2 Korɛ̃tɩ 10:1 - A SƐB-SÕW

¹ A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

2 Korɛ̃tɩ 10:1 ပူးပေါင်းရင်းမြစ်များ

Sɛb-sõw yielu 45:4

Gãdaa a, sɛ a fʋ zɛbr-sɔ-kpɛ̃ɛ a fʋ sɩɛmɩ́, a fʋ vɩɛlʋ nɩ a fʋ dɛpaalʋ bãwfʋ n'ʋ,

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Matie 11:29

Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Matie 21:5

“Nyɩ yel a Sɩyɔ̃ tẽw dem: a nyɩ nãà n'ɩ ŋan waar a nyɩ zie, siwr ʋ tʋɔra zɔm bõw-nyãw, bõw-nyãw bile.”»

Nɩ-toni 8:32

A Sɛb-sõw ƴɛ̀r-bie á ŋá n'a ʋ tɩ kanɛ: “Mɛ̃ pɛ́rʋ bɛ na nyɔw cere nɩ a kʋb zie a, mɛ̃ pele bɛ na ŋmarɛ a kɔblʋ ʋʋ àr gbili a, ʋ bɛ háa nʋɔr ɛ.

Ʋrɔm 10:20

Ɩzayi ʋl sʋ̃ɔm'a sàw yel: «A Naaŋmɩn yere na: A bɛlɩ dem na bɛ tɩ bɔbr mɛ̃ a, bɛ nyɛ̃ m'a, a bɛlɩ dem na bɛ tɩ sowre mɛ̃ a, ɩ̃ ɩ na bɛ nyɛ̃ m.»

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 15:15

Ɛcɛ ɩ̃ nyɔw nɩ nyãa bʋʋrɛ kãw sɛb'ɩ nyɩ a ɩ̃ sɛbɛ ziir a mɩnɛ, k'ɩ̃ɩ tʋ̃ɔ́ sɩ̃w a nyɩ tɩɛrʋ. Ɛ́ mãa wa sɛb a lɛ a, a ɩ n a maalʋ a Naaŋmɩn na kʋ̀ m a zũú n'a,

1 Korɛ̃tɩ 2:3

Alɛ so ɩ̃ wa a nyɩ zie ɩ bãbàal, ɛ́ dɛ̃bɩ̃ɛ ɩ ɩ̃ màwr ɩ̃ za.

1 Korɛ̃tɩ 4:10

Tɩ ɩ n gẽgemi dem a Kɩrɩta ƴãw, ɛ́ nyɩɩm ɩ yã-bãwnbɛ nyɩ na lãw nɩ a Kɩrɩta a. Tɩ bɛ tɛr fãw ɛ, ɛ́ nyɩɩm tɛr fãw, nyɩ tɛr'ɩ yúor, ɛ́ tɩɩm bɛ nyɛrɛ ƴãwfʋ ɛ.

1 Korɛ̃tɩ 4:21

Abobe sob'a nyɩ bɔbr: k'ɩ̃ɩ wa a nyɩ zie nɩ dabɔl bɩɩ k'ɩ̃ɩ wa nɩ nɔ̃wfʋ nɩ su-baalʋ?

2 Korɛ̃tɩ 10:10

Bʋ̃ʋ n'ʋ vɛ̃, bɛ yere na: «A Pol sɛbr ƴɛ̀r-bie mɩ́ tɩbrɛ na ɛ́ kpɛmɛ, ɛcɛ a ʋl tɔr za wa be a tɩ sɔgɔ a, ʋ bɛ mɩ́ tɛr fãw ɛ, a ʋ ƴɛ̀rʋ bɛ mɩ́ tɛr pɛr ɛ.»

2 Korɛ̃tɩ 10:2

ɩ̃ zɛlɛ nyɩ na, nyɩ ta sàw ɩ̃ wa wul nyɩ k'ɩ̃ɩ kpɛ n pʋra mãa wa wa a nyɩ zie a ɩ. Bʋ̃ʋ n'ʋ vɛ̃, ɩ̃ bɛ tɩɛr k'ɩ̃ɩ na bɛr'ɩ a bɛlɩ dem na yere k'aa tɩ ɩ-ɩrɩ tu n nɩsaalʋ tɛwr a ɩ.

2 Korɛ̃tɩ 10:7

Nyɩ jɩ́rɛ a lɛ a yele na sɩrɩ ŋmɛ̃ a: nɩr wa bãw k'aa Kɩrɩta so ʋ a, ʋ páw bãwnɩ a: a Kɩrɩta wa so ʋ a, a Kɩrɩta mɩ̀ so tɩ.

2 Korɛ̃tɩ 11:21

Vĩ ɩrɛ mɛ̃ nɩ a yelu ƴãw: tɩ wul'a kɛ́ tɩ maal'a ɩ bãbàalbɛ tɩ zuo! Ɩ̃ ƴɛ̀rɛ na mɛ̃ yãyaar sob a, a bom nɛ ƴãw a nɩbɛ na zɛwr bɛ tʋɔra a, mãa mɩ̀ na tʋ̃ɔ́ na zɛw ɩ̃ tʋɔra.

2 Korɛ̃tɩ 11:30

Alɛ wa fɛr k'ɩ̃ɩ zɛwr ɩ̃ tʋɔra a, a ɩ̃ bãbàalʋ ƴãw n'a ɩ̃ na zɛwr ɩ̃ tʋɔra.

2 Korɛ̃tɩ 12:5

A nɩr ŋa ƴãw a, ɩ̃ na zɛwr'ɩ ɩ̃ tʋɔra. Ɛcɛ, mãa a, a ɩ̃ bãbàalʋ ƴãw n'a ɩ̃ na zɛwr ɩ̃ tʋɔra.

2 Korɛ̃tɩ 3:12

A yel ŋa ƴãw tɩ na ƴãw a tɩ tɩɛrʋ a n'a so, tɩ ɓãá ƴãw bɛr dɛ̃bɩ̃ɛ.

2 Korɛ̃tɩ 5:20

A na ɩ à ŋá a, a Kɩrɩta n'ʋ tõ n tɩ a tõ-nʋɔr ŋa a nyɩ zie, ɛ́ a ɩ mɛ̃ a Naaŋmɩn mɩŋa n'ʋ yere kʋ̀rɛ nyɩ nɩ a tɩ nʋɔr a: tɩ zɛlɛ nyɩ nɩ yãayãa, a Kɩrɩta yúor ƴãw, nyɩ sàw kɛ̀ nyɩɩm nɩ a Naaŋmɩn lɛb kpɛ taa.

2 Korɛ̃tɩ 6:1

Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

2 Korɛ̃tɩ 7:4

Ɩ̃ bɛr'ɩ tɩɛrʋ yaga za a nyɩ ƴãw, ɛ́ nyʋʋr yaga za a nyɩ ƴãw. A tɩ kpɩɛrʋ za pʋɔ a, ɩ̃ nyɛ̃ nɩ mɔwlʋ yaga ɛ́ nʋ̃ɔ̀ kpɛ m bɛ dɩ vuo ɩ.

Galasi 4:13

Nyɩ bãwnɩ a na, bàalʋ n'a tɩ so ɩ̃ hieri a Yel-nʋ̃ɔ̀ kʋ̀ nyɩ a dãw-niwn sob daar.

Galasi 5:2

Nyɩ nyɛ̃, a mãa Pol, ɩ̃ yere na kʋ̀rɛ nyɩ: nyɩmɛ wa ƴãw bɛ ŋma nyɩ a yɛɛ a, a Kɩrɩta kʋ̃ cãà tɛr yel-ɩra kãw za a nyɩ zie ɩ.

Efɛɛzɩ 3:1

Alɛ n'a so a mãa, Pol, ɩ̃ puore a Naaŋmɩn. Ɩ̃ be n a gaso pʋɔ a Yeezu Kɩrɩta tome ɩ̃ na tone a nyɩɩm nɩ-bʋʋr-yoru ƴãw a zũú.

Efɛɛzɩ 4:1

A mãa na be a gaso pʋɔ a Sore yúor ƴãw a, ɩ̃ zɛlɛ nyɩ na, nyɩɩm a Naaŋmɩn na bʋɔlɩ a, kɛ́ nyɩ vʋʋrɛ nyɔ-vʋʋrʋ na sɛw taa nɩ a bʋɔlʋ ŋa nyɩ na wõ a.

Filib 4:5

Nyɩ ɩ a nyɩ nɔ̃wfʋ-ɩb sãá nɩbɛ za nyɛ̃. A Sore pɩɛl'a.

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

2 Tesalonikɩ 3:17

A mãa Pol, mãa mɩŋa nũu n'ʋ sɛb a puoru ŋa. À ŋá n'a ɩ̃ mɩ́ ƴãw a ɩ̃ bãwfʋ a sɛbɛ za zu: a ɩ̃ sɛbrʋ n'a.

Filemɔ̃ 1:19

A mãa Pol, mãa mɩŋa n'ʋ sɛbr'ɩ a ɩ̃ nũu yere kʋ̀rɛ fʋ: mãa n'ʋ na ya b. Ɩ̃ɩ bɛ yere kʋ̀rɛ fʋ a fʋ nyɔ-vʋʋrʋ san fʋ na dɩ a ɩ̃ zie a ɩ.

Filemɔ̃ 1:9

ɩ̃ nyɛ̃ na a sa, k'ɩ̃ɩ zɛlɩ fʋ bʋ̃-kãw a nɔ̃wfʋ zũú. À à ŋá ɩ̃ na ŋmɛ̃ a, a mãa Pol na ɩ dɛb-nyãw, ɛ́ be a gaso pʋɔ ƴɛrɛŋa a Yeezu Kɩrɩta ƴãw a,

1 Pɩɛr 2:11

Ɩ̃ nɩ-nɔnɩ za na ɩ mɛ̃ nɩ-tɔlɩ nɩ nɩ-sãanbɛ a, ɩ̃ zɛlɛ nyɩ na, nyɩ ciir a ƴã-gan nʋ̃ɔ̀-faar vʋla na mɩ́ zɛbr'ɩ nyɩ a.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.