1 Timote 6:17 - A SƐB-SÕW

¹⁷ Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

1 Timote 6:17 ပူးပေါင်းရင်းမြစ်များ

Yele-za-pɛr-tib 13:2

A Abram tɩ kpɛ n naalʋ yaga za. Zaw-bɛrɛ bɛrɛ sob tɩ n'ʋ, ɛ́ mɩ̀ tɩ tɛr salm-pla nɩ salm-zɩɛ yaga.

2 Bibie za yel-manɩ 26:16

Ɛcɛ a ʋ fãw zũú, ʋ tɩ ɩrɛ nɩ pɔ̀lʋ, a ɩ ʋ lo, ʋʋ bɛ cãà tu a Sore ʋ Naaŋmɩn ɛ: bibir kãw ʋ tɩ kpɛ n a Ŋmɩn-yir-kpɛ̃ɛ pʋɔ k'ʋʋ tɩ nyɩw tɩ-suur-zɔ̃-na-nyùur-vla-vla-a a parfɛ̃ bàwr-maal-kuur zu.

Sɛb-sõw yielu 104:28

Fʋ mɩ́ kʋ̀ a na, a de, fʋ mɩ́ yuo nɩ a fʋ nũu, a tɩw.

Sɛb-sõw yielu 52:7

Ɛcɛ Naaŋmɩn na ŋmɛ b'a bin a baarɩ, ʋ na nyɔw fʋ na fɩɩrɩ gẽgẽ, vɩr yi n a fʋ yir pʋɔ, ʋ na ír fʋ nɩ a nɩ-vʋʋrɩ tẽw pʋɔ! Tɛw-àrʋ

Sɛb-sõw yielu 62:10

A nɩsaalbɛ ɩ n pɩɛlʋ tɛwr. Nɩsaalbɛ ɩ n bɛ̀lʋ. Bɛlɛ ɩ mɛ̃ bɛ do n bʋ̃-kera zu a, bɛ za na ɓã taa a na ɩ n zelfel zuo pɩɛlʋ.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Zʋkpaɩ 11:28

Sob nɛ na ƴãw a ʋ tɩɛrʋ a ʋ naalʋ ƴãw a na lo na, ɛcɛ a nɩ-mɩn mɩ́ kɛrɛ na mɛ̃ tɩɩr a váar na sɔb a.

Zʋkpaɩ 23:5

Fʋ bɛ mɩ́ nyɛ̃ ʋ baar ɛ, ʋʋ bɔr, ʋ mɩ́ ƴãw nɩ pɩgɛ ƴaw nɩ mɛ̃ a sɩla na mɩ́ ƴaw do a salom zu a.

Zʋkpaɩ 27:24

Bʋ̃ʋ n'ʋ vɛ̃, a naalʋ bɛ bere be kʋralɛ ɩ, ɛ́ nãà-kpawʋɔ bɛ ɩ dɔw-lɩɛr-taa bom ɛ!

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Ekilezɩasɩ 2:24

A nɩsaal bʋ̃-vla yõ n'ɩ k'ʋʋ dɩrɛ, k'ʋʋ nyuur ɛ́ wone nʋ̃ɔ̀ nɩ a ʋ tome tɔnɛ. A mãa a, ɩ̃ nyɛ̃ na kɛ́ Naaŋmɩn n'ʋ mɩ̀ mɩ́ tɩr a lɛ.

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 49:4

Araba na ɩ pɔwli-gaara a, fʋ tɩ pɔrɛ nɩ nɩ a fʋ fʋɔla, a fʋ fʋɔla na ɩ váar váar a. Fʋ tɩ ƴãw nɩ a fʋ tɩɛrʋ a fʋ na-bome ƴãw, fʋ tɩ sowre na: «Ãa n'ʋ na sàw zɛb'ɩ mɛ̃?»

Ezekɩɛl 16:56

A lɛn daar fʋ na tɩ pɔrɛ a, fʋ tɩ ƴɛ̀rɛ na jewre nɩ a Sodɔm.

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

Matie 12:32

Nɩr wa ƴɛ̀r ƴɛ̀r-faa càar'ɩ a Nɩsaal Bie a, bɛ na dɩ n suur kʋ̀ ʋ, ɛcɛ nɩr wa ƴɛ̀r ƴɛ̀r-faa càar'ɩ a Vʋʋrʋ Sõw a, bɛ kʋ̃ dɩ suur kʋ̀ ʋ a dɩ̃a zie ŋa pʋɔ nɩ a nɩdaar zie na waar a pʋɔ ɩ.»

Matie 19:23

Lɛ n'a a Yeezu tɩ yel a ʋ po-tuurbɛ: «Yel-mɩŋa sɩza, ɩ̃ yere na kʋ̀rɛ nyɩ: nɩr na kpɛ naalʋ a, a ʋ tẽ-vla Naalʋ pʋɔ kpɛb na kpɛmɛ na.

Matie 25:16

Daadaalɛ, a tõ-tõ-bie ʋl na tɩ páw a salm-zɩɛ libie kɔbr anũu (500) a, tɩ cen na tɩ tõ n, páw kɔbr anũu (500) dɔwlɩ.

Matie 27:57

Zaanʋɔra na wa ta a, nũ-kpɛ̃w sob kãw, na yi Arimate tẽw bɛ bʋɔlɛ Zuzɛb a, tɩ wa na. Ʋ mɩ̀ tɩ ɩ n a Yeezu po-tuure kãw.

Matie 6:32

Tɩbɛ dem nɛbɛ mɩ́ bɔbr à á ŋá za kʋralɛ. Ɛcɛ a nyɩ Sãà na be a tẽ-vla pʋɔ a, bãwnɩ a na nyɩ na tɛr à á ŋá za yel-ɩra a.

Markɩ 10:24

A Yeezu ƴɛ̀r-bie á ŋá tɩ ŋmãa nɩ a ʋ po-tuurbɛ pùor bɛ dɩ vuo ɩ. Ɛcɛ a Yeezu tɩ lɛb'a yel: «Ɩ̃ bibiir i, pa! A Naaŋmɩn Naalʋ pʋɔ kpɛb kpɛmɛ na!

Luka 19:2

Dɛb kãw tɩ be n be, a yúor dɩ kɛ́ Zase. Ʋ tɩ ɩ n zuru-yar-dierbɛ nɩ-kpɛ̃ɛ, ɛ́ tɩ kpɛ naalʋ.

Luka 3:11

A Zã tɩ sɔw bɛ na: «Nɩr wa tɛr kparɩ ayi a, ʋ̃ʋ ír kʋ̀ a ʋ tɔ na bɛ tɛr ʋ a, ɛ́ nɩr na tɛr a dɩrɛ a, ʋ mɩ̀ ɩrɛ a lɛ.»

Nɩ-toni 14:17

Ɛcɛ ʋ tɩ cãà na wule bɛ a ʋ ɩ-vɩɛlɩ: mɩ́ kʋ̀ nyɩ a saa ɛ́ ɩ a bʋ̃-kʋ́ɔrɩ a maalɩ a daar. Ʋ mɩ́ kʋ̀ nyɩ nɩ bʋ̃-dɩrɩ ɛ́ ɩ kɛ̀ nʋ̃ɔ̀ ɩrɛ nyɩ yaga za.»

Nɩ-toni 14:27

Bɛ na tɩ ta a daadaalɛ a, bɛ bʋɔl'ɩ a Lãw-yir dem ɓã taa, ɛ́ manɩ a yele al za a Naaŋmɩn na tɩ lãw nɩ bɛ maalɩ a, nɩ a lɛ ʋ na yuo a ʋ sàw-deb dɩ̃dɔr kʋ̀ a nɩ-bʋʋr-yoru a.

Nɩ-toni 17:25

ɛ́ mɩ̀ bɛ tɛr nɩsaal nuru yel-ɩra a ʋ tome ƴãw, mɛ̃ ʋ tɛr'ɩ bom kãw yel-ɩra a ɩ, ʋl na kʋ̀rɛ a nɩbɛ za a nyɔ-vʋʋrʋ, a pɩɛlʋ nɩ a ŋmãa al za na cɛ a.

Ʋrɔm 11:20

Sɩza n'a, bɛ cɛ a na ŋma bɛr, a na bɛ sàw de a ƴãw, ɛ́ fʋ̃ʋ a, a fʋ sàw-deb zũú n'a fʋ lɩɛr'a. Ɛcɛ taa wa ɩrɛ pɔ̀l-ɩb ɛ, nɩ̃ɛ vɛ̃ kɛ́ zɔrɛ a Naaŋmɩn.

Efɛɛzɩ 5:5

Nyɩ bãwnɩ a vla, pɩ̃ɔ yel-maalɛ za a, ɩ-fa-maalɛ za nɩ mimir sob na ɩ tɩɩb-maalɛ a, bɛ kãw za bɛ pʋɔrɛ a Kɩrɩta nɩ a Naaŋmɩn Naalʋ gbã-dɩ-bom pʋɔ ɩ.

Wulu-ayi-sob 33:15

Dɩta-pɛ-yome za n'a, a tã-bɛrɛ nɩ a tãli zie ŋa bʋ̃-kʋ́ɔrɩ maalɛ vla.

Wulu-ayi-sob 8:17

Nyɩ taa wa nanɩ tɩɛrɛ nyɩ pʋɔ yere nɩ: «Tɩmɛ nɛbɛ bãw a lɛ tɩ na ɩ tɛr a a, a tɩ fãw yõ zũú n'a.»

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

1 Tesalonikɩ 1:9

A nɩbɛ za na ƴɛ̀rɛ a tɩ ƴɛ̀rʋ a mɩ́ manɛ nɩ a lɛ nyɩ na de tɩ a sãanʋ, a lɛn daar tɩ na tɩ wa a nyɩ zie a, nɩ a lɛ nyɩ na tɩ zawrɩ a tɩbɛ bɛr ɛ́ tu a Naaŋmɩn kɛ́ nyɩ tone ʋ, ʋl na ɩ Naaŋmɩn-vʋʋra nɩ Naaŋmɩn-sɩza a.

1 Timote 1:3

Mɛ̃ a lɛ ɩ̃ na tɩ yel kʋ̀ b ɛ́ cere a Masedʋan a, kpɩɛr a Efɛɛzɩ tẽw be, tʋ̃ɔ́ mɩ́ yel kʋ̀ a bɛ mɩnɛ kãw, kɛ́ bɛ ta wule wul-yoru a nɩbɛ ɩ,

1 Timote 3:15

Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

1 Timote 5:21

Ɩ̃ zɛlɛ fʋ nɩ yãayãa a Naaŋmɩn nɩ a Kɩrɩta Yeezu niŋé, lãwnɩ a malkɩ mɩnɛ a Naaŋmɩn na kaa ír a niŋé, tuur a nɛ́ɛ á ŋá za, ɛ́ ta owre a tub pʋɔ, maalɛ bɛ mɩnɛ ɛ́ sãwnɛ bɛ mɩnɛ a fʋ ɩ-ɩrɩ pʋɔ ɩ.

1 Timote 6:13

Ɩ̃ zɛlɛ fʋ nɩ a Naaŋmɩn niŋé, ʋl na kʋ̀rɛ nyɔ-vʋʋrʋ a bome za a, nɩ a Kɩrɩta Yeezu niŋé, ʋl na dɩ a dãsɩ-vla a Pɔ̃sɩ-Pɩlatɩ niŋé, a naaŋmɩn-sàw-deb ʋ na hieri a pʋɔ a, ɩ̃ zɛlɛ fʋ na:

1 Timote 6:9

Ɛcɛ a bɛlɩ dem na bɔbr kɛ́ bɛ kpɛ naalʋ a, bɛ mɩ́ lo n a bɛ̀lʋ pʋɔ, ɛ́ kpɛ dãbol-yel-bɔbrɩ na bɛ vɩɛl a bɛrɩ pʋɔ, a yel-bɔbrɩ á ŋá na lore a nɩsaalbɛ ɛ́ ɩrɛ bɛ bɔrɛ a.

2 Timote 4:10

Bʋ̃ʋ n'ʋ vɛ̃, a Demasɩ zawrɩ mɛ̃ na bɛr ɛ́ tɔl cen Tesalonikɩ, ʋ na nɔ̃w a tẽw ŋa zu yele a ƴãw. Kɩrɛsãsɩ cen nɩ Galasi, Títɩ̀ cen Dalmasɩ.

Títɩ̀ 2:12

Ʋ wule tɩ na kɛ́ tɩ zawrɩ a ɩ-faar nɩ a tẽw ŋa zu yel-bɔbrɩ bɛr, tʋ̃ɔ́ bãw yã, ɛ́ ɩ nɩ-mɩn na tɛr Naaŋmɩn ƴãwfʋ a, vʋʋrɛ nɩ a dɩ̃a zie ŋa pʋɔ,

Títɩ̀ 3:6

Ʋ paalɩ tɩ nɩ yaga za nɩ a Vʋʋrʋ Sõw ŋa a tɩ Faarɛ Yeezu Kɩrɩta zũú,

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.