2 Korɛ̃tɩ 10:5 - A SƐB-SÕW

⁵ tɩ mɩ́ tʋ̃ɔ́ nɩ fãw za na zɛwr ʋ tʋɔra bɛ sàwr kɛ́ bɛ bãw a Naaŋmɩn a ɩ. Tɩ mɩ́ tʋ̃ɔ́ nɩ nɩsaal tɩɛrʋ za, a ɩ mɛ̃ gaso pʋɔ n'a tɩ nyɔw ʋ ƴãw a, kɛ́ tɩ ɩ ʋ sàwr a Kɩrɩta nʋɔr.

2 Korɛ̃tɩ 10:5 ပူးပေါင်းရင်းမြစ်များ

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

2 Na-mɩnɛ 19:22

Ãa n'ʋ fʋ tʋ a zʋmɛ? Ãa n'ʋ fʋ ɩ la? Ãa zie n'a fʋ sʋ̃ɔmɩ sàw ƴɛ̀r, ãa n'ʋ fʋ jɩɛlɩ? Mãa n'ʋ, a mãa Ɩsɩrayɛl Naaŋmɩn na ɩ sõw a!

2 Na-mɩnɛ 19:28

Ɛcɛ fʋ nyɛ̃ nɩ mɛ̃ nɩ suur, ɩ̃ wõ n a fʋ nyɔka-ƴɛ̀rʋ fʋ na ƴɛ̀r a. A lɛ ƴãw a, ɩ̃ na ƴãw fʋ nɩ bãw a nyɔbɔwrɩ́, ɛ́ ƴãw fʋ nɔ-bãw, lɛb tu n fʋ a sɔ́r ʋl fʋ na tu wa a, kul'ɩ a fʋ tẽw.

A Zɔb sɛbɛ 42:6

Lɛ so, ɩ̃ lɩɛb'ɩ a ɩ̃ ƴɛ̀rʋ ɩ̃ na tɩ ƴɛ̀r a bɛr, ɩ̃ sàw nɩ a ɩ̃ sãwna, ɛ́ siwre ɩ̃ tʋɔra zɩ̃ a tanɛ pʋɔ nɩ a tãpɛlʋ pʋɔ.

Sɛb-sõw yielu 10:4

A ʋ pɔ̀l-ɩb pʋɔ a, a nɩ-faa bɛ cãà sowre bom za ɩ. «Naaŋmɩn bɛ ka ɩ», a ʋ tɩɛrʋ za n'ɩ a lɛ.

Sɛb-sõw yielu 139:2

Fʋ mɩ́ bãw nɩ a ɩ̃ zɩma daar nɩ a ɩ̃ ìru daar, fʋ mɩ́ de nɩ niwn bãw a ɩ̃ pʋ-tɩɛrʋ a cɛlɩ.

Sɛb-sõw yielu 18:27

Fʋ vɩɛl'ɩ parpar, nɩr na vɩɛl parpar a zie, ɛ́ wul kɛ́ fʋ cɩ n a yã-faa sob zie.

Sɛb-sõw yielu 18:44

Fʋ faa mɛ̃ nɩ a nɩbɛ na ìr zɛbr'ɩ mɛ̃ a nuru pʋɔ, fʋ ɩ na k'ɩ̃ de a nɩ-bʋʋr-yoru niwn, nɩbɛ ɩ̃ na bɛ bãw a tone nɩ a ɩ̃ tome,

Eziptɩ tẽw yib 5:2

A Faarawɔ̃ tɩ sɔw na: «Ãa n'ɩ a Sore ŋa, ɩ̃ na sàw a ʋ nʋɔr bɛr a Ɩsɩrayɛl nɩbɛ bɛ cen? Ɩ̃ bɛ bãw a Sore ŋa ɩ, ɛ́ kʋ̃ bɛr a Ɩsɩrayɛl nɩbɛ bɛ cen ɛ!»

Zʋkpaɩ 15:26

A Sore bɛ nɔnɛ a tɩɛr-faar towtow ɛ, ɛcɛ ƴɛ̀rʋ na tu nɔ̃wfʋ a mɩ́ vɩɛl'a.

Zʋkpaɩ 24:9

Tɩɛr-been yõ n'ʋ a dãbol sob tɛr: a yel-bier maalʋ! Ɛ́ a nɩbɛ bɛ nɔnɛ nɩr na ɩrɛ bom za laar a ɩ.

Ɩzayi 2:17

A na fɛr'a pɔ̀lʋ sob za gũu zu, ɛ́ a bɛlɩ dem na ɩrɛ nyɔka-ɩb a siwri bɛ tʋɔra. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ɩzayi 59:7

A nyɩ gbɛ́ɛ zɔrɛ na wɩɛr a faa maalʋ, nyɩ zɔrɛ na páwr a nɩr na bɛ sãw a kʋb ƴãw. Faa maalʋ tɩɛrʋ tɛwr'a nyɩ tɩɛrɛ. Zie nɛ za nyɩ na tɔlɛ a, a mɩ́ ɩ n po-to-fãw-ɩb nɩ yel-sãwnɩ.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Zeremi 23:29

A ɩ̃ ƴɛ̀rʋ bɛ ɩ mɛ̃ vũu a ɩ? A bɛ ɩ mɛ̃ 'hama na mɩ́ ŋmɛ pìir wɛl a ɩ?»

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Ezekɩɛl 17:24

Lɛ n'a a mʋ̃ɔ pʋɔ tɩɩr za na bãw kɛ́ mãa n'ɩ a Sore. Ɩ̃ mɩ́ siwr'ɩ a tɩɩr al na kɛrɩ a, ɛ́ ɩ a al na ɩ cãpili a, a kɛrɩ. Ɩ̃ mɩ́ ɩ n a tɩ-ɓaar a ko, ɛ́ ɩ a al na ko a, a tɛr puuru. A mãa Sore n'ʋ yel ɛ́ mɩ́ ɩ a lɛ ɩ̃ na yel a.»

Matie 15:19

A nɩsaal socir pʋɔ sɩrɩ n'a a tɩɛr-faar, nɩbɛ kʋb, pɔw-gaa, nɩ-fa-ɩb, nyãnyuwlu, dãsɩ-ziri nɩ zʋmɛ mɩ́ yire.

Luka 1:51

Ʋ dɔl'ɩ nũu wul a ʋ kpɛnʋ: diw a pɔ̀lʋ dem yaarɩ.

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

Ʋrɔm 7:23

Ɛcɛ ɩ̃ nyɛ̃ nɩ wulu kãw a ɩ̃ pʋɔ ʋ mʋɔr'ɩ a Wulu ʋl a ɩ̃ yã na sàw de a. Ʋ ɩ na k'ɩ̃ ɩ a yel-bier wulu na be a ɩ̃ pʋɔ a gbãgbaa.

1 Korɛ̃tɩ 1:19

À ŋá n'a a Sɛb-sõw yere: «Ɩ̃ na sãw nɩ a yã-bãwnbɛ yã-bãwfʋ bɛr, ɛ́ ɩ a bãw-bãwnbɛ bãwfʋ bɔr.»

1 Korɛ̃tɩ 3:19

bʋ̃ʋ n'ʋ vɛ̃, a tẽw ŋa zu yã-bãwfʋ ɩ n gẽgemi Naaŋmɩn zie. A Sɛb-sõw sɩrɩ na yel à ŋá: «Naaŋmɩn mɩ́ nyɔw nɩ a yã-bãwnbɛ a bɛ cɩbɛ pʋɔ»,

2 Korɛ̃tɩ 11:20

Nyɩ mɩ́ sàw na kɛ́ bɛ ɩrɛ nyɩ mɛ̃ gbãgbaar a, ɛ́ sàw bɛ nɛbr nyɩ, nyɩ mɩ́ sàw na bɛ farɛ a nyɩ bome za ɛ́ pɔrɛ a nyɩ zu, ɓarɛ nɩ nyɩ.

2 Korɛ̃tɩ 9:13

Nɩ-yaga na na nyɛ̃ a nyɩ ton ŋa vɩɛl sɛw à ŋá a, bɛ na íre nɩ a Naaŋmɩn yúor-vɩɛlʋ-danʋ, nyɩ na sàw a nʋɔr a ƴãw. A nyɩ nʋɔr-sàwfʋ ŋa wul'a kɛ́ nyɩ de nɩ a Kɩrɩta Yel-nʋ̃ɔ̀. Bɛ mɩ̀ na íre nɩ a Naaŋmɩn yúor-vɩɛlʋ-danʋ, nyɩ na sàw de a nyɩ bʋ̃-tɛrɩ tɩr bɛ põ kʋ̀ bɛ, lãwnɩ a ŋmaarɛ bɛl za na cɛ a.

Wulu-ayi-sob 15:9

Ɛcɛ nyɩ gù vla taa wa tɛrɛ tɩɛr-faar yere à ŋá ɩ: «A yome ayopõi sob kʋ̃ yaa kɛ́ ta ɩ, a samɛ lɛb-bɛrʋ yũon.» Nyɩ taa wa kpɛ mimi-kõw a nyɩ yɛb-nã́w sob zie a al ƴãw, ɛ́ bɛ kʋ̀ ʋ bom za ɩ. Alɛ bɛ ɩ lɛ, ʋ nãà mab'a bʋɔlɩ a Sore ƴãw nyɩ, nyɩ ɩ sãwna dem.

Filib 4:7

Lɛ n'a a Naaŋmɩn ƴã-ɓaarʋ na zuo a nɩsaal yã a, na gù a nyɩ socie nɩ a nyɩ tɩɛrʋ a lãw nɩ a Yeezu Kɩrɩta.

2 Tesalonikɩ 2:4

Bom nɛ za a nɩsaalbɛ na bʋɔlɛ kɛ́ naaŋmɩn, ɛ́ puore ʋ a, a Faalʋ nɩr na ìr'ɩ nɩ pɔ̀lʋ ɩ a ʋ dɔ̃ sob, ʋʋ na tɛr'ɩ lɛɛɛ tɩ kpɛ zɩ̃ a Naaŋmɩn yir-kpɛ̃ɛ pʋɔ, ɛ́ yel k'ʋʋ ɩ n Naaŋmɩn.

2 Tesalonikɩ 2:8

Lɛ n'a a Faalʋ nɩr na sãá, a Sore Yeezu pɛbl'ʋ kʋ, ɛ́ ɩ ʋ bɔr nɩ a ʋ waa cãà.

Ebre 4:12

Bʋ̃ʋ n'ʋ vɛ̃, a Naaŋmɩn ƴɛ̀rʋ ɩ n bʋ̃-vʋʋra na tone a, ɛ́ dɩrɛ gãw zɛbr-sɔ-kpɛ̃ɛ za na dɩrɛ a loge a za ayi a. Ʋ mɩ́ cɔr'a kpɛ tɩ põ a sɩ́ɛ nɩ a tɩɛrʋ, a kɔbɛ tuor-taa ziir nɩ a kɔbɛ buge. Ʋ mɩ́ jɛl'ɩ a nɩsaal socir bʋ̃-bɔbrɩ nɩ a nɩsaal socir tɩɛrʋ.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.