1 Timote 6:4 - A SƐB-SÕW

⁴ a ʋ nyʋʋr ɩ na ʋ zɔ̃w. Ʋ bɛ bãw bom za ɩ, nɔkpɛn nɩ ƴɛ̀r-foli bàalʋ nyɔw ʋ na. Alɛ n'a waar'ɩ a nyuur, a taw-taa, a zʋmɛ, a tɩɛr-faar a tɔ sob ƴãw,

1 Timote 6:4 ပူးပေါင်းရင်းမြစ်များ

Zʋkpaɩ 13:7

Nɩbɛ bɛ mɩnɛ mɩ́ ɩrɛ nɩ na-ɩb ɛ́ bɛ tɛr bom ɛ, ɛ́ bɛ mɩnɛ ɩrɛ nã́w-ɩb ɛ́ na-bome kʋrɛ bɛ.

Zʋkpaɩ 25:14

Zũzuge nɩ sɛsɛb na bɛ waar'ɩ saa a, lɛ n'a a nɩr na pɔrɛ k'ʋʋ na kʋ̀ n nɩr bom ɛ́ kʋ̃ tɩr a ŋmɛ̃.

Zʋkpaɩ 26:12

Fʋ̃ʋ wa nyɛ̃ nɩr ʋ yel k'ʋʋ ɩ n yã-bãwnɛ a, fʋ̃ʋ bãwnɩ a: fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

Ɩzayi 58:4

Nyɩ mɩ́ tɛr'ɩ a mʋta-tuo ɛ́ zɛbr taa, ɛ́ mɩ́ gùr nũu ŋmɩɛr'ɩ a nyɩ taabɛ. À à ŋá bɛ n'a nyɩ na mɩ́ tɛr a mʋta-tuo bɔbr'ɩ k'ɩ̃ɩ wõ a nyɩ puoru a saa-zu ka ɩ.

Nɩ-toni 15:2

A tɩ ɩ n taw-taa gã, ɛ́ nɔkpɛn na bɛ vɩɛl a be a Pol nɩ a Banabasɩ nɩ a nɩbɛ bɛl cara pʋɔ. Lɛ n'a bɛ pãa tɩ wõ taa, ɛ́ yel kɛ́ a Pol nɩ a Banabasɩ nɩ nɩbɛ bɛ mɩnɛ na do n a Zerizalɛm, tɩ páw a nɩ-toni nɩ a nɩ-kore a taw-taa ŋa ƴãw.

Nɩ-toni 18:15

Ɛcɛ a na ɩ nɔkpɛn na càarɩ ƴɛ̀r-bie, nɩ yée, nɩ a nyɩ wulu a, mãa bɛ bɔbr k'ɩ̃ɩ dɩ a yele á ŋá taabɛ ƴɛ̀rʋ ɛ.»

Nɩ-toni 8:9

Dɛb kãw bɛ na bʋɔlɛ kɛ́ Sɩmʋ̃ a, tɩ dãw na be a tẽw nɛ pʋɔ. Ʋ tɩ tone nɩ tɩtɩblɛ tome, a mɩ́ ɩ nɔ-ɓãan a Samaari tẽw dem za zie. Ʋ tɩ yel'a kɛ́ ʋlɛ mɩ̀ n'ʋ,

Ʋrɔm 12:16

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

Ʋrɔm 13:13

Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

Ʋrɔm 14:1

Nyɩ mɩ́ sàw de sob nɛ na bɛ tɛr fãw a ʋ naaŋmɩn-sàw-deb pʋɔ a, ɛ́ ta bãwnɛ a lɛ ʋ na tɩɛrɛ a ɩ.

Ʋrɔm 2:8

Ɛcɛ, a bɛlɩ dem na ɩ a nɩsaal-gaarɩ, bɛ sàwr a yel-mɩŋa ɛ́ tuur a ɩ-faar a, Naaŋmɩn suur, su-tʋlʋ, na ìr'ɩ a bɛ zu.

1 Korɛ̃tɩ 11:16

Ɛ́ nɩr wa cãà bɔbr k'ʋʋ ŋmɩɛr nɔkpɛn a yel ŋa ƴãw a, ʋ̃ʋ bãw k'aa tɩɩm nɩ a Naaŋmɩn Lãw-yie bɛ lɛb tɛr tub a mɩnɛ kãw a puoru yele ƴãw ɛ.

1 Korɛ̃tɩ 11:18

A yel dãw-niwn sob'ɩ ŋa: bɛ yel'a kʋ̀ m kɛ́ nyɩ na mɩ́ wa ɓã taa a, ɛ́ bʋ́r-taa mɩ́ be n a nyɩ cara pʋɔ, ɩ̃ɩ tɩɛr kɛ́ à à ŋá bɛ na yel a, a mɩnɛ ɩ n yel-mɩŋa.

1 Korɛ̃tɩ 3:18

Nɩr kãw za taa wa nanɩ bɛ̀lɛ ʋ tʋɔra ɩ: nɩr wa be a nyɩ pʋɔ tɩɛrɛ k'ʋʋ ɩ n yã-bãwnɛ a tẽw ŋa zu a, ʋ lɩɛbɩ gẽgemi sob, tʋ̃ɔ́ ɩ yã-bãwnɛ,

1 Korɛ̃tɩ 3:3

nyɩ na cãà ɩ nɩsaalbɛ tɛwr a ƴãw. Nyuur nɩ taw-taa na be a nyɩ cará a ƴãw, nɩsaalʋ nɩbɛ bɛ n'ɩ nyɩ ɛ? Ɛ́ nɩsaalʋ ɩb tɛwr bɛ n'a nyɩ ɩrɛ ɩ?

2 Korɛ̃tɩ 11:20

Nyɩ mɩ́ sàw na kɛ́ bɛ ɩrɛ nyɩ mɛ̃ gbãgbaar a, ɛ́ sàw bɛ nɛbr nyɩ, nyɩ mɩ́ sàw na bɛ farɛ a nyɩ bome za ɛ́ pɔrɛ a nyɩ zu, ɓarɛ nɩ nyɩ.

Galasi 5:15

Ɛcɛ, nyɩmɛ wa dʋnɛ taa ɛ́ vɔlɛ taa mɛ̃ wɛ-dʋ̃-faar a, nyɩ gù vla, nyɩ na baar'ɩ taa.

Galasi 5:26

Tɩ ta mɩ́ pɔrɛ ɩ, a nɔhaarʋ nɩ a nyu-ɩb, a ta be a tɩ cara pʋɔ ɩ.

Galasi 6:3

Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra.

Filib 1:15

Sɩza n'a, nyuur'a bɛ mɩnɛ ɩrɛ nɩ mɛ̃ hiere a Kɩrɩta, tɛr'ɩ cier-taa tɩɛrʋ a ɩ̃ zie, ɛcɛ bɛ mɩnɛ hiere a Kɩrɩta nɩ tɩɛrʋ na vɩɛl a.

Filib 2:14

Bom nɛ za nyɩ na ɩrɛ a, nyɩ ta ɩrɛ zɛbr'ɩ bɩɩ ŋmɩɛr'ɩ nɔkpɛn ɛ,

Filib 2:3

Nyɩ ta ɩrɛ bom nɩ cier-taa yã bɔbr'ɩ yúor ɛ. Ɛcɛ, nyɩ ɩrɛ nɩ tʋɔra-siwru, ɛ́ mɩ́ sàw kɛ́ a nyɩ taabɛ zuo nyɩ na.

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

2 Tesalonikɩ 2:4

Bom nɛ za a nɩsaalbɛ na bʋɔlɛ kɛ́ naaŋmɩn, ɛ́ puore ʋ a, a Faalʋ nɩr na ìr'ɩ nɩ pɔ̀lʋ ɩ a ʋ dɔ̃ sob, ʋʋ na tɛr'ɩ lɛɛɛ tɩ kpɛ zɩ̃ a Naaŋmɩn yir-kpɛ̃ɛ pʋɔ, ɛ́ yel k'ʋʋ ɩ n Naaŋmɩn.

1 Timote 1:4

kɛ́ bɛ bɛr a suolu á ŋá nɩ a sãàkʋm-kore dɔw-tu-taa na bɛ tɛr tɛwfʋ zie a manʋ. A waar'ɩ nɩ nɔkpɛn tɛwr, ɛ́ bɛ sõwne a Naaŋmɩn pʋ-tɩɛrʋ bãwfʋ na mɩ́ tu a ʋ tub a sàw-deb pʋɔ a ɩ.

1 Timote 1:7

Bɛ mɩ́ yel'a kɛ́ a Naaŋmɩn wulu bãw-bãw-karɩ nɛbɛ, zɩ̃ kɛ́ bɛ bɛ bãw bom nɛ bɛ na yere a ɩ, nɩ bom nɛ ƴɛ̀rʋ bɛ na ƴɛ̀rɛ mɩrɛ nɩ zu a ɩ.

1 Timote 3:6

Ʋ ta ɩ nɩr na sàw de Naaŋmɩn paalʋ a ɩ, alɛ bɛ ɩ lɛ, ʋ nãà ɩrɛ nɩ pɔ̀lʋ tɩ nyɛ̃ nɩ dɔwrʋ mɛ̃ a Gɛgɛra a.

2 Timote 2:14

Lɛb sɩ̃w bɛ za tɩɛrʋ a yele á ŋá ƴãw, ɛ́ zɛlɩ bɛ yãayãa a Naaŋmɩn niŋé, kɛ́ bɛ ta zɛbr taa ƴɛ̀r-bie ƴãw ɛ, a zɛbr á ŋá taabɛ bɛ tɛr yel-ɩra za ƴãw pʋɔ a bɔrʋ ƴãw a ƴɛ̀r-bie á ŋá na mɩ́ bɔr'ɩ a nɩbɛ na bɛrɛ wone a a ɩ.

2 Timote 2:23

Ɛcɛ, bɛr a nɔkpɛn zawlɛ na bɛ tɛr pɛr a ŋmɛb. Fʋ bãwnɩ a na kɛ́ alɛ n'a waar'ɩ a zɛbr.

2 Timote 3:4

Bɛ na mɩlɛ nɩ taa, ɛ́ ɩ suur tɛwr, pɔ̀lʋ tɛwr nɩbɛ, ɛ́ nɔnɛ a ƴã-gan nʋ̃ɔ̀ ɛ́ nɩ̃ɛ bɛr a Naaŋmɩn.

Títɩ̀ 3:9

Ɛcɛ a bɔ-zawlɛ nɩ a dɔw-tu-taa manʋ a, a zɛb-taa nɩ a taw-taa al za na càarɩ a Naaŋmɩn wulu a, dɛrɛ a: a bɛ tɛr yel-ɩra ɩ, ɛ́ mɩ̀ bɛ lɛb tɛr pɛr ɛ.

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

2 Pɩɛr 2:12

Ɛcɛ, mɛ̃ dʋn na bɛ bãw yã ɛ́ be bɛrɩ nyɔwfʋ ƴãw, ɛ́ na kpi wɛ a, a nɩbɛ bɛ ŋa tʋʋr'ɩ bom bɛ na bɛ bãw a, bɛ na kpi na wɛ mɛ̃ a dʋn a.

2 Pɩɛr 2:18

Bɛ mɩ́ ƴɛ̀rɛ nɩ ƴɛ̀r-bɛrɛ ƴɛ̀r-zawlɛ, a pɩ̃ɔ-yele ƴã-gan nʋ̃ɔ̀-faar tɩɛrʋ na ɩrɛ vĩ a n'a bɛ mɩ́ bɛlɩ nyɔw nɩ a bɛlɩ dem na bʋ́r yi paalʋ a nɩbɛ bɛl pʋɔ na vʋʋrɛ a tulu pʋɔ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:10

Ɛcɛ a nɩbɛ bɛ ŋa bɛl tʋʋr'ɩ bom nɛ bɛ na bɛ bãw a, ɛ́ a al bɛ na mɩ́ bãw, a bãwfʋ ɩ mɛ̃ a wɛ-dʋn bãwfʋ a, a bɛ kũu ƴãw cãà n'a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

Yel-wula 3:17

Fʋ yere nɩ à ŋá: “Ɩ̃ tɛr a na, ɩ̃ kpɛ n naalʋ, bom za tuo bɛ kpɩɛr mɛ̃ ɩ.” Ɛ́ nɩ̃ɛ bɛ bãw kɛ́ fʋ bɛ tɛr ŋmɛ̃a ɩ, kɛ́ fʋ ɩrɛ nɩ nɩbaalʋ, kɛ́ fʋ ɩ n nã́w sob, zɔ̃w ɛ́ ɩ ƴã-gan zawla ɩ!