1 Zã 3:3 - A SƐB-SÕW

³ Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.

1 Zã 3:3 ပူးပေါင်းရင်းမြစ်များ

2 Samɩɛl 22:27

Fʋ vɩɛl'ɩ parpar nɩr na vɩɛl parpar a zie, ɛ́ wul kɛ́ fʋ cɩ n a yã-faa sob zie.

Matie 5:48

Lɛ so, a nyɩɩm a, nyɩ vɩɛl nyɩ za, mɛ̃ a lɛ a nyɩ tẽ-vla pʋɔ Sãà na vɩɛl ʋ za a.»

Luka 6:36

Nyɩ ɩ nɩ-bàal-zɔrbɛ mɛ̃ a lɛ a nyɩ Sãà na ɩ nɩ-bàal-zɔrɛ a.»

Zã 17:19

Ɩ̃ dier'ɩ ɩ̃ tʋɔra kʋ̀rɛ fʋ k'ɩ̃ɩ ɩ sõw a bɛl ƴãw, kɛ̀ bɛ mɩ̀ ɩ son a fʋ ƴãw nɩ yel-mɩŋa.»

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

Ʋrɔm 15:12

Ɩzayi mɩ̀ cãà na yere: «A Zese bʋʋrɛ nɩr na wa na, ʋ na ìr'a dɩrɛ naalʋ a nɩ-bʋʋr-yoru zu, ɛ́ bɛ na ƴãw nɩ a bɛ tɩɛrʋ a ʋ ƴãw.»

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Kɔlɔsɩ 1:5

ɛ́ a ɩ nyɩ na tɩɛrɛ a ʋlɩ bom nɛ na gùre nyɩ a tẽ-vla pʋɔ a ƴãw n'a a. A Yel-nʋ̃ɔ̀ na ɩ yel-mɩŋa ƴɛ̀rʋ a, ʋl na lʋɔrɩ wa ta nyɩ a, ʋl pʋɔ n'a nyɩ páw a tɩɛrʋ ŋa.

2 Tesalonikɩ 2:16

A tɩ Sore Yeezu Kɩrɩta mɩŋa nɩ a tɩ Sãà Naaŋmɩn na nɔ̃w tɩ, ɛ́ a ʋ maalʋ zũú ʋ kʋ̀ tɩ mɔwlʋ na be kʋralɛ nɩ tɩɛr-vla tɩ na ƴãw a ʋ ƴãw a,

Títɩ̀ 3:7

k'aa ʋ maalʋ ŋa ɩ tɩ ɩ nɩ-mɩn a ʋ niŋé, ɛ́ ɩ nyɔ-vʋʋrʋ na be kʋralɛ a gbã-dɩrbɛ, mɛ̃ a lɛ tɩ na tɩɛrɛ a.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Ebre 7:26

A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

1 Pɩɛr 1:15

Ɛcɛ, mɛ̃ a lɛ a Naaŋmɩn na bʋɔlɩ nyɩ a na ɩ sõw a, nyɩ mɩ̀ lɩɛbɩ nɩ-son a nyɩ cenu za pʋɔ.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

2 Pɩɛr 1:4

A ʋ yúor-vɩɛlʋ-danʋ nɩ a ʋ fãw ƴãw, tɩ páw nɩ a bome na vɩɛl bɛ tɛr tɔ ʋ na dãw ƴãw nʋɔr kɛ́ tɩ na páw na a. Ɛ́ a bʋ̃-vɩɛlɩ á ŋá ɩ na nyɩ pʋɔ a naaŋmɩnʋ pʋɔ ɛ́ yi zaa a faalʋ pʋɔ, a faalʋ a tɛra vʋla na guole a tẽ-daa zu a.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

1 Zã 2:6

Sob nɛ na yel k'ʋʋ lãw nɩ nɩ a Naaŋmɩn a, a fɛr'a k'ʋʋ vʋʋrɛ mɛ̃ a lɛ a Yeezu na dãw vʋʋrɩ a.

1 Zã 4:17

A nɔ̃wfʋ wa vɩɛl ʋ za a tɩ zie a, tɩ na bɛr'ɩ tɩɛrʋ a ƴɛ̀rʋ maalʋ bibir, bʋ̃ʋ n'ʋ vɛ̃, a tɩ nyɔ-vʋʋrʋ a tẽw zu ka ŋmɛ̃ na taa nɩ a Yeezu Kɩrɩta dem.