2 Korɛ̃tɩ 11:23 - A SƐB-SÕW

²³ Bɛ ɩ n Kɩrɩta tõ-tõ-biir yaa? A ka a, ɩ̃ na ƴɛ̀r'ɩ yãya-ƴɛ̀rʋ: ɩ̃ ɩ ʋ na zuo bɛ. A bàlʋ pʋɔ n'a o, ɩ̃ zuo bɛ na, a gaso pʋɔ kpɛb ƴãw n'a o, ɩ̃ gãw bɛ na, a ŋmɩɛrʋ lowr wa n'a a, bɛ ŋmɛ mɛ̃ na zuo bɛ. Gb'a a ŋmɩn za, ɩ̃ tɩ cɛ nɩ blã nãá kpi.

2 Korɛ̃tɩ 11:23 ပူးပေါင်းရင်းမြစ်များ

Zeremi 36:5

Al pùorí, a Zeremi yel a Barukɩ: «Bɛ piw mɛ̃ nɩ sɔ́r, ɩ̃ kʋ̃ tʋ̃ɔ́ cen a Ŋmɩn-yir-kpɛ̃ɛ pʋɔ ɩ̃ mɩŋa ɩ.

Nɩ-toni 14:19

Ɛcɛ a Ãtɩɔsɩ nɩ a Ɩkonɩɔm tẽw Zifʋ mɩnɛ tɩ wa na wa lɩɛbɩ a zu-sɛbla tɩɛrʋ, ƴãw bɛ tu bɛ, ɛ́ lɔb a Pol nɩ kʋsɛbɛ, ɛ́ nyɔw ʋ vu yi n bɛr a tẽw pʋɔ, ɛ́ tɩɛrɛ k'ʋʋ kpi na.

Nɩ-toni 20:23

Ɛcɛ alɛ saa ŋmɛ̃ ŋmɩŋmɩn za a, tẽw za pʋɔ ɩ̃ na tuur tɔlɛ a, a Vʋʋrʋ Sõw yere na kʋ̀rɛ mɛ̃, kɛ́ bamɛ nɩ kpɩɛrʋ n'a gùre mɛ̃.

Nɩ-toni 21:11

Ʋ tɩ wa n a tɩ zie wa de a Pol kpàwr 'lẽ nɩ a ʋl tɔr za gbɛ́ɛ nɩ a nuru ɛ́ yel: «À ŋá n'a a Vʋʋrʋ Sõw yere: “À à ŋá tɔr za n'a a Zifʋ mɩnɛ na 'lẽ a kpàwr ŋa sob a Zerizalɛm, ɛ́ de ʋ ƴãw a nɩ-bʋʋr-yoru nuru pʋɔ.”»

Nɩ-toni 25:14

Bɛ na tɩ be a be na ta bibie à ŋá lɛ a, a Fɛsɩtɩsɩ tɩ manɩ nɩ a Pol yele kʋ̀ a nãà. Ʋ tɩ yel'a: «Nɩr kãw, Felisɩ na bɛr a gaso pʋɔ a, be n a ka.

Nɩ-toni 27:1

Bɛ na wa yel kɛ́ tɩ na kpɛ n a gbor cen a Ɩtali a, bɛ de nɩ a Pol nɩ nɩ-pàwrɩ bɛ mɩnɛ ƴãw sojarɩ kʋba (100) nɩ-kpɛ̃ɛ na dɩ kɛ́ Ziliyisɩ a nũú. Ʋ tɩ ɩ n sojarɩ kʋba (100) nɩ-kpɛ̃ɛ a Ʋrɔm tẽw na-kpɛ̃ɛ-lɩɛrɛ sojarɩ pʋɔ.

Nɩ-toni 28:16

Tɩ na wa ta a Ʋrɔm a, a Pol zɛlɩ na bɛ sàw ʋ tɛr ʋ tʋɔra yir, ɛ́ soja gùre ʋ.

Nɩ-toni 28:30

A Pol tɩ kpɛ n a yir nɛ pʋɔ yũo-ɓile ayi, yarɛ a yir. A bɛlɩ dem za na mɩ́ tɩ wa a ʋ zie a, ʋ mɩ́ tɛr bɛ na

Nɩ-toni 9:16

Mãa mɩŋa na wul ʋ nɩ a tuo al za a na fɛr k'ʋʋ wõ a ɩ̃ yúor ƴãw a.»

Ʋrɔm 8:36

Mɛ̃ a lɛ a Sɛb-sõw na yel a: «A fʋ̃ʋ ƴãw n'a a kũu jɩɛrɛ tɩ kʋralɛ, bɛ ɩrɛ tɩ mɛ̃ píir bɛ na cere nɩ kʋb zie a.»

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Korɛ̃tɩ 3:5

A ɩ lɛ ãa n'ɩ a Apɔlɔsɩ? Ãa n'ɩ a Pol? Tɩ ɩ n tõ-tõ-biir na ɩ nyɩ páw a naaŋmɩn-sàw-deb a. Tɩ kãw za tõ n a ʋ tome tu n a maalʋ a Sore na kʋ̀ ʋ a.

1 Korɛ̃tɩ 4:1

A na ɩ lɛ a, a nɩbɛ, bɛ jɩ́rɛ tɩ mɛ̃ a Kɩrɩta tõ-tõ-biir na kaarɛ a Naaŋmɩn yel-sɔwlɩ zie a.

1 Korɛ̃tɩ 4:11

Cãà wa tɩ tɔ a ƴɛrɛŋa a, kɔ̃ nɩ kʋ̃ɔ-nyúur kpɩɛr tɩ na, tɩ ɩ n ƴã-gã-zawlɛ ɛ́ bɛ dɔwrɛ tɩ, tɩ ɩ n nɩ-yʋɔrɩ

1 Korɛ̃tɩ 4:9

Sɩza n'a, a tɩɩm nɩ-toni a, a ɩ na mɛ̃ a Naaŋmɩn ɩ na tɩ pàw pùor a. Tɩ ɩ na mɛ̃ nɩbɛ bɛ na ƴãw kũu dɔwrʋ a: tɩ ɩ n nɩbɛ bɛ na wul k'aa tẽ-daa, a malkɩ mɩnɛ nɩ a nɩsaalbɛ jɩ́rɛ a.

2 Korɛ̃tɩ 10:7

Nyɩ jɩ́rɛ a lɛ a yele na sɩrɩ ŋmɛ̃ a: nɩr wa bãw k'aa Kɩrɩta so ʋ a, ʋ páw bãwnɩ a: a Kɩrɩta wa so ʋ a, a Kɩrɩta mɩ̀ so tɩ.

2 Korɛ̃tɩ 11:5

Ɛcɛ, ɩ̃ bɛ tɩɛr kɛ́ a nyɩ nɩ-ton-gãdaar bɛ ŋa zuo mɛ̃ nɩ yel kãw za ƴãw ɛ.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 4:11

Tɩ na saa cãà vʋʋrɛ a, ɛcɛ a kũu jɩɛrɛ tɩ nɩ kʋralɛ a Yeezu yúor ƴãw, k'aa ʋ nyɔ-vʋʋrʋ mɩ̀ tʋ̃ɔ́ sãá a tɩ ƴã-gan na ɩ bʋ̃-kpiira a pʋɔ.

2 Korɛ̃tɩ 6:9

Tɩ sãá na mɛ̃ nɩbɛ bɛ na bɛ bãw a, ɛ́ tɩ ɩ nɩbɛ bɛ na bãw vla a. Bɛ de tɩ na bʋɔlɛ na-kpi-bio mɩnɛ, ɛ́ tɩɩm n'ɩ bɛ ŋan vʋʋrɛ. Bɛ dɔwrɩ tɩ na, ɛ́ bɛ kʋ tɩ ɛ.

Galasi 6:17

Dɩ̃a na ta a, nɩr za taa lɛb sɔbr mɛ̃ niwn ɛ, bʋ̃ʋ n'ʋ vɛ̃, a fɩlɛ na be a ɩ̃ ƴã-ganɩ́ a wule na k'aa Yeezu so m.

Efɛɛzɩ 3:1

Alɛ n'a so a mãa, Pol, ɩ̃ puore a Naaŋmɩn. Ɩ̃ be n a gaso pʋɔ a Yeezu Kɩrɩta tome ɩ̃ na tone a nyɩɩm nɩ-bʋʋr-yoru ƴãw a zũú.

Efɛɛzɩ 4:1

A mãa na be a gaso pʋɔ a Sore yúor ƴãw a, ɩ̃ zɛlɛ nyɩ na, nyɩɩm a Naaŋmɩn na bʋɔlɩ a, kɛ́ nyɩ vʋʋrɛ nyɔ-vʋʋrʋ na sɛw taa nɩ a bʋɔlʋ ŋa nyɩ na wõ a.

Efɛɛzɩ 6:20

Ɩ̃ na saa be a gaso pʋɔ a, ɩ̃ cãà na ɩ nɩr bɛ na tõ a Yel-nʋ̃ɔ̀ ŋa yúor ƴãw a. Lɛ so, nyɩ puore kʋ̀rɛ mɛ̃ k'ɩ̃ tʋ̃ɔ́ ɓãá ƴãw manɛ ʋ mɛ̃ a lɛ a na fɛr k'ɩ̃ɩ ɩrɛ a.

Filib 1:13

A Ʋrɔm tẽw na-kpɛ̃ɛ-lɩɛrɛ yir za pʋɔ nɩ a ziir za a, nɩr za bãwnɩ a nɩ ƴɛrɛŋa, kɛ́ a Kɩrɩta ƴãw n'a ɩ̃ be a gaso pʋɔ.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

1 Tesalonikɩ 3:2

ɛ́ tõ a tɩ yɛb Timote a nyɩ zie, k'ʋʋ wa ɩ nyɩ kpɛmɛ ɛ́ ƴãw fãw a nyɩ naaŋmɩn-sàw-deb ƴãw, ʋl na ɩ Naaŋmɩn lãw-tõ-tɔ a Kɩrɩta Yel-nʋ̃ɔ̀ hieru tome pʋɔ a,

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

2 Timote 1:16

A Sore, ʋ tɛr su-ɓaarʋ ɩb yaga za a Onezifɔɔr yir dem ƴãw. Gb'aa yaga za, a Onezifɔɔr ɓaal'ɩ a ɩ̃ tɩɛrʋ, ɛ́ bɛ zɔ a ɩ̃ gaso bamɛ vĩ ɛ.

2 Timote 1:8

Lɛ so, ta zɔrɛ vĩ a tɩ Sore dãsɩɛ dɩb ƴãw ɛ. A mãa mɩ̀ na be a gaso pʋɔ a ʋ yúor ƴãw a, a ta ɩrɛ fʋ vĩ ɛ. Nɩ̃ɛ vɛ̃ kɛ́ sàw lãw nɩ mɛ̃ wone a tuo nɩ Naaŋmɩn fãw, a Yel-nʋ̃ɔ̀ ƴãw.

2 Timote 2:9

A Yel-nʋ̃ɔ̀ ŋa ƴãw n'a ɩ̃ wone a tuo, bɛ tɩ nyɔw mɛ̃ 'lẽ nɩ bamɛ mɛ̃ yel-fa-maalɛ a. Ɛcɛ bɛ bɛ 'lẽ a Naaŋmɩn ƴɛ̀rʋ ɛ!

2 Timote 3:11

a dɔwrʋ pʋɔ nɩ a kpɩɛrʋ pʋɔ ɩ̃ na páw a Ãtɩɔsɩ, a Ɩkonɩɔm nɩ a Lɩsɩtɩr a. Bʋ̃ʋ dɔwrʋ n'a ɩ̃ bɛ nyɛ̃! Ɛ́ a Sore faa mɛ̃ a za pʋɔ!

Filemɔ̃ 1:9

ɩ̃ nyɛ̃ na a sa, k'ɩ̃ɩ zɛlɩ fʋ bʋ̃-kãw a nɔ̃wfʋ zũú. À à ŋá ɩ̃ na ŋmɛ̃ a, a mãa Pol na ɩ dɛb-nyãw, ɛ́ be a gaso pʋɔ ƴɛrɛŋa a Yeezu Kɩrɩta ƴãw a,

Ebre 10:34

Nyɩ tɩ lãw nɩ nɩ a gaso pʋɔ dem a bɛ kpɩɛrʋ pʋɔ, nyɩ tɩ sàw na bɛ fa a nyɩ bʋ̃-tɛrɩ ɛ́ nʋ̃ɔ̀ cãà ɩrɛ nyɩ, nyɩ na tɩ bãwnɩ a kɛ́ nyɩ tɛr'ɩ na-bom na vɩɛl zuo ɛ́ be be kʋralɛ a.