2 Korɛ̃tɩ 1:23 - A SƐB-SÕW

²³ Mãa a, Naaŋmɩn n'ɩ a ɩ̃ dãsɩɛ sob, ʋ ɩ ɩ̃ kpi mãa wa ŋmarɛ ziri a: a nyɩ vla ƴãw n'a ɩ̃ bɛ lɛb wa a Korɛ̃tɩ ɛ.

2 Korɛ̃tɩ 1:23 ပူးပေါင်းရင်းမြစ်များ

Nɩ-toni 18:1

Al pùorí, a Pol tɩ yi n a Atɛn cen Korɛ̃tɩ.

Nɩ-toni 18:8

Kɩrɩsɩpɩsɩ, na tɩ ɩ a puoru-dĩo nɩ-kpɛ̃ɛ a, tɩ sàw na de a Sore, ʋlɛ nɩ a ʋ yir dem za. A Korɛ̃tɩ tẽw nɩbɛ yaga, na tɩ bɛr wõ a Pol ƴɛ̀rʋ a, tɩ lɩɛb'ɩ a bɛ ɩb ɛ́ sàw de a Sore, ɛ́ bɛ kʋ̀ bɛ a suob.

Ʋrɔm 1:9

Naaŋmɩn n'ɩ a ɩ̃ yel-mɩŋa sob, ʋl ɩ̃ na puore nɩ ɩ̃ pʋɔ za ɛ́ hiere a ʋ Bie Yel-nʋ̃ɔ̀ a. Ɩ̃ mɩ́ tɛr'ɩ a nyɩ tɩɛrʋ kʋralɛ,

Ʋrɔm 9:1

Ɩ̃ na lãw nɩ a Kɩrɩta a, yel-mɩŋa n'a ɩ̃ yere, ɩ̃ bɛ ŋmarɛ ziri ɛ, a Vʋʋrʋ Sõw caal'ɩ a ɩ̃ pʋɔ ʋ dɩrɛ a ɩ̃ dãsɩɛ,

1 Korɛ̃tɩ 4:21

Abobe sob'a nyɩ bɔbr: k'ɩ̃ɩ wa a nyɩ zie nɩ dabɔl bɩɩ k'ɩ̃ɩ wa nɩ nɔ̃wfʋ nɩ su-baalʋ?

1 Korɛ̃tɩ 5:5

nyɩ de a nɩr ŋa tɔ ƴãw Sɩtaana nũú a ʋ ƴã-gan kũu ƴãw, k'aa ʋ sɩ́ɛ páw a faafʋ a Sore waa bibir.

2 Korɛ̃tɩ 1:1

A mãa Pol, a Naaŋmɩn na nɔ̃w yã ƴãw ɩ̃ ɩ a Kɩrɩta Yeezu nɩ-tona a, mãa nɩ a tɩ yɛb Timote, tɩmɛ nɛbɛ kʋ̀rɛ a sɛbɛ ŋa a Naaŋmɩn Lãw-yir na be a Korɛ̃tɩ tẽw a, lãwnɩ a kɩrɩta-nɩbɛ za na be a Akayi a.

2 Korɛ̃tɩ 1:18

A Naaŋmɩn dɩ n a ɩ̃ dãsɩɛ k'aa tɩ ƴɛ̀rʋ a nyɩ zie bɛ tɩ ɩ «ʋ̃ʋ» nɩ «ʋ̃ʋ'hʋ̃» ɛ.

2 Korɛ̃tɩ 10:2

ɩ̃ zɛlɛ nyɩ na, nyɩ ta sàw ɩ̃ wa wul nyɩ k'ɩ̃ɩ kpɛ n pʋra mãa wa wa a nyɩ zie a ɩ. Bʋ̃ʋ n'ʋ vɛ̃, ɩ̃ bɛ tɩɛr k'ɩ̃ɩ na bɛr'ɩ a bɛlɩ dem na yere k'aa tɩ ɩ-ɩrɩ tu n nɩsaalʋ tɛwr a ɩ.

2 Korɛ̃tɩ 11:10

A Kɩrɩta yel-mɩŋa na be a ɩ̃ pʋɔ a ƴãw, ɩ̃ yere nɩ à ŋá: nɩr za kʋ̃ tʋ̃ɔ́ ɩ ɩ̃ bɛ nyʋʋr a yel ŋa ƴãw a Akayi ten pʋɔ ɩ.

2 Korɛ̃tɩ 11:11

Ɛ́ bʋ̃ʋ so ɩ̃ ƴɛ̀r à à ŋá? Ɩ̃ na bɛ nɔnɛ nyɩ a n'a bɩɩ? Naaŋmɩn yõ n'ʋ bãw!

2 Korɛ̃tɩ 11:31

A Naaŋmɩn tɩ Sore Yeezu Sãà, na tɛr ƴãwfʋ yome yome za a, bãwnɩ a na k'ɩ̃ɩ bɛ ŋmarɛ ziri ɛ.

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

2 Korɛ̃tɩ 13:10

Alɛ n'a so ɩ̃ zãá nɩ nyɩ ɛ́ sɛbr nyɩ a yel ŋa. Ɩ̃ bɛ bɔbr k'ɩ̃ɩ wa ta mʋ̃ɔ mimir ƴãw nyɩ ɛ, mɛ̃ a lɛ a Sore na kʋ̀ m a fãw a ɩ. A nyɩ maalʋ ƴãw n'a ʋ kʋ̀ m a fãw ŋa, a nyɩ loba ƴãw bɛ n'a ɩ.

2 Korɛ̃tɩ 13:2

Ɩ̃ tɩ dãw na yel, ɛ́ lɛb yel a lɛ ɩ̃ na tɩ wa nyɛ̃ nyɩ a gb'a ayi sob a, ɛ́ a dɩ̃a ɩ̃ na bɛ ka a nyɩ sɔgɔ a, ɩ̃ lɛb'a yere kʋ̀rɛ a bɛlɩ dem na tɩ dãw maalɩ a yel-bier a, nɩ a bɛl za na cɛ a: mãa wa lɛb wa a nyɩ zie a, ɩ̃ kʋ̃ ɩrɛ a nyɩ zie nɩ mimi-ɓaar ɛ.

2 Korɛ̃tɩ 6:6

Tɩ bɔbr'a k'aa tɩ vɩɛlʋ nɩ a tɩ bãwfʋ, a tʋɔra-nyɔwfʋ nɩ a ɩ-vɩɛlɩ, a Vʋʋrʋ Sõw tome nɩ a nɔ̃wfʋ sɩza tɩ na nɔnɛ a nɩbɛ a, tɩ bɔbr'a k'aa wul a sãá kɛ́ tɩ ɩ n Naaŋmɩn tõ-tõ-biir.

Galasi 1:20

À à ŋá ɩ̃ na sɛbr nyɩ a ɩ n sɩza, Naaŋmɩn niŋé n'a ɩ̃ yere, ɩ̃ bɛ ŋmarɛ ziri ɛ.

Filib 1:8

Naaŋmɩn dɩ n a ɩ̃ dãsɩɛ k'ɩ̃ɩ nɔnɛ nyɩ na nɩ a Yeezu Kɩrɩta nɔ̃wfʋ tɔr za.

1 Tesalonikɩ 2:5

Nyɩ mɔ̃ mɩ̀ bãwnɩ a na, tɩ bɛ dãw ƴɛ̀r nɔ-kãá a nyɩ zie ɩ, Naaŋmɩn dɩ n a tɩ dãsɩɛ.

1 Timote 1:20

Imene nɩ Alɛsãdɩr pʋɔ nɩ a nɩbɛ bɛ ŋa pʋɔ. Ɩ̃ de bɛ na ƴãw Sɩtaana nuru pʋɔ kɛ́ bɛ zànɩ yã, taa lɛb tʋʋr Naaŋmɩn zʋm ɛ.