1 Zã 4:2 - A SƐB-SÕW

² À ŋá n'a nyɩ na mɩ́ bãw Naaŋmɩn Vʋʋrʋ wa n'ʋ a: sob nɛ za na yere kɛ́ a Yeezu Kɩrɩta sɩrɩ na lɩɛbɩ nɩsaal a, ʋ tɛr'ɩ a Vʋʋrʋ na yi a Naaŋmɩn zie a.

1 Zã 4:2 ပူးပေါင်းရင်းမြစ်များ

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

1 Korɛ̃tɩ 12:3

Alɛ n'a so ɩ̃ bɔbr kɛ́ nyɩ bãw a yel ŋa: nɩr za Naaŋmɩn Vʋʋrʋ na ƴãw ʋ ƴɛ̀rɛ a, ʋ bɛ yere: «A Yeezu, ʋ ɩ nɩ-ŋmɛ-ƴãwna ɩ!», ɛ́ alɛ bɛ ɩ a Vʋʋrʋ Sõw zũú a, nɩr kʋ̃ tʋ̃ɔ́ yel: «A Yeezu ɩ n Sore ɩ!»

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

1 Zã 1:2

Bʋ̃ʋ n'ʋ vɛ̃, a nyɔ-vʋʋrʋ ŋa sãá na, tɩ nyɛ̃ ʋ na, tɩ dɩrɛ nɩ a ʋ dãsɩɛ, tɩ manɛ nɩ a nyɔ-vʋʋrʋ na be kʋralɛ a yele kʋ̀rɛ nyɩ, a nyɔ-vʋʋrʋ ŋa na tɩ be a Naaŋmɩn Sãà zie ɛ́ wa sãá tɩ nyɛ̃ a.

1 Zã 2:23

Sob nɛ za na zawrɛ a Bie a, mɩ̀ bɛ tɛr a Sãà ɩ. Ɛ́ sob nɛ za na sàw a Bie a mɩ̀ tɛr'ɩ a Sãà.

1 Zã 4:15

Nɩr wa yel k'aa Yeezu ɩ n a Naaŋmɩn Bie a, Naaŋmɩn mɩ́ lãw nɩ nɩ a ʋ sob, ɛ́ a sob mɩ̀ lãw nɩ a Naaŋmɩn.

1 Zã 4:3

Ɛcɛ sob nɛ za na bɛ sàw de a Yeezu Kɩrɩta à à ŋá a, ʋ bɛ tɛr a Vʋʋrʋ na yi a Naaŋmɩn zie a ɩ, a Kɩrɩta dɔ̃ sob nyɩ na wõ bɛ yel k'ʋʋ waar'a a, a ʋ vʋʋrʋ n'ʋ ʋ tɛr. Ɛcɛ a ƴɛrɛŋa a, a Kɩrɩta dɔ̃ sob be n a tẽ-daa zu baarɩ.

1 Zã 5:1

Nɩr za na sàw de k'aa Yeezu ɩ n a Kɩrɩta a ɩ n Naaŋmɩn bʋ̃-dɔwra. Ɛ́ sob nɛ za na nɔnɛ a dɔwrɛ a mɩ̀ mɩ́ nɔnɛ nɩ a ʋ bʋ̃-dɔwra.

2 Zã 1:7

Nɩ-bɛlbɛ yaga yɛ́r'a pàw a tẽ-daa. Bɛ bɛ sàw de k'aa Yeezu Kɩrɩta wa na ɩ nɩsaal ɛ. À à ŋá n'a bɛ mɩ́ bãw a nɩ-bɛlɛ nɩ a Kɩrɩta dɔ̃ sob.