1 Zã 4:9 - A SƐB-SÕW

⁹ À ŋá n'a a Naaŋmɩn wul a ʋ nɔ̃wfʋ ʋ sãá a tɩ zie: ʋ tõ n a ʋ Bi-been a tẽ-daa zu k'ʋʋ wa ɩ tɩ vʋʋrɛ.

1 Zã 4:9 ပူးပေါင်းရင်းမြစ်များ

Yele-za-pɛr-tib 22:2

A Naaŋmɩn yel: «De a fʋ bidɛb Ɩzaakɩ, a fʋ bidɛb-been fʋ na nɔnɛ yaga za a, cen nɩ Moriya tẽw, tãw kãw ɩ̃ na na wul fʋ a zu, tɩ maal'ɩ ʋ nyɩw-a-za-bàwr kʋ̀ m a be.»

Sɛb-sõw yielu 2:7

Nyɩ vɛ̃ ɩ̃ lɛb yel a lɛ a Sore na yel a, ʋ yel mɛ̃ na: «Fʋ̃ʋ n'ɩ a ɩ̃ bidɛb, dɩ̃a bio na vɩɛ a, mãa n'ʋ ɩ a fʋ sãà.

Markɩ 12:6

A ʋ bi-nɔna yõ n'ʋ pãa tɩ cɛ ʋ. Ʋ pãa baa tõ ʋ a bɛ zie ɛ́ tɩɛrɛ yere nɩ: “Bɛ na ƴãwnɛ nɩ a ɩ̃ bie.”

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Zã 10:10

Nyãnyuge bɛ waar, a bɛ ɩ zub nɩ kʋb nɩ sãw-bɛrʋ tɛwr ƴãw ɛ. Mãa wa na kɛ́ a nɩsaalbɛ wa tʋ̃ɔ́ páw a nyɔ-vʋʋrʋ, ɛ́ páw ʋ gʋr bɛr.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 3:16

Naaŋmɩn sɩrɩ na nɔ̃w a tẽ-daa yaga za, tɩ de a ʋ Bie, ʋ Bi-been kʋ̀ ʋ, kɛ́ nɩr za na sàw de ʋ a, ta kpi ɛ, ɛ́ páw a nyɔ-vʋʋrʋ na be kʋralɛ a.

Zã 3:18

Ʋlɩ sob na sàw de a ʋ yele a, ʋ yi na zaa ƴɛ̀rʋ-maalʋ pʋɔ. Ʋlɩ sob na bɛ sàw de a, ʋ ɩ n sãwna sob baarɩ, a ʋ na bɛ sàw de a Naaŋmɩn Bi-been yõ a ƴãw.

Zã 5:23

kɛ́ nɩbɛ za ƴãwnɛ a Bie, mɛ̃ a lɛ bɛ na ƴãwnɛ a Sãà a. Nɩr bɛ wa ƴãwnɛ a Bie a, ʋ mɩ̀ bɛ ƴãwnɛ a Sãà na tõ a Bie a ɩ.

Zã 6:29

A Yeezu yel bɛ: «A Naaŋmɩn tome n'ɩ kɛ́ nyɩ sàw de a sob nɛ ʋ na tõ a.»

Zã 6:51

Mãa n'ɩ a dipɛ̃ na vʋʋrɛ a, na yi a salom zu siw wa a. Nɩr wa 'wɔbr a dipɛ̃ ŋa a, ʋ na vʋʋrɛ nɩ kʋralɛ, ɛ́ a dipɛ̃ ɩ̃ na na tɩr a, ʋlɛ n'ɩ a ɩ̃ ƴã-gã-nɛn a tẽ-daa nyɔ-vʋʋrʋ páwfʋ ƴãw.»

Zã 6:57

Mɛ̃ a lɛ a Sãà na vʋʋrɛ a na tõ m ɛ́ so k'ɩ̃ vʋʋrɛ a, lɛ mɩ̀ n'a, sob nɛ nãà wa 'wɔbr mɛ̃ a, mãa n'ʋ mɩ̀ na so k'ʋ vʋʋrɛ.

Zã 8:29

A sob nɛ na tõ m a be n a ɩ̃ zie: ʋ bɛ bɛr mɛ̃ ɩ̃ ɩ ɩ̃ yõ ɩ, ɩ̃ na mɩ́ ɩrɛ a pɛlɩ a ʋ pʋɔ kʋralɛ a ƴãw.»

Zã 8:42

A Yeezu lɛb yel bɛ: «A Naaŋmɩn tɩ ɩ a nyɩ sãà a, nyɩ nãá nɔnɛ mɛ̃ na, ɩ̃ na yi a Naaŋmɩn zie wa a ƴãw. Ɩ̃ bɛ nyɛ̃ ɩ̃ tʋɔra wa ɩ, ʋlɛ n'ʋ tõ m.

Zã 9:3

A Yeezu tɩ sɔw na: «Ʋ bɛ sãw ɛ, a ʋ dɔwrbɛ mɩ̀ bɛ sãw ɛ. Ɛcɛ a ɩ n à à ŋá, kɛ́ a Naaŋmɩn tome tʋ̃ɔ́ sãá a ʋ zie.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

Ebre 1:5

Bʋ̃ʋ n'ʋ vɛ̃, malkɩ buor'ʋ a Naaŋmɩn dãw yel: «Ɩ̃ bie nɛ b, ɩ̃ dɔw fʋ nɩ a dɩ̃a?» Lɛ nɩ kɛ́: «Ɩ̃ na ɩ n sãà a ʋ zie, ʋʋ ɩ bie a ɩ̃ zie?»

1 Zã 3:16

Yel ŋa pʋɔ n'a tɩ bãw ʋlɩ bom nɛ na n'ɩ a nɔ̃wfʋ a: a Yeezu de nɩ a ʋ nyɔ-vʋʋrʋ tɩr a tɩ ƴãw. A na ɩ lɛ a, a tɩɩm mɩ̀, a fɛr'a kɛ́ tɩ mɩ̀ mɩ́ de a tɩ nyɔ-vʋʋrʋ tɩr a tɩ yɛbr ƴãw.

1 Zã 4:10

À ŋá n'a a nɔ̃wfʋ ŋmɛ̃: tɩmɛ bɛ nɛbɛ nɔ̃w a Naaŋmɩn ɛ, ʋlɛ n'ʋ nɔ̃w tɩ, ɛ́ tõ a ʋ Bie k'ʋʋ wa de ʋ tʋɔra maal'ɩ bàwr a tɩ yel-bebe suur-dɩ-kʋ̀b ƴãw.

1 Zã 4:16

A tɩɩm a, tɩ bãw na ɛ́ sàw de a nɔ̃wfʋ a Naaŋmɩn na tɛr a tɩ ƴãw a. Naaŋmɩn ɩ n nɔ̃wfʋ. Sob nɛ na tɛr a nɔ̃wfʋ a, ʋ lãw nɩ nɩ a Naaŋmɩn, ɛ́ a Naaŋmɩn mɩ̀ lãw nɩ ʋ.

1 Zã 5:11

A dãsɩɛ ʋl n'ɩ ŋa: Naaŋmɩn kʋ̀ tɩ nɩ a nyɔ-vʋʋrʋ na be kʋralɛ a, ɛ́ a nyɔ-vʋʋrʋ ŋa n'ʋ tɩ páw a ʋ Bie zie.

1 Zã 5:13

Ɩ̃ sɛb nyɩ nɩ à á ŋá za kɛ́ nyɩ bãw kɛ́ nyɩ tɛr'ɩ a nyɔ-vʋʋrʋ na be kʋralɛ a, a nyɩɩm na sàw de a Naaŋmɩn Bie a.