1 Timote 6:13 - A SƐB-SÕW

¹³ Ɩ̃ zɛlɛ fʋ nɩ a Naaŋmɩn niŋé, ʋl na kʋ̀rɛ nyɔ-vʋʋrʋ a bome za a, nɩ a Kɩrɩta Yeezu niŋé, ʋl na dɩ a dãsɩ-vla a Pɔ̃sɩ-Pɩlatɩ niŋé, a naaŋmɩn-sàw-deb ʋ na hieri a pʋɔ a, ɩ̃ zɛlɛ fʋ na:

1 Timote 6:13 ပူးပေါင်းရင်းမြစ်များ

Matie 27:11

A Yeezu tɩ àr'ɩ a Ʋrɔm tẽw na-kpɛ̃ɛ-lɩɛrɛ niŋé a ƴɛ̀rʋ-dɩb ƴãw, ʋ sowr'ʋ: «Fʋ̃ʋ n'ɩ a Zifʋ mɩnɛ nãà bɩɩ?» A Yeezu tɩ sɔw na: «Fʋ̃ʋ n'ʋ yere a lɛ!»

Matie 27:2

Al pùorí, bɛ tɩ nyɔw nɩ a Yeezu 'lẽ cen nɩ tɩ ƴãw a Ʋrɔm tẽw na-kpɛ̃ɛ-lɩɛrɛ Pɩlatɩ nuru pʋɔ.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 19:11

Ɛcɛ a Yeezu tɩ sɔw ʋ na: «Naaŋmɩn bɛ tɩ kʋ̀ b a fãw a, fʋ kʋ̃ʋ tɩ tɛr fãw kãw za a ɩ̃ zu ɛ. Alɛ so, a nɩr ʋl na mɩl mɛ̃ nyɔw ƴãw a fʋ nuru pʋɔ a tɛr'ɩ sãwna zuo fʋ.»

Zã 5:21

Bʋ̃ʋ n'ʋ vɛ̃, mɛ̃ a lɛ a Sãà na mɩ́ ɩ a kũuni bɛ lɛb ìr, ʋʋ ɩrɛ bɛ vʋʋrɛ a, lɛ n'a a Bie mɩ̀ mɩ́ ɩrɛ sob nɛ ʋ na bɔbr a ʋ vʋʋrɛ.

Zã 5:26

Mɛ̃ a lɛ a Sãà na tɛr a nyɔ-vʋʋrʋ a ʋ pʋɔ a, lɛ n'a ʋ mɩ̀ kʋ̀ a Bie ʋ mɩ̀ tɛr a nyɔ-vʋʋrʋ a ʋ pʋɔ.

Nɩ-toni 17:25

ɛ́ mɩ̀ bɛ tɛr nɩsaal nuru yel-ɩra a ʋ tome ƴãw, mɛ̃ ʋ tɛr'ɩ bom kãw yel-ɩra a ɩ, ʋl na kʋ̀rɛ a nɩbɛ za a nyɔ-vʋʋrʋ, a pɩɛlʋ nɩ a ŋmãa al za na cɛ a.

2 Korɛ̃tɩ 9:13

Nɩ-yaga na na nyɛ̃ a nyɩ ton ŋa vɩɛl sɛw à ŋá a, bɛ na íre nɩ a Naaŋmɩn yúor-vɩɛlʋ-danʋ, nyɩ na sàw a nʋɔr a ƴãw. A nyɩ nʋɔr-sàwfʋ ŋa wul'a kɛ́ nyɩ de nɩ a Kɩrɩta Yel-nʋ̃ɔ̀. Bɛ mɩ̀ na íre nɩ a Naaŋmɩn yúor-vɩɛlʋ-danʋ, nyɩ na sàw de a nyɩ bʋ̃-tɛrɩ tɩr bɛ põ kʋ̀ bɛ, lãwnɩ a ŋmaarɛ bɛl za na cɛ a.

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

1 Timote 1:12

Barka yaga za n'a ɩ̃ puore a sob ŋa na kʋ̀ m a fãw a, a tɩ Sore Kɩrɩta Yeezu: ʋ bɛr'ɩ tɩɛrʋ a ɩ̃ ƴãw, ɛ́ de m ɩ̃ tone a ʋ tome,

1 Timote 1:15

A ƴɛ̀rʋ na bɛ tɛr bʋnʋ towtow, ɛ́ sɛw kɛ́ nɩbɛ za sàw de daadaa a n'ɩ ŋa: a Kɩrɩta Yeezu wa n a tẽ-daa zu k'ʋʋ wa faa a yel-bebe dem, ɛ́ mãa n'ʋ kpɛ faa zuo bɛ za.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

1 Timote 5:21

Ɩ̃ zɛlɛ fʋ nɩ yãayãa a Naaŋmɩn nɩ a Kɩrɩta Yeezu niŋé, lãwnɩ a malkɩ mɩnɛ a Naaŋmɩn na kaa ír a niŋé, tuur a nɛ́ɛ á ŋá za, ɛ́ ta owre a tub pʋɔ, maalɛ bɛ mɩnɛ ɛ́ sãwnɛ bɛ mɩnɛ a fʋ ɩ-ɩrɩ pʋɔ ɩ.

1 Timote 6:12

Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 3:14

Sɛb yel a Lawdise tẽw Lãw-yir malkɩ: «À ŋá n'a a Amɛn, a dãsɩ-dɩrɛ mɩŋa na bɛ lɛbr pùor a yere, ʋl na ɩ a Naaŋmɩn bʋ̃-íri za yib zie a:

1 Samɩɛl 2:6

A Sore n'ʋ ɩrɛ a nɩsaalbɛ kpiir ɛ́ ʋlɛ n'ʋ ɩrɛ bɛ vʋʋrɛ, ʋlɛ n'ʋ ɩrɛ bɛ siwr a kpɩmɛ tẽw, ɛ́ ʋlɛ n'ʋ ɩrɛ bɛ lɛb yire a be dúor waar.