a nyɩ sɔgɔ, lɛ bɛ n'a ɩ? Bɩɩ nyɩ jɛl'ɩ a nyɩ tʋɔra kaa nyɛ̃ nyɩ sãw?

2 Korɛ̃tɩ 5:17

Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 1:22

Ɛcɛ a Zude tẽw Kɩrɩta Lãw-yie nɩbɛ bɛ tɩ càarɩ bãw mɛ̃ ɩ.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Efɛɛzɩ 4:10

A sob nɛ na siw a, mɩ̀ cãà n'ɩ a sob nɛ na do tɩ gãw bom za a saa-zu, k'ʋʋ tʋ̃ɔ́ paalɩ bom za a.

Wulu-ayi-sob 10:14

Yel-mɩŋa za, a Sore nyɩ Naaŋmɩn so a salom kpɛ̃ɛ kpɛ̃ɛ ŋa, a tẽsɔw nɩ a bome za na be a ʋ zu a.

1 Tesalonikɩ 4:17

Al pùorí, a tɩɩm na na cãà vʋʋrɛ a lɛn daar a, bɛ na ɓáw tɩ na lãwnɩ bɛ a zũzuge pʋɔ, tɩ tuori a Sore a salom zu, ɛ́ lɛ n'a tɩ na tɩ be a Sore zie kʋralɛ.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 9:24

Bʋ̃ʋ n'ʋ vɛ̃, a Kɩrɩta bɛ kpɛ zi-sõw pʋɔ nɩsaalbɛ na ŋmãa ɩ, zi-sõw nãá ɩ a zi-sõw mɩŋa ŋmɛ̃-ta-tɔ tɛwr a ɩ. A tẽ-vla tɔr za pʋɔ n'a ʋ kpɛ, k'ʋʋ tɩ be a Naaŋmɩn niŋé a ƴɛrɛŋa a tɩɩm ƴãw.

Yel-wula 1:10

A Naaŋmɩn Vʋʋrʋ tɩ siw mɛ̃ nɩ a Sore bibir, ɩ̃ɩ tɩ wõ kɔkɔr na yire kpɛ̃w kpɛ̃w za a ɩ̃ pùorí mɛ̃ wɩ́ɛ na pɛblɛ a.

Yel-wula 12:5

A pɔw tɩ dɔw nɩ bidɛble na na kaarɛ a ten za zie nɩ gãdaalʋ a. Bɛ tɩ zaa nɩ a ʋ bie cen nɩ a Naaŋmɩn zie, a ʋ naalʋ-dà-kɔw pɛr.

Yel-wula 4:2

A Naaŋmɩn Vʋʋrʋ tɩ siw mɛ̃ nɩ daadaalɛ. Ɛ́ naalʋ-dà-kɔw n'ɩ ŋan tɩ be a tẽ-vla pʋɔ be. Nɩr kãw tɩ zɩ̃ n a naalʋ-dà-kɔw zu.