1 Zã 2:8 - A SƐB-SÕW

⁸ Ɛcɛ Naaŋmɩn nɔ-ƴãwna na ɩ paala n'ʋ ɩ̃ sɛbr kʋ̀rɛ nyɩ, ɛ́ a ʋ yel-mɩŋa sãá nɩ a Kɩrɩta zie nɩ a nyɩ zie mɩ̀. Bʋ̃ʋ n'ʋ vɛ̃, a lige tɔlɛ na, ɛ́ a cãà tɔr za caalɛ baarɩ.

1 Zã 2:8 ပူးပေါင်းရင်းမြစ်များ

Sɛb-sõw yielu 27:1

Daviir so ʋ. A Sore n'ɩ a ɩ̃ cãà nɩ a ɩ̃ faarɛ, ãa dɛ̃bɩ̃ɛ n'a ɩ̃ na zɔrɛ? A Sore n'ʋ gùre a ɩ̃ nyɔ-vʋʋrʋ, ãa niŋé n'a ɩ̃ na màwr?

Sɛb-sõw yielu 36:9

Bɛ mɩ́ dɩ n a fʋ yir bʋ̃-dɩ-nʋʋr tɩ tɩw, ɛ́ páw a fʋ bʋ̃-vɩɛlɩ a gbɔlɛ mɛ̃ man kʋ̃ɔ a.

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Ɩzayi 9:2

Sore e, fʋ ɩ na a cɩlʋ laarɩ bɛ, fʋ ɩ na a bɛ nʋ̃ɔ̀ kpɛ kpɛ̃ɛ. Bɛ cɩlɛ nɩ a fʋ niŋé mɛ̃ kɔb bome bɛ na mɩ́ dier cɩlɛ nɩ a, mɛ̃ dɔ̃ dem na-bome bɛ na mɩ́ pone ŋmɩɛr'ɩ nʋ̃ɔ̀ cɛlsɩ a.

Matie 4:16

A nɩ-bʋʋrɛ bɛl na tɩ be lige pʋɔ a, nyɛ̃ nɩ cãà kpɛ̃ɛ. Cãà caal'ɩ a bɛl na tɩ be a kũu tẽ-lige pʋɔ a.»

Luka 1:79

Ʋ tɩ pur'a, k'ʋʋ caalɩ a bɛlɩ dem na be a lige pʋɔ nɩ a kũu ɓaarʋ́ a, ɛ́ tɛr tɩ lo n a ƴã-ɓaarʋ sɔ́r.»

Zã 1:9

A Ƴɛ̀rʋ tɩ n'ɩ a cãà mɩŋa na waar a tẽ-daa zu ɛ́ caalɛ nɩsaal za a.

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

Zã 12:46

A mãa na ɩ a cãà a, ɩ̃ wa n a tẽ-daa zu kɛ́ sob nɛ za na sàw de m a, ta be lige pʋɔ ɩ.

Zã 13:34

Ɩ̃ ƴãwnɛ nɩ nɔ-paala kʋ̀rɛ nyɩ: nyɩ nɔnɛ taa. Mɛ̃ a lɛ ɩ̃ na nɔ̃w nyɩ a, a nyɩɩm mɩ̀, nyɩ nɔnɛ taa.

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Nɩ-toni 17:30

Ɛcɛ a Naaŋmɩn vɩɛ nɩ a zɔnʋ daar yele á ŋá bɛr, ɛ́ pãa bʋɔlɛ a nɩsaalbɛ za a ziir za, kɛ́ bɛ za lɩɛbɩ a bɛ ɩb.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

2 Timote 1:10

Ƴɛrɛŋa a, a maalʋ ŋa pãa sãá na, a tɩ Faarɛ Kɩrɩta Yeezu na wul ʋ tʋɔra a zũú. Ʋlɛ n'ʋ ɩ a kũu kpɛnʋ baarɩ, ɛ́ ɩ a nyɔ-vʋʋrʋ na bɛ tɛr kũu a, ʋ sãá a Yel-nʋ̃ɔ̀ manʋ pʋɔ.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.

1 Zã 3:23

Ɛ́ a nʋɔr ʋ na ƴãw kʋ̀ tɩ a n'ɩ ŋa: kɛ́ tɩ sàw de a ʋ Bie Yeezu Kɩrɩta, ɛ́ nɔnɛ taa mɛ̃ a lɛ a Kɩrɩta na ƴãw a nʋɔr kʋ̀ tɩ a.

1 Zã 4:11

Ɩ̃ bá mɩnɛ ɛ, a Naaŋmɩn wa nɔ̃w tɩ à ŋá a, a fɛr'a k'aa tɩɩm mɩ̀, tɩ mɩ̀ nɔnɛ taa.

1 Zã 4:21

A nʋɔr a Kɩrɩta na ƴãw kʋ̀ tɩ a n'ɩ ŋa: sob nɛ na nɔnɛ a Naaŋmɩn a, ʋ mɩ̀ nɔnɛ a ʋ yɛb.