2 Korɛ̃tɩ 1:12 - A SƐB-SÕW

¹² A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Korɛ̃tɩ 1:12 ပူးပေါင်းရင်းမြစ်များ

2 Samɩɛl 22:22

Bʋ̃ʋ n'ʋ vɛ̃, ɩ̃ tu n a Sore sɛ́ɛ, ɩ̃ bɛ ɩ ɩb kãw sãw a ɩ̃ Naaŋmɩn ɛ.

A Zɔb sɛbɛ 13:15

A bɛ tɛr vɛb ɛ, a Naaŋmɩn na kʋ m a, ɩ̃ bɛ cãà tɩɛrɛ bom za ɩ. Ɛcɛ ɩ̃ na ƴɛ̀r'a wul a ɩ̃ yel-mɩŋa a ʋ niŋé.

Ɩzayi 38:3

«'Woi! Sore e, ɩ̃ zɛlɛ fʋ na, bãwnɩ a a ɩ̃ ɩb za a fʋ zie na tɩ tori a, ɩ̃ tɩ ɩ n a lɛ na vɩɛl a fʋ zie a kʋralɛ!» A Ezekɩasɩ tɩ kõ na cir mʋta-kʋ̃ɔ yaga.

Nɩ-toni 23:1

A Pol tɩ jɩ́r'ɩ a Zifʋ mɩnɛ ƴɛ̀rʋ-dɩb-lãw nɩbɛ gbẽgbẽ ɛ́ yel: «Yɛbr i, tɩɛr-vla n'ʋ ɩ̃ tõ n a Naaŋmɩn tome wa tɔ a dɩ̃a.»

Nɩ-toni 24:16

A lɛ ƴãw n'a ɩ̃ mɩ̀ mɩ́ fɛr ɩ̃ tʋɔra tɛr tɩɛrʋ na vɩɛl a, a Naaŋmɩn niŋé nɩ a nɩsaalbɛ niŋé.»

Ʋrɔm 9:1

Ɩ̃ na lãw nɩ a Kɩrɩta a, yel-mɩŋa n'a ɩ̃ yere, ɩ̃ bɛ ŋmarɛ ziri ɛ, a Vʋʋrʋ Sõw caal'ɩ a ɩ̃ pʋɔ ʋ dɩrɛ a ɩ̃ dãsɩɛ,

1 Korɛ̃tɩ 1:17

A Kɩrɩta bɛ tõ m k'ɩ̃ɩ tɩ tɩrɛ suob ɛ, ʋ tõ m'a k'ɩ̃ɩ tɩ hiere a Yel-nʋ̃ɔ̀, ɛ́ ta hiere ʋ tu n a ƴɛ̀r-bãw wa mab ɩ a Kɩrɩta da-gara zu kũu ɩ zawla ɩ.

1 Korɛ̃tɩ 12:8

A kãw a, ƴɛ̀rʋ na tu yã-bãwfʋ a n'ʋ a Vʋʋrʋ Sõw kʋ̀ ʋ, ɛ́ a kãw ƴɛ̀rʋ tu zanʋ ʋ na zanɩ bãw a, ɛ́ a cãà yi a Vʋʋrʋ Sõw been nɛ zie.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Korɛ̃tɩ 2:13

Tɩ bɛ ƴɛ̀rɛ a maalʋ á ŋá ƴɛ̀rʋ nɩ nɩsaal yã-bãwfʋ ƴɛ̀r-bie ɩ, tɩ ƴɛ̀rɛ nɩ a ƴɛ̀rʋ nɩ a Vʋʋrʋ yã-bãwfʋ, manɛ bom na ɩ vʋʋrʋ bom a, nɩ a Vʋʋrʋ ƴɛ̀r-bie.

1 Korɛ̃tɩ 4:4

Sɩza n'a, a ɩ̃ pʋɔ bɛ tɛr yel ɛ, ɛcɛ al ƴãw bɛ n'a ɩ̃ na yel k'ɩ̃ɩ ɩ n nɩ-mɩŋa ɩ. A sob nɛ na maalɛ nɩ mɛ̃ a ƴɛ̀rʋ a, ʋlɛ n'ɩ a Sore.

1 Korɛ̃tɩ 5:8

A na ɩ lɛ a, tɩ maalɛ a cuw, ɛcɛ tɩ ta maalɛ ʋ nɩ dãbɩl-kʋra ɩ, tɩ ta maalɛ ʋ nɩ a po-tuolu nɩ a faalʋ dãbɩl ɛ, tɩ maalɛ ʋ nɩ dipɛ̃ na bɛ ƴãw dãbɩl a: a vɩɛlʋ nɩ yel-mɩŋa dipɛ̃ na bɛ ƴãw dãbɩl a.

2 Korɛ̃tɩ 1:17

À à ŋá ɩ̃ na tɩ tɩɛr k'ɩ̃ɩ ɩ a, ɩ̃ bɛ tɩ tɩɛrɩ tɔ bɩɩ? Bɩɩ a lɛ ɩ̃ na tɩɛrɩ k'ɩ̃ɩ maalɩ a ɩ n nɩsaalbɛ pʋ-tɩɛrʋ tɛwr? A ɩ lɛ ɩ̃ mɩ́ lãw yel a «ʋ̃ʋ» nɩ a «ʋ̃ʋ'hʋ̃» ʋ?

2 Korɛ̃tɩ 11:3

Ɛcɛ, mɛ̃ a lɛ a waab na tɩ bɛlɩ a Awa a, dɛ̃bɩ̃ɛ ɩrɛ mɛ̃ na, a nyɩ tɩɛrʋ nãà wa lɩɛbɛ tɩɛr-faar ɛ́ tawr nyɩ zãánɛ nɩ a Kɩrɩta pùor-tub, ʋl na bɛ bãw a mɩnɛ kãw a.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

2 Korɛ̃tɩ 8:8

Ɩ̃ bɛ ƴãwnɛ nʋɔr kʋ̀rɛ nyɩ a ka ɩ, ɛcɛ ɩ̃ manɛ nɩ lɛ ŋmaarɛ bɛ mɩnɛ na tʋlɛ a, k'ɩ̃ɩ zaw a nyɩ tɩɛrʋ nyɩ mɩ̀ tʋ̃ɔ́ wul k'aa nyɩ nɔ̃wfʋ ɩ n sɩza.

Galasi 6:4

Ŋa za mɩ́ jɩ́r a ʋ ɩb kaa, alɛ wa sɛw k'ʋʋ nyʋʋr a, ʋl ƴãw n'a ʋ na nyʋʋr, a kʋ̃ ɩ ʋ na de ʋ tʋɔra man nɩ nɩr a ƴãw n'a ɩ.

Efɛɛzɩ 6:14

A na ɩ lɛ a, nyɩ ìr cɔbrɩ gù: nyɩ de a yel-mɩŋa sɛ sɩɛmɩ́ mɛ̃ kpàwr a, ɛ́ su a mɩnʋ mɛ̃ zɛbr-nyãa-kpale a.

Filib 1:10

nyɩ tʋ̃ɔ́ mɩ́ bãw bom nɛ na vɩɛl a. Lɛ n'a nyɩ na vɩɛl nyɩ za, ɛ́ bɛ tɛr sãwna a Kɩrɩta waa bibir ɛ.

1 Tesalonikɩ 2:10

Nyɩ dɩ n a tɩ dãsɩɛ, Naaŋmɩn mɩ̀ dɩ a dãsɩɛ k'aa tɩ ɩb a nyɩɩm naaŋmɩn-sàw-dierbɛ zie tɩ tu n sonu, mɩnʋ, ɛ́ bɛ tɛr sãwna bɛ yere ɩ.

1 Timote 1:5

Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

Títɩ̀ 2:7

a yele za pʋɔ. Ɛ́ a fʋ̃ʋ tɔr za a, ɩ a nɩbɛ cɔwrɛ fʋ a fʋ ɩ-vɩɛlɩ zũú: a fʋ wulu, ʋ vɩɛl ɛ́ sɛw taa nɩ.

Ebre 13:18

Nyɩ puore kʋ̀rɛ tɩ. Tɩ bãwnɩ a na a tɩ tɩɛrʋ na vɩɛl a, bʋ̃ʋ n'ʋ vɛ̃, tɩ bɔbr'a kɛ́ tɩ ɩrɛ vla a yele za pʋɔ.

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

Zozue 24:14

A Zozue tɩ yel'a ƴãw pʋɔ: «A na ɩ à ŋá a, nyɩ zɔrɛ a Sore, ɛ́ maalɛ ʋ nɩ nyɩ pʋɔ za, taa lɛbr pùor ɛ. Nyɩ lɔb a ŋmɩmɛ a nyɩ sãàkʋm-kore na tɩ maalɛ a Efaratɩ gãwn nɩ a Eziptɩ tẽw a bɛr, ɛ́ maalɛ a Sore.

1 Pɩɛr 3:16

Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,