2 Korɛ̃tɩ 1:18 - A SƐB-SÕW

¹⁸ A Naaŋmɩn dɩ n a ɩ̃ dãsɩɛ k'aa tɩ ƴɛ̀rʋ a nyɩ zie bɛ tɩ ɩ «ʋ̃ʋ» nɩ «ʋ̃ʋ'hʋ̃» ɛ.

2 Korɛ̃tɩ 1:18 ပူးပေါင်းရင်းမြစ်များ

Zã 7:28

A lɛ n'a a Yeezu, na tɩ kanɛ nɩ a nɩbɛ a Ŋmɩn-yir-kpɛ̃ɛ pʋɔ a, tɩ zɛw kɔkɔr yel: «A ɩ lɛ nyɩ bãw mɛ̃, ɛ́ bãw a ɩ̃ yib zie u! Ɛcɛ mãa bɛ n'ʋ nyɛ̃ ɩ̃ tʋɔra wa ɩ. A sob nɛ na tõ m a ɩ n yel-mɩŋa sob. A ʋl a, nyɩ bɛ bãw ʋ ɛ.

Zã 8:26

Ɩ̃ cãà na tɛr yel-yaga na càarɩ nyɩ a na yel, ɛ́ maal'ɩ nyɩ ƴɛ̀rʋ. Ɛcɛ a sob nɛ na tõ m a ɩ n yel-mɩŋa sob, ɛ́ bom nɛ ɩ̃ na wõ a ʋ zie a, ɩ̃ yere ʋ na kʋ̀rɛ a tẽ-daa.»

1 Korɛ̃tɩ 1:9

A Naaŋmɩn ŋmɛ̃ n ʋ ŋmɛ̃a, ʋl na bʋɔlɩ nyɩ kɛ́ nyɩ wa lãw nɩ a ʋ Bie tɩ Sore Yeezu Kɩrɩta a.

2 Korɛ̃tɩ 1:23

Mãa a, Naaŋmɩn n'ɩ a ɩ̃ dãsɩɛ sob, ʋ ɩ ɩ̃ kpi mãa wa ŋmarɛ ziri a: a nyɩ vla ƴãw n'a ɩ̃ bɛ lɛb wa a Korɛ̃tɩ ɛ.

2 Korɛ̃tɩ 11:31

A Naaŋmɩn tɩ Sore Yeezu Sãà, na tɛr ƴãwfʋ yome yome za a, bãwnɩ a na k'ɩ̃ɩ bɛ ŋmarɛ ziri ɛ.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 6:8

Bɛ mɩ́ ƴãwnɛ tɩ na bɩɩ jewre tɩ, bɛ mɩ́ pore nɩ a tɩ yúor yo-vla bɩɩ pore a tɩ yúor yo-faa. Zir-ŋmarbɛ n'ɩ tɩ a nɩbɛ zie, zɩ̃ kɛ́ yel-mɩŋa n'a tɩ yere.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

Yel-wula 3:7

«Sɛb yel a Fɩladɛlfɩ tẽw Lãw-yir malkɩ: À ŋá n'a a Nɩ-sõw, a Sob nɛ na tɛr yel-mɩŋa a, yere, ʋl na tɛr a nãà Daviir pĩi a, ʋl na mɩ́ yuo ɛ́ nɩr kʋ̃ tʋ̃ɔ́ pàw a, ʋl na mɩ́ pàw ɛ́ nɩr kʋ̃ tʋ̃ɔ́ yuo a: