1 Zã 2:7 - A SƐB-SÕW

⁷ Ɩ̃ bá mɩnɛ ɛ, Naaŋmɩn nɔ-ƴãwna na ɩ paala a bɛ n'ʋ ɩ̃ sɛbr kʋ̀rɛ nyɩ ɛ, a nɔ-kʋra ʋl nyɩ na tɛr a pɛr-tib daar a n'ʋ, a nɔ-kʋra ŋa ɩ n a ƴɛ̀rʋ nyɩ na tɩ wõ a.

1 Zã 2:7 ပူးပေါင်းရင်းမြစ်များ

Levitɩ mɩnɛ 19:18

Nyɩ taa yáarɛ yel-faa san ɛ, ɛ́ taa tɛrɛ nɩ a nyɩ tẽ-bi-taabɛ pʋ-bier ɛ. Ɛcɛ ŋa za n'ʋ a fɛr k'ʋʋ nɔnɛ a ʋ tɔ sob mɛ̃ a ʋl mɩŋa a. Mãa n'ɩ a Sore.»

Levitɩ mɩnɛ 19:34

Nyɩ nɩ̃ɛ ɩrɛ a ʋ zie mɛ̃ a nyɩ tẽ-bi-tɔ sob kãw a: a fɛr'a kɛ́ nyɩ nɔnɛ ʋ mɛ̃ a nyɩ mɩŋa a, bʋ̃ʋ n'ʋ vɛ̃, a nyɩɩm mɩ̀ a, nyɩ tɩ dãw na ɩ nʋʋrɩ a Eziptɩ tẽw. Mãa n'ɩ a Sore nyɩ Naaŋmɩn.»

Matie 5:43

«Nyɩ wõ na kɛ́ bɛ tɩ yel'a: “Fʋ na nɔnɛ nɩ a fʋ tɔ sob, ɛ́ hɩ̃ɛn a fʋ dɔ̃ sob.”

Zã 13:34

Ɩ̃ ƴãwnɛ nɩ nɔ-paala kʋ̀rɛ nyɩ: nyɩ nɔnɛ taa. Mɛ̃ a lɛ ɩ̃ na nɔ̃w nyɩ a, a nyɩɩm mɩ̀, nyɩ nɔnɛ taa.

Nɩ-toni 17:19

Bɛ tɩ nyɔw ʋ na cen nɩ a Atɛn tẽw ƴɛ̀rʋ-dɩb-lãw nɩbɛ niŋé, bɛ na bʋɔlɛ kɛ́ Aaropaazɩ a, tɩ sowr'ʋ: «Tɩ na tʋ̃ɔ́ na bãw a wul-paala ŋa fʋ na wule a?

Wulu-ayi-sob 6:5

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.

Ebre 6:9

Nyɩɩm ƴãw a, ɩ̃ bá mɩnɛ ɛ, tɩ na saa ƴɛ̀rɛ à à ŋá a, tɩ bãwnɩ a n'a nyɩ na lo a sɔr-vla a, a faafʋ sɔ́r.

1 Zã 2:24

A na ɩ à ŋá a, nyɩ maal tɛr a ƴɛ̀rʋ nyɩ na wõ a pɛr-tib daar za a. A ʋlɩ bom nɛ nyɩ na wõ a pɛr-tib daar za wa be a nyɩ zie a, a nyɩɩm mɩ̀, nyɩ na lãw nɩ nɩ a Bie nɩ a Sãà.

1 Zã 3:11

Yel ŋa n'ʋ nyɩ wõ a pɛr-tib daar za: kɛ́ tɩ nɔnɛ taa.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

1 Zã 3:21

Ɩ̃ bá mɩnɛ ɛ, a tɩ tɩɛrʋ bɛ wa yel kɛ́ tɩ sãw na a, tɩ mɩ́ bɛr'ɩ dɛ̃bɩ̃ɛ a Naaŋmɩn niŋé.

1 Zã 3:23

Ɛ́ a nʋɔr ʋ na ƴãw kʋ̀ tɩ a n'ɩ ŋa: kɛ́ tɩ sàw de a ʋ Bie Yeezu Kɩrɩta, ɛ́ nɔnɛ taa mɛ̃ a lɛ a Kɩrɩta na ƴãw a nʋɔr kʋ̀ tɩ a.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

1 Zã 4:11

Ɩ̃ bá mɩnɛ ɛ, a Naaŋmɩn wa nɔ̃w tɩ à ŋá a, a fɛr'a k'aa tɩɩm mɩ̀, tɩ mɩ̀ nɔnɛ taa.

1 Zã 4:21

A nʋɔr a Kɩrɩta na ƴãw kʋ̀ tɩ a n'ɩ ŋa: sob nɛ na nɔnɛ a Naaŋmɩn a, ʋ mɩ̀ nɔnɛ a ʋ yɛb.

1 Zã 4:7

Ɩ̃ bá mɩnɛ ɛ, nyɩ ɩ tɩ nɔnɛ taa, bʋ̃ʋ n'ʋ vɛ̃, a nɔ̃wfʋ yi n a Naaŋmɩn zie. Nɩr za na tɛr a nɔ̃wfʋ a ɩ n Naaŋmɩn bie, ɛ́ bãw a Naaŋmɩn.