2 Korɛ̃tɩ 11:9 - A SƐB-SÕW

⁹ Ɩ̃ɩ na tɩ be a nyɩ zie a wa fɛrɛ mɛ̃ a, nɩr kãw za bɛ hanɩ a ɩ̃ ƴãw ɛ. A yɛbr na tɩ yi a Masedʋan wa a tɩ kʋ̀ m'ɩ a ɩ̃ bʋ̃-bɔbrɩ. A yele za pʋɔ, ɩ̃ bɛ sàw nyɩ hanɩ a ɩ̃ ƴãw ɛ, ɛ́ mɩ̀ bɛ be za na sàw ɛ.

2 Korɛ̃tɩ 11:9 ပူးပေါင်းရင်းမြစ်များ

Neemi 5:15

A na-kpɛ̃ɛ-lɩɛrbɛ bɛl na tɩ de niwn a ɩ̃ ƴãw a, tɩ kʋrɛ nɩ a nɩbɛ guur, ƴãw bɛ kʋ̀rɛ bɛ bʋ̃-dɩrɩ nɩ divɛ̃ pʋɔ a salm-pla libie lɩz'a ayi ƴãw. A na-kpɛ̃ɛ-lɩɛrbɛ lãw-tõ-taabɛ tɛɛ za mɩ̀ tɩ dɔwrɛ nɩ a nɩbɛ. Ɛcɛ mãa bɛ tɩ dãw ɩ à à ŋá ɩ, a Naaŋmɩn ɩ̃ na zɔrɛ a zũú.

Nɩ-toni 18:3

Ʋlɛ nɩ a bɛl na tɩ lãw tõ-nʋɔr wóbr pɛnɛ-sɛwr a, ʋ tɩ be n a bɛ zie tone.

Nɩ-toni 18:5

Ɛcɛ a Sɩlasɩ nɩ a Timote na tɩ yi a Masedʋan wa ta a, a Pol tɩ bɛr'ɩ bom za, ɛ́ tu a Yel-nʋ̃ɔ̀ hieru tɛwr pùor. Ʋ mɩ́ tɩ wul'a a sãá a Zifʋ mɩnɛ zie, kɛ́ a Yeezu n'ɩ a Kɩrɩta.

Nɩ-toni 20:33

Ɩ̃ bɛ tɩ bɔbr nɩsaalɛ kãw za libir, bɩɩ a ʋ salm-zɩɛ, bɩɩ a ʋ pɛnɛ ɩ.

Ʋrɔm 15:26

Bʋ̃ʋ n'ʋ vɛ̃, a Masedʋan nɩ a Akayi kɩrɩta-nɩbɛ yel'a kɛ́ bɛ na cɩɛr'ɩ bome sõw nɩ a Zerizalɛm kɩrɩta-nɩbɛ na bɛ tɛr a a.

1 Korɛ̃tɩ 16:17

A Sɩtefanasɩ, nɩ a Fɔrtinatisɩ nɩ a Akayikisɩ waa ɩrɛ mɛ̃ nɩ nʋ̃ɔ̀ yaga. Bɛ lɩɛrɩ nyɩ nɩ a ɩ̃ zie ka.

2 Korɛ̃tɩ 6:4

Tɩ nɩ̃ɛ na bɔbr kɛ́ tɩ sɩrɩ sãá ɩ Naaŋmɩn tõ-tõ-biir a yele za pʋɔ: tɩ dɩrɛ nɩ kanyir yaga ɛ́ tɛr tʋɔra-nyɔwfʋ a kpɩɛrʋ pʋɔ, a fɛrʋ pʋɔ nɩ a pʋl-vʋ̃ɔ daar.

2 Korɛ̃tɩ 9:12

Bʋ̃ʋ n'ʋ vɛ̃, a cɩɛrʋ ton ŋa a, a kɩrɩta-nɩbɛ yel-fɛrɩ tɛwr sõwfʋ ƴãw bɛ n'a ɩ, a fɛr'a k'aa ɩ nɩ-yaga puore a Naaŋmɩn barka.

Filib 2:25

Ɛcɛ, ɩ̃ nyɛ̃ na a sɛw k'ɩ̃ɩ lɛb bɛr a tɩ yɛb Epafoditɩ kʋ̀ nyɩ, ʋ ɩ n a ɩ̃ lãw-tõ-tɔ, ɛ́ lãw nɩ mɛ̃ a zɛbr pʋɔ, ʋl nyɩ na tɩ tɩr kʋ̀ m k'ʋʋ sõwne mɛ̃, a lɛn daar ɩ̃ na tɩ bɔbr ʋ a.

1 Tesalonikɩ 2:6

Tɩ na ɩ a Kɩrɩta nɩ-toni a ƴãw, tɩ nãá tʋ̃ɔ́ na dɩ nɩ-kpɛ̃ɛnʋ a nyɩ zu. Ɛcɛ tɩ bɛ dãw bɔ yúor nɩr za zie ɩ, a nyɩɩm zie bɩɩ nɩ-yoru zie ɩ. Tɩ nɩ̃ɛ na tɛr su-baalʋ yaga a nyɩ sɔgɔ, mɛ̃ mã na kaarɛ a ʋ bibiir zie nɩ nɔ̃wfʋ a.

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

Ebre 11:37

Bɛ tɩ lɔb'ɩ bɛ mɩnɛ nɩ kʋsɛbɛ kʋ, fɔw bɛ mɩnɛ ŋma ziir ayiri nɩ sɔ-nyɩmɛ, kʋ bɛ mɩnɛ nɩ zɛbr-sɔ-kpɛ̃ɛ. Bɩɩ bɛ mɩ́ tɩ cɔlɛ na gʋɔr, su píir bɩɩ bʋʋr gamɛ kparɩ. Bɛ bɛ tɩ tɛr bom ɛ, ɛ́ bɛ ɩrɛ a kpɩɛr bɛ, dɔwrɛ nɩ bɛ.