1 Zã 2:3 - A SƐB-SÕW

³ Ɛ́ à ŋá n'a tɩ nyɛ̃ kɛ́ tɩ bãw nɩ a Naaŋmɩn: tɩmɛ wa sàwr a ʋ nɛ-ƴãwnɩ a.

1 Zã 2:3 ပူးပေါင်းရင်းမြစ်များ

Sɛb-sõw yielu 119:32

A fʋ nɛ-ƴãwnɩ sɔ́r zu n'a ɩ̃ zɔrɛ, fʋ na ɩ a ɩ̃ yã ʋ yuo a ƴãw.

Sɛb-sõw yielu 119:6

Lɛ n'a vĩ kʋ̃ ɩrɛ mɛ̃, mãa wa jɛlɛ a fʋ nɛ-ƴãwnɩ za a ɩ.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Luka 6:46

«Bʋ̃ʋ ƴãw n'a nyɩ mɩ́ yere a ɩ̃ zie: “Sore e, Sore e”, ɛ́ bɛ mɩ́ tuur a lɛ ɩ̃ na yere a?

Zã 14:15

«Nyɩmɛ wa nɔnɛ mɛ̃ a, nyɩ na sàwr'ɩ a ɩ̃ nɛ-ƴãwnɩ vla.

Zã 15:10

Nyɩmɛ wa sàwr a ɩ̃ nɛ-ƴãwnɩ a, nyɩ na be n a ɩ̃ nɔ̃wfʋ pʋɔ, mɛ̃ a lɛ ɩ̃ na sàw a ɩ̃ Sãà nɛ-ƴãwnɩ ɛ́ be a ʋ nɔ̃wfʋ pʋɔ a.»

Zã 15:14

Nyɩ ɩ n a ɩ̃ bárɩ nyɩmɛ wa maalɛ a lɛ ɩ̃ na ƴãw a nʋɔr kʋ̀ nyɩ a.

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

1 Zã 2:13

Sãà mɩnɛ ɛ, ɩ̃ sɛbr nyɩ na kɛ́ nyɩ bãw nɩ a sob nɛ na be a pɛr-tib daar za a. Pɔlbili i, ɩ̃ sɛbr nyɩ na kɛ́ nyɩ zɛb'a tʋ̃ɔ́ a Faalʋ sob.

1 Zã 3:14

Tɩɩm a, tɩ bãw na kɛ́ tɩ yi n a kũu pʋɔ kpɛ nyɔ-vʋʋrʋ pʋɔ, tɩ na nɔnɛ a tɩ yɛbr a ƴãw. Sob nɛ na bɛ tɛr a nɔ̃wfʋ a cãà na be a kũu pʋɔ.

1 Zã 3:19

À ŋá n'a tɩ na bãw kɛ́ tɩ ɩ n yel-mɩŋa nɩbɛ, ɛ́ mɩ́ ɓãá ƴãw bɛr tɩɛrʋ a Naaŋmɩn niŋé.

1 Zã 3:6

Nɩsaal za na maalɛ yel-bier a bɛ nyɛ̃ ʋ ɛ, ɛ́ bɛ bãw ʋ ɛ.

1 Zã 4:13

À ŋá n'a tɩ mɩ́ bãw kɛ́ tɩ lãw nɩ nɩ a Naaŋmɩn, ʋʋ lãw nɩ tɩ: ʋ na kʋ̀ tɩ a ʋ Vʋʋrʋ a ƴãw.

1 Zã 4:7

Ɩ̃ bá mɩnɛ ɛ, nyɩ ɩ tɩ nɔnɛ taa, bʋ̃ʋ n'ʋ vɛ̃, a nɔ̃wfʋ yi n a Naaŋmɩn zie. Nɩr za na tɛr a nɔ̃wfʋ a ɩ n Naaŋmɩn bie, ɛ́ bãw a Naaŋmɩn.

1 Zã 5:19

Tɩ bãw na kɛ́ Naaŋmɩn so tɩ, ɛ́ a Faalʋ sob so a tẽ-daa za.

1 Zã 5:2

À ŋá n'a tɩ mɩ́ bãw kɛ́ tɩ nɔnɛ nɩ a Naaŋmɩn bibiir: a lɛn daar tɩ na mɩ́ nɔnɛ a Naaŋmɩn ɛ́ sàwr a ʋ nɛ-ƴãwnɩ a.

1 Zã 5:3

À ŋá n'a a Naaŋmɩn nɔ̃wfʋ sɩrɩ ŋmɛ̃: kɛ́ tɩ sàwr a ʋ nɛ-ƴãwnɩ. Ɛ́ a ʋ nɛ-ƴãwnɩ bɛ kpɛmɛ zuo ɩ,

Yel-wula 12:17

A wa-bɩɛ tɩ nyɛ̃ nɩ nɩ a pɔw suur, cen tɩ zɛbr'ɩ a pɔw bʋʋrɛ bɛl na cɛ a, a bɛl na tuur a Naaŋmɩn nɛ-ƴãwnɩ ɛ́ maal tɛr a yel-mɩŋa a Yeezu na wul a.

Yel-wula 14:12

A Naaŋmɩn nɩ-sori, a bɛl na sàwr a ʋ nɛ-ƴãwnɩ ɛ́ tɛr a Yeezu sàw-deb a, a bɛ kanyir dɩb daar'a ta.

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.