2 Korɛ̃tɩ 10:3 - A SƐB-SÕW

³ Tɩ na saa ɩ nɩsaalbɛ a, tɩ bɛ zɛbr a zɛbr mɛ̃ a lɛ tɛwr nɩsaalbɛ na mɩ́ zɛbr a ɩ.

2 Korɛ̃tɩ 10:3 ပူးပေါင်းရင်းမြစ်များ

Ʋrɔm 7:5

A lɛn daar tɩ na tɩ cãà tɛr a tɩ nɩsaalɛ ɩb tɛwr'a, a Naaŋmɩn wulu mɩ́ tɩ ɩ na a pʋ-tɩɛr-faar tone a tome a tɩ nɩɩlʋ za pʋɔ, mɩ́ tɩ ƴãw tɩ tɛr ɩ-ɩrɩ na wɩɛr'ɩ tɩ kũu pʋɔ a.

Ʋrɔm 8:13

Bʋ̃ʋ n'ʋ vɛ̃, a nyɩ nyɔ-vʋʋrʋ wa tu a nɩsaalʋ a, nyɩ na kpi na. Ɛcɛ a Vʋʋrʋ Sõw ƴãw, nyɩmɛ wa kʋ a nɩsaalʋ ɩ-ɩrɩ a, nyɩ na vʋʋrɛ na.

Ʋrɔm 8:4

A Naaŋmɩn ɩ n à à ŋá k'aa mɩnʋ a Wulu na bɔbr kɛ́ tɩ tɛr a, tʋ̃ɔ́ paalɩ tɩ, tɩɩm na bɛ tuur a tɩ nɩsaalʋ ɛ́ tuur a Vʋʋrʋ Sõw a.

2 Korɛ̃tɩ 1:17

À à ŋá ɩ̃ na tɩ tɩɛr k'ɩ̃ɩ ɩ a, ɩ̃ bɛ tɩ tɩɛrɩ tɔ bɩɩ? Bɩɩ a lɛ ɩ̃ na tɩɛrɩ k'ɩ̃ɩ maalɩ a ɩ n nɩsaalbɛ pʋ-tɩɛrʋ tɛwr? A ɩ lɛ ɩ̃ mɩ́ lãw yel a «ʋ̃ʋ» nɩ a «ʋ̃ʋ'hʋ̃» ʋ?

2 Korɛ̃tɩ 10:4

A tɩ zɛbr bome bɛ yi nɩsaalbɛ zie ɩ, Naaŋmɩn zie n'a a tɩ zɛbr bome fãw yi, k'aa tʋ̃ɔ́ mɩ́ ŋmɛ a yir-kpɛn lɔb. Tɩ mɩ́ ŋmɛ n a tɩɛrʋ na bɛ tu yel-mɩŋa a lɔb,

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

1 Timote 1:18

Ɩ̃ bie Timote e, a wulu n'ɩ à ŋà ɩ̃ na kʋ̀rɛ fʋ tu n a naaŋmɩn-ƴɛ̀r-manbɛ ƴɛ̀r-bie bɛ na tɩ dãw ƴɛ̀r a fʋ ƴãw a. A ƴɛ̀r-bie á ŋá a, a ɩ fʋ kpɛmɛ tʋ̃ɔ́ zɛb a zɛb-vla

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.