1 Zã 3:9 - A SƐB-SÕW

⁹ Nɩsaal za na ɩ Naaŋmɩn bʋ̃-dɔwra a, ʋ bɛ cãà maalɛ yel-bier ɛ, a nyɔ-vʋʋrʋ fãw na yi a Naaŋmɩn zie a na be a ʋ pʋɔ a ƴãw, ɛ́ a Naaŋmɩn na n'ʋ dɔw ʋ a, ʋ kʋ̃ tʋ̃ɔ́ cãà maalɛ yel-bier ɛ.

1 Zã 3:9 ပူးပေါင်းရင်းမြစ်များ

A Zɔb sɛbɛ 19:28

Nyɩmɛ wa yere kɛ́: «Ŋmɩŋmɩn n'a tɩ na dɔwr'ʋ tʋ̃ɔ́ ɩ mɛ̃ tɩ nyɛ̃ nɩ bom dɩ n ʋ a ƴɛ̀rʋ a?»

Sɛb-sõw yielu 119:3

Bɛ bɛ maalɛ yel-faa kãw za ɩ, bɛ mɩ́ tuur'ɩ a ʋ sɛ́ɛ.

Levitɩ mɩnɛ 11:37

A bʋ̃-kũu wa lo bʋ̃-bie bɛ na waar na bʋ̀r a pʋɔ a, a bʋ̃-bie cãà na vɩɛl.

Matie 7:18

Tɩ-vla kʋ̃ tʋ̃ɔ́ wɔ̃ wɔ̃-faar ɛ, ɛ́ tɩ-sãwna mɩ̀ kʋ̃ tʋ̃ɔ́ wɔ̃ wɔ̃-vɩɛlɩ ɛ.

Zã 1:13

bɛl na bɛ ɩ nɩsaal zɩ̃ɩ bɩɩ nɩsaal pʋ-tɩɛrʋ bʋ̃-dɔwrɩ a, ɛ́ ɩ Naaŋmɩn bi-dɔwrɩ a.

Zã 3:3

A Yeezu tɩ sɔw ʋ na: «Yel-mɩŋa sɩza sɩza n'a ɩ̃ yere kʋ̀rɛ fʋ: nɩr bɛ wa lɛb dɔw a, ʋ kʋ̃ tʋ̃ɔ́ nyɛ̃ a Naaŋmɩn Naalʋ ɛ.»

Nɩ-toni 4:20

Tɩɩm ƴãw a, tɩ kʋ̃ tʋ̃ɔ́ bɛ manɛ a alɩ bome nɛ tɩ na nyɛ̃ ɛ́ wõ a ɩ.»

Ʋrɔm 6:2

Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Galasi 5:17

Bʋ̃ʋ n'ʋ vɛ̃, a tɩ nɩsaalʋ yel-bɔbrɩ nɩ a Vʋʋrʋ Sõw dem bɛ lãw taa ɩ, ɛ́ a Vʋʋrʋ Sõw yel-bɔbrɩ nɩ a tɩ nɩsaalʋ dem mɩ̀ bɛ lãw taa ɩ, mɔb'a be a za ayi cara pʋɔ. Alɛ n'a so nyɩ bɛ tʋɔr ɩrɛ a lɛ nyɩ na bɔbr a ɩ.

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

1 Pɩɛr 1:23

Nɩsaal na na wɛ a, ʋlɛ bɛ n'ʋ ɩ nyɩ lɛb dɔw ɛ, a Naaŋmɩn ƴɛ̀rʋ na vʋʋrɛ ɛ́ be kʋralɛ a, ʋlɛ n'ʋ ɩ nyɩ lɛb dɔw.

1 Zã 2:29

Nyɩ na bãwnɩ a k'aa Kɩrɩta ɩ n nɩ-mɩŋa a, nyɩ sàw kɛ́ sob nɛ za mɩ̀ na tuur a mɩnʋ sɔ́r a, ɩ n Naaŋmɩn bʋ̃-dɔwra.

1 Zã 3:6

Nɩsaal za na maalɛ yel-bier a bɛ nyɛ̃ ʋ ɛ, ɛ́ bɛ bãw ʋ ɛ.

1 Zã 4:7

Ɩ̃ bá mɩnɛ ɛ, nyɩ ɩ tɩ nɔnɛ taa, bʋ̃ʋ n'ʋ vɛ̃, a nɔ̃wfʋ yi n a Naaŋmɩn zie. Nɩr za na tɛr a nɔ̃wfʋ a ɩ n Naaŋmɩn bie, ɛ́ bãw a Naaŋmɩn.

1 Zã 5:1

Nɩr za na sàw de k'aa Yeezu ɩ n a Kɩrɩta a ɩ n Naaŋmɩn bʋ̃-dɔwra. Ɛ́ sob nɛ za na nɔnɛ a dɔwrɛ a mɩ̀ mɩ́ nɔnɛ nɩ a ʋ bʋ̃-dɔwra.

1 Zã 5:18

Tɩ bãwnɩ a na kɛ́ Naaŋmɩn bʋ̃-dɔwra za bɛ maalɛ yel-bier ɛ, a Naaŋmɩn Bie gù ʋ na, ɛ́ a Faalʋ sob kʋ̃ tʋ̃ɔ́ ɩ ʋ bom ɛ.

1 Zã 5:4

bʋ̃ʋ n'ʋ vɛ̃, Naaŋmɩn bʋ̃-dɔwra za tʋ̃ɔ́ nɩ a tẽ-daa, ɛ́ a tʋ̃ɔ́fʋ tɩ na tʋ̃ɔ́ a tẽ-daa a n'ɩ a tɩ naaŋmɩn-sàw-deb.

3 Zã 1:11

Ɩ̃ bá-nɔna a, ta cɔwrɛ a yel-faa ɩ, cɔwrɛ a yel-vla. Sob nɛ na ɩrɛ vla a ɩ n Naaŋmɩn nɩ-sora, ɛ́ sob nɛ na maalɛ faa a bɛ bãw a Naaŋmɩn ɛ.