Ɩ̃ na de nɩ a lɛ-na-tu-sɔr-a ʋ ɩ a miw-máná, ɛ́ de a mɩnʋ ʋ ɩ a kur-mɔrmɔr miwr. Ɛcɛ a sa-bi-kube na sãw nɩ a nyɩ pib zie na ɩ bɛlʋ a bɛr, a kʋ̃ɔnɩ na tuo nɩ a nyɩ sɔwlʋ zie.
Lɛ n'a ɩ̃ pãa sowre: a Zifʋ mɩnɛ taa ɩrɛ bɛ wa wõ a yel ŋa ʋ? Bʋnʋ ɩ, bɛ wõ ʋ na! À ŋá n'a a Sɛb-sõw yere: «A bɛ kɔkɔr yi na làarɩ a tẽw za, ɛ́ a bɛ ƴɛ̀rʋ tɔ a tẽw baarʋ ziir za.»
A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.
Tɩ tɛr'ɩ maalʋ dẽdeni, mɛ̃ a lɛ a Naaŋmɩn na mɩ́ kʋ̀ ŋa za mɔlɛ a. Alɛ wa ɩ naaŋmɩn-ƴɛ̀r-manɛ maalʋ n'ʋ tɩ kãw páw a, ʋ manɛ a Naaŋmɩn ƴɛ̀rʋ tuur'ɩ a naaŋmɩn-sàw-deb.
A Naaŋmɩn maalʋ a nyɩ been been na mɩ́ páw a, ʋ mɩ́ de ʋ tone nɩ a ʋ taabɛ vla ƴãw. Lɛ n'a nyɩ na ɩ nɩbɛ na kaarɛ a Naaŋmɩn maalʋ zie vla a, a Naaŋmɩn maalʋ na ɩ tɛɛtɛɛ a.