2 Korɛ̃tɩ 1:21 - A SƐB-SÕW

²¹ A sob nɛ na mɩ́ ɩ tɩ kpɛmɛ lãwnɩ nyɩ ɛ́ lãwnɩ a Kɩrɩta, ʋʋ zɛ tɩ a kãá-sõw a, a Naaŋmɩn n'ʋ,

2 Korɛ̃tɩ 1:21 ပူးပေါင်းရင်းမြစ်များ

Sɛb-sõw yielu 45:7

A fʋ naalʋ-dà-kɔw ɩ na mɛ̃ a Naaŋmɩn naalʋ-dà-kɔw a, ʋ be n be kʋralɛ, mɩnʋ na n'a fʋ dɩrɛ nɩ a naalʋ a.

Sɛb-sõw yielu 87:5

Ɛcɛ a Sɩyɔ̃ ƴãw a, a fɛr'a kɛ́ bɛ mɩ́ yel: Nɩsaal za dɔw nɩ a ʋ pʋɔ. A Naaŋmɩn-na-do-saa-bɛ-pɩɛl-a mɩŋa n'ʋ mɛ ʋ.»

Sɛb-sõw yielu 89:4

Fʋ yel'ɩ à ŋá: «Ɩ̃ bin nɩ wõ-taa mãa nɩ a ɩ̃ nɩ-kaa-íra cara pʋɔ, a ɩ̃ tõ-tõ-bie Daviir'ʋ, ɩ̃ pɔ na yel ʋ:

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Ɩzayi 62:7

Nyɩ taa bɛrɛ ʋ ʋ pɩ̃ɛnɛ ɩ, ɛ́ gù ʋ wa tɩ lɛb maalɩ a Zerizalɛm ƴãw, ɛ́ ɩ k'ʋ lɩɛbɩ danʋ bom a tẽw za zie.»

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Levitɩ mɩnɛ 7:35

A Aarɔ̃ nɩ a ʋ bidɛbr dem'ɩ à á ŋá bɛ na na mɩ́ ír a bàwr-maal nɛnɛ pʋɔ, a lɛn daar bɛ na mɩ́ maalɩ bagɛ kʋ̀ a Sore ɛ́ nyɩw a nɛnɛ a mɩnɛ a. Bɛlɛ na mɩ́ so a, a ʋlɩ bibir nɛ bɛ na dɛ lɩɛbɛ a bàwr-maalbɛ a Sore tome tob ƴãw a.

Habakukɩ 2:12

Baw-bio páw nyɩ na! A tẽ-bɛrɛ tɛra a, nyɩ mɩ́ ɩ na a yi a nɩbɛ nyɩ na kʋrɛ ɛ́ dɔwrɛ a zie.

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

Ʋrɔm 8:9

Nyɩɩm ƴãw a, nyɩ bɛ bɛr a nɩsaalʋ so nyɩ ɛ. A Vʋʋrʋ Sõw n'ʋ so nyɩ, ʋlɛ wa n'ʋ sɩrɩ kpɩɛr a nyɩ pʋɔ a. Nɩr bɛ wa tɛr a Kɩrɩta Vʋʋrʋ a, ʋ bɛ ɩ a ʋ nɩ-sora ɩ.

1 Korɛ̃tɩ 1:8

Ʋlɛ n'ʋ mɩ̀ na ɩ nyɩ kpɛmɛ tɩ ta n a baarʋ daar, kɛ́ nɩr ta nyɛ̃ sãwna kãw za yere a nyɩ zie a tɩ Sore Yeezu Kɩrɩta waa bibir ɛ.

2 Korɛ̃tɩ 5:5

A sob nɛ na cɔbrɩ tɩ à á ŋá ƴãw a, ʋlɛ n'ɩ a Naaŋmɩn na kʋ̀ tɩ a Vʋʋrʋ Sõw, ʋ ɩ a maalʋ tɩ nãà páw a bãwfʋ a.

Kɔlɔsɩ 2:7

Nyɩ tɛ nyɩgɛ a ʋ pʋɔ, ɛ́ ƴãw a nyɩ nyɔ-vʋʋrʋ yele za tɩɛrʋ a ʋ ƴãw, lɛ n'a nyɩ na kpɛmɛ a naaŋmɩn-sàwfʋ pʋɔ mɛ̃ a lɛ bɛ na wul nyɩ a, ɛ́ puore a Naaŋmɩn yãanɩ bɛ dɩ vuo ɩ.

1 Tesalonikɩ 3:13

A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.

2 Tesalonikɩ 2:17

bɛ mɔwlɛ nyɩ ɛ́ kʋ̀rɛ nyɩ fãw a vla maalʋ ƴãw kʋralɛ a nyɩ ɩ-ɩrɩ pʋɔ, nɩ a nyɩ nʋɔr ƴɛ̀rʋ pʋɔ.

2 Tesalonikɩ 2:8

Lɛ n'a a Faalʋ nɩr na sãá, a Sore Yeezu pɛbl'ʋ kʋ, ɛ́ ɩ ʋ bɔr nɩ a ʋ waa cãà.

2 Tesalonikɩ 3:3

Ɛcɛ a Sore ŋmɛ̃ n ʋ ŋmɛ̃a: ʋ na kʋ̀ nyɩ nɩ fãw ɛ́ piw nyɩ tɛr a Faalʋ sob ƴãw.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.