1 Timote 6:12 - A SƐB-SÕW

¹² Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.

1 Timote 6:12 ပူးပေါင်းရင်းမြစ်များ

Sɛb-sõw yielu 63:8

fʋ wa na wa sõw mɛ̃. Ɩ̃ ŋmɩɛr'ɩ nʋ̃ɔ̀ cɛlsɩ a fʋ pɩgɛ ɓaarʋ́.

Zʋkpaɩ 3:18

A yã-bãwfʋ ɩ n nyɔ-vʋʋrʋ tɩɛ a bɛlɩ dem na nyɔw ʋ a zie, ɛ́ zu-nʋ̃ɔ̀ dem n'ɩ a bɛlɩ dem na nyɔw ʋ tɛr a.

A Yielu za pʋɔ yiel-vla vla 3:4

Ɩ̃ tɩ zuo bɛ na bɛr wa baarɩ, ɛ́ nyɛ̃ a sob nɛ ɩ̃ na nɔnɛ a. Ɩ̃ nyɔw ʋ nɩ a nũu, ɛ́ kʋ̃ lɛb bɛr ʋ ɛ, ɛ́ gù ɩ̃ tɩ kpɛ n ʋ a yir, a di-gana ʋl pʋɔ a ɩ̃ mã na ŋmãa a ɩ̃ sɩɛ a.

Ɩzayi 44:5

Kãw na yel a: “A Sore so m”, kãw na bɔbr'a k'ʋʋ tɛr a Zakɔb yúor. Ŋa sob na sɛb'ɩ a ʋ nũu zu: “A Sore bʋ̃-sora nɛ m”, ɛ́ de a Ɩsɩrayɛl yúor.»

Zakari 10:5

Bɛ na ɩ na mɛ̃ gãdaar a, nɛbr a bɛl na zɛbr'ɩ bɛ a nɩ gbɛ́ɛ, mɛ̃ sɔ́r zu tanɛ a. Bɛ na zɛbr'ɩ à à ŋá, a mãa, Sore na lãw nɩ bɛ a ƴãw. A dɔ̃ dem na zɔm wie a, na nyɛ̃ nɩ vĩ.

2 Korɛ̃tɩ 6:7

A yel-mɩŋa tɩ na kanɛ kʋ̀rɛ a nɩbɛ a pʋɔ n'a, nɩ a Naaŋmɩn fãw zũú n'a tɩ bɔbr kɛ́ tɩ wul kɛ́ tɩ ɩ n Naaŋmɩn tõ-tõ-biir. A mɩnʋ ɩ-ɩrɩ a Naaŋmɩn niŋé n'ɩ a zɛbr bome tɩ na tɛr zɛbr'ɩ, ɛ́ gùre nɩ tɩ tʋɔra a.

2 Korɛ̃tɩ 9:13

Nɩ-yaga na na nyɛ̃ a nyɩ ton ŋa vɩɛl sɛw à ŋá a, bɛ na íre nɩ a Naaŋmɩn yúor-vɩɛlʋ-danʋ, nyɩ na sàw a nʋɔr a ƴãw. A nyɩ nʋɔr-sàwfʋ ŋa wul'a kɛ́ nyɩ de nɩ a Kɩrɩta Yel-nʋ̃ɔ̀. Bɛ mɩ̀ na íre nɩ a Naaŋmɩn yúor-vɩɛlʋ-danʋ, nyɩ na sàw de a nyɩ bʋ̃-tɛrɩ tɩr bɛ põ kʋ̀ bɛ, lãwnɩ a ŋmaarɛ bɛl za na cɛ a.

Wulu-ayi-sob 26:3

Ʋ na cen na tɩ páw a bàwr-maalɛ na so a tome a ʋlɩ bibir nɛ a, ɛ́ yel ʋ à ŋá: «Ɩ̃ yere nɩ a dɩ̃a, a Sore fʋ Naaŋmɩn niŋé, k'ɩ̃ɩ ta n a tẽw ʋl a Sore na yel a tɩ sãàkʋm-kore zie k'ʋʋ na kʋ̀ tɩ na a.»

Filib 1:30

zɛbr'ɩ a zɛb-been nɛ nyɩ na nyɛ̃ ɩ̃ zɛb, ɛ́ nyɩ bãwnɩ ɩ̃ cãà zɛbr a.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.

1 Tesalonikɩ 2:12

Tɩ kpaalɩ nyɩ na, tɩ yel'a kɛ́ nyɩ ƴãw fãw, tɩ zɛlɩ nyɩ nɩ yãayãa k'aa nyɩ cenu sɛw taa nɩ a Naaŋmɩn na bʋɔlɛ nyɩ kɛ́ nyɩ wa pʋɔ a ʋ naalʋ pʋɔ nɩ a ʋ yúor-vɩɛlʋ-danʋ pʋɔ a.

2 Tesalonikɩ 2:14

A yel ŋa ƴãw n'a ʋ bʋɔlɩ nyɩ, a tɩ Yel-nʋ̃ɔ̀ tɩ na manɩ kʋ̀ nyɩ a zũú. Ʋ bʋɔlɩ nyɩ na kɛ́ nyɩ wa tɛr a tɩ Sore Yeezu Kɩrɩta yúor-vɩɛlʋ-danʋ.

1 Timote 1:18

Ɩ̃ bie Timote e, a wulu n'ɩ à ŋà ɩ̃ na kʋ̀rɛ fʋ tu n a naaŋmɩn-ƴɛ̀r-manbɛ ƴɛ̀r-bie bɛ na tɩ dãw ƴɛ̀r a fʋ ƴãw a. A ƴɛ̀r-bie á ŋá a, a ɩ fʋ kpɛmɛ tʋ̃ɔ́ zɛb a zɛb-vla

1 Timote 1:19

nɩ naaŋmɩn-sàw-deb nɩ tɩɛr-vla. Bɛ mɩnɛ zawr'ɩ a bɛ tɩɛr-vla ŋa tub, a bɛ naaŋmɩn-sàw-deb tu kʋ̃ɔ.

1 Timote 4:14

Maal tɛr a Vʋʋrʋ Sõw maalʋ fʋ na páw a, naaŋmɩn-ƴɛ̀r-manbɛ ƴɛ̀r-bie n'a ɩ fʋ páw ʋ, nɩ a nɩ-kore lãw nɩbɛ na tɩ ír nuru dɔwlɩ a fʋ zu a.

1 Timote 6:13

Ɩ̃ zɛlɛ fʋ nɩ a Naaŋmɩn niŋé, ʋl na kʋ̀rɛ nyɔ-vʋʋrʋ a bome za a, nɩ a Kɩrɩta Yeezu niŋé, ʋl na dɩ a dãsɩ-vla a Pɔ̃sɩ-Pɩlatɩ niŋé, a naaŋmɩn-sàw-deb ʋ na hieri a pʋɔ a, ɩ̃ zɛlɛ fʋ na:

1 Timote 6:19

Lɛ n'a bɛ na páw na-bʋ̃-vɩɛlɩ na kʋ̃ sãw a gbõ taa, a bɛl mɩŋa ƴãw a nɩdaar ƴãw, kɛ́ bɛ wa tʋ̃ɔ́ páw a nyɔ-vʋʋrʋ tɔr za.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

2 Timote 2:2

A bom nɛ fʋ na wõ a ɩ̃ zie, dãsɩɛ dem yaga niŋé a, man ʋ kʋ̀ nɩbɛ bɛl ƴãw fʋ na bɛr tɩɛrʋ, ɛ́ bɛ mɩ̀ na tʋ̃ɔ́ wul ʋ nɩ-yoru a.

2 Timote 4:7

Ɩ̃ zɛb'ɩ a zɛb-vla, ɩ̃ zɔ na ta a dãw-taa zɔ-tab zie, ɩ̃ maal'a tɛr a naaŋmɩn-sàw-deb.

Ebre 13:23

Nyɩ bãwnɩ a kɛ́ bɛ lɛb'a bɛr a tɩ yɛb Timote. Ʋlɛ wa wa fɔ̃w a, ɩ̃ na wa na wa nyɛ̃ nyɩ, mãa nɩ a ʋl za.

Ebre 3:14

Bʋ̃ʋ n'ʋ vɛ̃, tɩ lɩɛb'ɩ a Kɩrɩta taabɛ, tɩmɛ wa tɛr a tɩ tɩɛrʋ kpɛ̃w za tɩ ta n a baarʋ daar a.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

1 Pɩɛr 3:9

Nyɩ ta mɩ́ yáa a yel-faa san ɛ, bɩɩ yáa a zʋm san ɛ. Nyɩ nɩ̃ɛ mɩ́ ƴɛ̀r nɔ-vla, bʋ̃ʋ n'ʋ vɛ̃, maalʋ n'ʋ a Naaŋmɩn yel k'ʋʋ na kʋ̀ nyɩ na, a lɛn daar ʋ na bʋɔlɩ nyɩ a.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Zã 2:25

Ɛ́ a ʋlɩ bom nɛ a Kɩrɩta na yel k'ʋʋ na kʋ̀ tɩ na a n'ɩ a nyɔ-vʋʋrʋ na be kʋralɛ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.

Yel-wula 3:3

A na ɩ lɛ a, lɛb tɩɛrɩ a lɛ fʋ na de a wulu ɛ́ wõ ʋ a. Tuur a wulu ŋa ɛ́ lɩɛbɩ a fʋ ɩb. Fʋ̃ʋ bɛ wa cɛlɛ be a, ɩ̃ na wa na wa ur fʋ mɛ̃ nyãnyuge a, ɛ́ fʋ kʋ̃ bãw a tɛm ɛ.

Ƴɛ̀r-dɩrbɛ 3:2

Ʋ tɩ bɔbr'a k'aa Ɩsɩrayɛl bibiir na dɔwr lɩɛrɛ taa a, a bɛl na bɛ tɩ bãw a zɛbr sɛr a, zanɩ a zɛbr.