2 Korɛ̃tɩ 1:22 - A SƐB-SÕW

²² ʋl na ŋmãa a ʋ bãwfʋ ƴãw tɩ, ɛ́ ƴãw a Vʋʋrʋ Sõw a tɩ socie pʋɔ, ʋ ɩ a maalʋ tɩ nãà páw a bãwfʋ a.

2 Korɛ̃tɩ 1:22 ပူးပေါင်းရင်းမြစ်များ

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Zã 3:33

Nɩr na sàw de a ʋ dãsɩɛ a, wul'a kɛ́ Naaŋmɩn ɩ n yel-mɩŋa sob.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Ʋrɔm 4:11

A pùorí n'a ʋ tɩ páw a yʋɔr-ŋmãafʋ ʋ ɩ bãwfʋ na wule k'aa Naaŋmɩn tɩ sàw na kʋ̀ ʋ k'ʋʋ ɩ n nɩ-mɩŋa a sàw-deb zũú, ʋ na saa bɛ tɩ ŋmãa a yʋ̀ɔr sɛr a. À ŋá n'a a Abraham lɩɛbɩ a bɛlɩ dem za na sàw de, ɛ́ bɛ ŋma a yɛɛ a sãà, k'aa Naaŋmɩn tʋ̃ɔ́ sàw kʋ̀ bɛ kɛ́ bɛ mɩ́ ɩ n nɩ-mɩn.

Ʋrɔm 8:23

Ɛcɛ al tɛwr bɛ n'a ɩ: a tɩɩm tɛɛ za na páw a Naaŋmɩn maal-dãw na ɩ a Vʋʋrʋ Sõw a, tɩ mɩ̀ waalɛ na kone gùre nɩ k'aa Naaŋmɩn wa de tɩ, tɩ lɩɛbɩ a ʋ bibiir, ʋʋ faa tɩ tɩ ɓɩɩlɩ.

Ʋrɔm 8:9

Nyɩɩm ƴãw a, nyɩ bɛ bɛr a nɩsaalʋ so nyɩ ɛ. A Vʋʋrʋ Sõw n'ʋ so nyɩ, ʋlɛ wa n'ʋ sɩrɩ kpɩɛr a nyɩ pʋɔ a. Nɩr bɛ wa tɛr a Kɩrɩta Vʋʋrʋ a, ʋ bɛ ɩ a ʋ nɩ-sora ɩ.

2 Korɛ̃tɩ 5:5

A sob nɛ na cɔbrɩ tɩ à á ŋá ƴãw a, ʋlɛ n'ɩ a Naaŋmɩn na kʋ̀ tɩ a Vʋʋrʋ Sõw, ʋ ɩ a maalʋ tɩ nãà páw a bãwfʋ a.

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Yel-wula 2:17

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ mãan-sɔwla. Ɩ̃ mɩ̀ na kʋ̀ ʋ nɩ kʋsɛ-pla, ɛ́ yo-paala sɛb a kʋsɩɛr zu, yo-paala nɩr za na bɛ bãw, a bɛ ɩ a sob nɛ na páw ʋ a ɩ.»

Yel-wula 7:3

«Nyɩ taa sãwnɛ a tẽw, a kʋ̃ɔ-kpɛ̃ɛ nɩ a tɩɩr ɛ, ɛ́ gù tɩ wa tɩ ƴãw a bãwfʋ a tɩ Naaŋmɩn tõ-tõ-biir gbẽé baarɩ.»

Yel-wula 9:4

Bɛ tɩ yel a na k'aa taa wa ɩrɛ mʋ̃ɔ kãw za, nɩ váar kãw za, nɩ tɩɛ kãw za bom ɛ, ɛcɛ, a ɩrɛ a kpɩɛr a nɩsaalbɛ bɛl na bɛ tɛr a Naaŋmɩn bãwfʋ a bɛ gbẽé a.