2 Korɛ̃tɩ 10:4 - A SƐB-SÕW

⁴ A tɩ zɛbr bome bɛ yi nɩsaalbɛ zie ɩ, Naaŋmɩn zie n'a a tɩ zɛbr bome fãw yi, k'aa tʋ̃ɔ́ mɩ́ ŋmɛ a yir-kpɛn lɔb. Tɩ mɩ́ ŋmɛ n a tɩɛrʋ na bɛ tu yel-mɩŋa a lɔb,

2 Korɛ̃tɩ 10:4 ပူးပေါင်းရင်းမြစ်များ

Sɛb-sõw yielu 110:2

A Sore na ɩ na fʋ tĩ a Sɩyɔ̃ Ŋmɩn-yir, ɛ́ dɩ naalʋ tɩ sãá nɩ zi-zãána! Ɛ́ fʋ̃ʋ a, fʋ na tʋ̃ɔ́ nɩ a dɔ̃ dem na jil koli fʋ a.

Ɩzayi 30:25

A ʋlɩ bibir bɛ nãà wa kʋ a nɩbɛ za a, a zɛbr yir-cõcowli wa lo a lɛn daar a, bàrʋ kʋ̃ɔ na zɔrɛ nɩ a tã-bɛrɛ nɩ a tãli zu.

Zeremi 1:10

Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr na càarɩ a nɩ-bʋʋrɛ nɩ a naalʋ-ten a: kɛ́ fʋ tɩ vɔnɛ ɛ́ darɛ lɔbr, kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ, kɛ́ fʋ tɩ mɩɛr ɛ́ sɛlɛ.»

Zeremi 23:29

A ɩ̃ ƴɛ̀rʋ bɛ ɩ mɛ̃ vũu a ɩ? A bɛ ɩ mɛ̃ 'hama na mɩ́ ŋmɛ pìir wɛl a ɩ?»

Nɩ-toni 7:22

À ŋá n'a bɛ tɩ zànɩ nɩ a Moyiir a Eziptɩ yã-bãwfʋ za, ʋʋ tɩ tɛr'ɩ fãw a ʋ ƴɛ̀rʋ pʋɔ nɩ a ʋ ɩ-ɩrɩ pʋɔ.

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

Ʋrɔm 6:13

Nyɩ ta cãà dier a nyɩ ƴã-gã-ɓɛrmɛ a lɩɛbɩ yel-bier tõ-tõ-bome, nyɩ ɩrɛ nɩ a lɛ na bɛ tu sɔ́r a ɩ. Nyɩ nɩ̃ɛ vɛ̃ kɛ́ de nyɩ mɩŋa kʋ̀ a Naaŋmɩn, mɛ̃ nɩbɛ na tɩ kpi ɛ́ lɛb wa vʋʋrɛ a, ɛ́ nyɩ tone a ʋ tome, ɩ mɛ̃ tõ-tõ-bome a yel-vla maalʋ ƴãw a.

1 Korɛ̃tɩ 2:5

k'aa nyɩ sàw-deb ta yi nɩsaalbɛ zie ɩ, ɛ́ yi a Naaŋmɩn kpɛnʋ zie.

1 Korɛ̃tɩ 9:7

Ãa n'ʋ dãw de ʋ mɩŋa libie tone nɩ sojarɩ tome? Ãa n'ʋ dãw sɛl divɛ̃ tɩɛ ɛ́ ciir a wɔmɛ? Bɩɩ ãa n'ʋ dãw àrɛ nɩ dʋn ɛ́ a dʋn bʋ̀rʋ bɛ guole ʋ?

2 Korɛ̃tɩ 10:8

Bʋ̃ʋ n'ʋ vɛ̃, vĩ bɛ ɩrɛ mɛ̃ mãa saa pɔrɛ nɩ a fãw a Sore na kʋ̀ tɩ a ɩ, ʋ kʋ̀ tɩ nɩ a fãw ŋa a nyɩ vla ƴãw, a nyɩ loba ƴãw bɛ n'a ɩ.

2 Korɛ̃tɩ 13:10

Alɛ n'a so ɩ̃ zãá nɩ nyɩ ɛ́ sɛbr nyɩ a yel ŋa. Ɩ̃ bɛ bɔbr k'ɩ̃ɩ wa ta mʋ̃ɔ mimir ƴãw nyɩ ɛ, mɛ̃ a lɛ a Sore na kʋ̀ m a fãw a ɩ. A nyɩ maalʋ ƴãw n'a ʋ kʋ̀ m a fãw ŋa, a nyɩ loba ƴãw bɛ n'a ɩ.

2 Korɛ̃tɩ 3:5

A bɛ kaar mɛ̃ tɩ na tʋ̃ɔ́ na tõ a ton ŋa tɔ nɩ a tɩɩm mɩŋa fãw, a ɩ mɛ̃ tɩɩm zie n'a a yi ɛ. Tɩmɛ wa tɛr fãw a, a tɩ fãw yi n Naaŋmɩn zie.

2 Korɛ̃tɩ 4:7

Ɛcɛ tɩ tɛr'ɩ a na-bʋ̃-sɩza ŋa mɛ̃ yawra duwli pʋɔ n'a tɩ ƴãw a, k'aa kpɛnʋ ŋa na bɛ tɛr tɔ a, ta yi tɩɩm zie ɩ, ʋ yi Naaŋmɩn zie.

2 Korɛ̃tɩ 6:7

A yel-mɩŋa tɩ na kanɛ kʋ̀rɛ a nɩbɛ a pʋɔ n'a, nɩ a Naaŋmɩn fãw zũú n'a tɩ bɔbr kɛ́ tɩ wul kɛ́ tɩ ɩ n Naaŋmɩn tõ-tõ-biir. A mɩnʋ ɩ-ɩrɩ a Naaŋmɩn niŋé n'ɩ a zɛbr bome tɩ na tɛr zɛbr'ɩ, ɛ́ gùre nɩ tɩ tʋɔra a.

1 Tesalonikɩ 5:8

Ɛcɛ tɩɩm na ɩ mʋ̃tɔ̃w daarɩ́ nɩbɛ a, nyɩ ɩ tɩ mɩ́ nyɔw tɩ tʋɔra a dɩb nɩ a nyub ƴãw. Tɩ de a naaŋmɩn-sàw-deb nɩ a nɔ̃wfʋ a ɩ mɛ̃ a zɛbr kparʋ na mɩ́ pàw a nyãa tɩ tɔ a sɩɛ a, ɛ́ de a faafʋ tɩɛrʋ mɛ̃ zɛbr-kpawɔ-kpow a.

1 Timote 1:18

Ɩ̃ bie Timote e, a wulu n'ɩ à ŋà ɩ̃ na kʋ̀rɛ fʋ tu n a naaŋmɩn-ƴɛ̀r-manbɛ ƴɛ̀r-bie bɛ na tɩ dãw ƴɛ̀r a fʋ ƴãw a. A ƴɛ̀r-bie á ŋá a, a ɩ fʋ kpɛmɛ tʋ̃ɔ́ zɛb a zɛb-vla

2 Timote 2:3

Lãw nɩ mɛ̃ wone a tuo mɛ̃ Kɩrɩta Yeezu soja-vla a.

Ebre 11:30

A sàw-deb zũú n'a a Ɩsɩrayɛl bibiir tɩ cen viiri koli a Zeriko tẽw dacĩ-kpɛ̃ɛ bibie ayopõi, ʋ lo.

Zozue 6:20

Bɛ tɩ pɛbl'ɩ a ɩ́lɛ́. A Ɩsɩrayɛl nɩbɛ na wa wõ a ɩ́lɛ́ pɛblʋ a, bɛ lɔb'ɩ a zɛbr cɛl lawlawlaw, ɛ́ a dacĩ-kpɛ̃ɛ na piw a tẽw a, lo a pɛr nɛ pʋɔ. Daadaalɛ a Ɩsɩrayɛl nɩbɛ tɩ kpɛ n a tẽw pʋɔ a zɛbr ƴãw, ŋa za tori a ʋ nidaa ɛ́ cere, bɛ tɩ zɛb'a de a tẽw.