2 Korɛ̃tɩ 11:13 - A SƐB-SÕW

¹³ A nɩbɛ bɛ ŋa a, nɩ-ton-bɛlɛbɛlɛ mɩnɛ nɛbɛ, tõ-tõ-biir na bɛ tɛr yel-mɩŋa, ɛ́ bɛ̀lɩ ɩ Kɩrɩta nɩ-toni a.

2 Korɛ̃tɩ 11:13 ပူးပေါင်းရင်းမြစ်များ

Zeremi 23:16

À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 27:14

Nyɩ ta bɛrɛ wone a ƴɛ̀rʋ al a naaŋmɩn-ƴɛ̀r-manbɛ bɛ mɩnɛ na yere kʋ̀rɛ nyɩ, kɛ́ nyɩ kʋ̃ lo a Babɩlɔn tẽw nãà nuru pʋɔ a ɩ. A bɛ naaŋmɩn-ƴɛ̀r-manbɛ ƴɛ̀rʋ ɩ n ziri.

Matie 25:24

A ʋl na tɩ páw a salm-zɩɛ libie kʋba (100) a mɩ̀ tɩ taw na ta ɛ́ yel: “Zu-sob i, ɩ̃ tɩ bãwnɩ a na a fʋ yele na kpɛmɛ a: fʋ mɩ́ cɛ n a be fʋ na bɛ bʋ̀r a, ɛ́ de bom be fʋ na bɛ kɔ a.

Nɩ-toni 15:1

Nɩbɛ bɛ mɩnɛ kãw na tɩ yi a Zude siw wa a Ãtɩɔsɩ a tɩ tĩ na kanɛ nɩ a yɛbr yere à ŋá: «Nyɩmɛ bɛ wa ƴãw bɛ ŋma nyɩ a yɛɛ, mɛ̃ a lɛ a Moyiir nʋɔr na ƴãw a, nyɩ kʋ̃ tʋ̃ɔ́ nyɛ̃ a faafʋ ɛ.»

Nɩ-toni 15:24

Tɩ wõ na k'aa tɩ nɩbɛ bɛ mɩnɛ, tɩ na bɛ tõ a, wa na wa ƴãw bʋnʋ a nyɩ zie, ɛ́ dam a nyɩ tɩɛrʋ nɩ a bɛ ƴɛ̀rʋ.

Nɩ-toni 20:30

Mɔ̃ mɩ̀, zir-ŋmarbɛ na yi n a nyɩ pʋɔ bɛ̀lɩ a po-tuurbɛ bɛ tu a bɛ pùor.

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

2 Korɛ̃tɩ 11:15

Lɛ so, a Sɩtaana tõ-tõ-biir mɩ̀ na bɛ̀lɩ ɩ yel-mɩŋa tõ-tõ-biir a, yel-pʋrɩ n'ʋ a bɛ zie. A bɛ baarʋ na tu n a lɛ a bɛ ɩ-ɩrɩ na ŋmɛ̃ a.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

Galasi 1:7

A bɛ kaar mɛ̃ Yel-nʋ̃ɔ̀ kãw lɛb'a be be ɩ, ɛcɛ nɩbɛ bɛ mɩnɛ kãw nɛbɛ be be damnɛ nyɩ, ɛ́ bɔbr kɛ́ bɛ lɩɛbɩ a Kɩrɩta Yel-nʋ̃ɔ̀.

Galasi 2:4

yɛb-bɛlɛbɛlɛ bɛ mɩnɛ kãw na saa tɩ kpɛ jɛr a tɩ pʋɔ, ɛ́ bɔbr kɛ́ bɛ ŋmãa ʋ a yʋ̀ɔr a. A nɩbɛ bɛ ŋa tɩ sɔwl'a kpɛ a tɩ pʋɔ, kɛ́ bɛ piwre a só-tɩ-tʋɔra tɩ na páw a Yeezu Kɩrɩta zie a, ɛ́ lɛb tɛr tɩ tɩ ƴãw a Naaŋmɩn wulu sàwfʋ gbãgbaalʋ pʋɔ.

Galasi 4:17

Bɛ mɩnɛ kãw mĩine nɩ a nyɩ ƴãw, ɛcɛ a bɛ tɩɛrʋ bɛ vɩɛl ɛ. Bom nɛ bɛ na bɔbr a n'ɩ kɛ́ bɛ bʋ́r mãa nɩ a nyɩɩm, nyɩ tʋ̃ɔ́ mĩine a bɛ ƴãw.

Galasi 6:12

A bɛlɩ dem na bɔbr kɛ́ bɛ fɛr nyɩ nyɩ ŋma a nyɩ yɛɛ a, bɛ ɩ n nɩbɛ na bɔbr kɛ́ bɛ sãá nɩ-vɩɛlɩ a nɩsaalʋ yele pʋɔ a. A bɛ bʋ̃-bɔbra tɛwr'ɩ kɛ́ bɛ ta mɩ́ páw dɔwrʋ a Kɩrɩta da-gara ƴãw ɛ.

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

Filib 3:18

Ɩ̃ tɩ yel'a kʋ̀ nyɩ gb'aa ŋmɩn za, ɛ́ lɛb yere kʋ̀rɛ nyɩ a dɩ̃a kone nɩ: nɩbɛ yaga be n be ɩrɛ mɛ̃ a Kɩrɩta da-gara dɔ̃ dem a.

Filib 3:2

Nyɩ gùre nyɩ tʋɔra a nɩsaal-baar ƴãw! Nyɩ gùre nyɩ tʋɔra a Yel-nʋ̃ɔ̀ tõ-tõ-bi-faar ƴãw! Nyɩ gùre nyɩ tʋɔra a bɛlɩ dem na bɛlɩ ŋma a yɛɛ a ƴãw!

Kɔlɔsɩ 2:4

Ɩ̃ yere nɩ à ŋá kɛ́ nɩr za ta tʋ̃ɔ́ bɛlɩ nyɩ nɩ nɔ-kãá ƴɛ̀rʋ ɛ.

Kɔlɔsɩ 2:8

Nyɩ gù vla nɩr za taa bɛlɛ nyɩ nyɔwr nɩ a nɩsaalbɛ yã-bãwfʋ nɩ a bɛ bãw-voru na mɩ́ tu sãàkʋm-kore yele nɩ a tẽ-daa bʋ̃-balɛ, ɛ́ bɛ tu a Kɩrɩta a ɩ.

1 Zã 2:18

Ɩ̃ bibiir i, a yele za baarʋ pɩɛl'a. Nyɩ wõ na bɛ yel kɛ́ Kɩrɩta dɔ̃ sob waar'a. Ɛcɛ ƴɛrɛŋa a, Kɩrɩta dɔ̃ dem yaga be n ka. À ŋá n'a tɩ bãw k'aa yele za baarʋ daar ta na.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Yel-wula 2:2

ɩ̃ bãw nɩ a fʋ tome, a balʋ fʋ na bàl fʋ tʋɔra a, nɩ a fʋ kanyir. Ɩ̃ bãwnɩ a na fʋ̃ʋ nɩ a po-to-dem na kʋ̃ tʋ̃ɔ́ taa a. A bɛl na yel kɛ́ bɛ ɩ n nɩ-toni ɛ́ bɛ ɩ nɩ-toni a, fʋ ɩ bɛ na kaa nyɛ̃ bɛ ɩ zir-ŋmarbɛ.

Yel-wula 2:20

Ɛcɛ, yel ŋa ƴãw n'a ɩ̃ yere fʋ: fʋ bɛr'ɩ a Zezabɛl, a pɔw ŋa na yel k'ʋʋ ɩ n naaŋmɩn-ƴɛ̀r-manɛ ɛ́ tule a ɩ̃ tõ-tõ-biir, ɛ́ wule bɛ bɛ maalɛ a pɩ̃ɔ-yele ɛ́ 'wɔbr a tɩbɛ bàwr-maal-nɛnɛ a.

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.