2 Korɛ̃tɩ 11:21 - A SƐB-SÕW

²¹ Vĩ ɩrɛ mɛ̃ nɩ a yelu ƴãw: tɩ wul'a kɛ́ tɩ maal'a ɩ bãbàalbɛ tɩ zuo! Ɩ̃ ƴɛ̀rɛ na mɛ̃ yãyaar sob a, a bom nɛ ƴãw a nɩbɛ na zɛwr bɛ tʋɔra a, mãa mɩ̀ na tʋ̃ɔ́ na zɛw ɩ̃ tʋɔra.

2 Korɛ̃tɩ 11:21 ပူးပေါင်းရင်းမြစ်များ

2 Korɛ̃tɩ 10:10

Bʋ̃ʋ n'ʋ vɛ̃, bɛ yere na: «A Pol sɛbr ƴɛ̀r-bie mɩ́ tɩbrɛ na ɛ́ kpɛmɛ, ɛcɛ a ʋl tɔr za wa be a tɩ sɔgɔ a, ʋ bɛ mɩ́ tɛr fãw ɛ, a ʋ ƴɛ̀rʋ bɛ mɩ́ tɛr pɛr ɛ.»

2 Korɛ̃tɩ 11:1

Bʋ̃ʋ pãa ɩ a! Nyɩ nãá sàw kʋ̀ m ɩ̃ tõ yãya-tome blã! Ʋ̃ʋ nyɩ sàw kʋ̀ m!

2 Korɛ̃tɩ 11:17

Sɩza n'a, a yele na wa ƴãw mɛ̃ ɩ̃ na zɛwr ɩ̃ tʋɔra a, ɩ̃ bɛ ƴɛ̀rɛ mɛ̃ a lɛ a Sore nãá tɩ bɔbr k'ɩ̃ɩ ƴɛ̀r a ɩ, ɩ̃ ƴɛ̀rɛ na mɛ̃ yãyaar sob a.

2 Korɛ̃tɩ 13:10

Alɛ n'a so ɩ̃ zãá nɩ nyɩ ɛ́ sɛbr nyɩ a yel ŋa. Ɩ̃ bɛ bɔbr k'ɩ̃ɩ wa ta mʋ̃ɔ mimir ƴãw nyɩ ɛ, mɛ̃ a lɛ a Sore na kʋ̀ m a fãw a ɩ. A nyɩ maalʋ ƴãw n'a ʋ kʋ̀ m a fãw ŋa, a nyɩ loba ƴãw bɛ n'a ɩ.

2 Korɛ̃tɩ 6:8

Bɛ mɩ́ ƴãwnɛ tɩ na bɩɩ jewre tɩ, bɛ mɩ́ pore nɩ a tɩ yúor yo-vla bɩɩ pore a tɩ yúor yo-faa. Zir-ŋmarbɛ n'ɩ tɩ a nɩbɛ zie, zɩ̃ kɛ́ yel-mɩŋa n'a tɩ yere.