1 Timote 6:11 - A SƐB-SÕW

¹¹ Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

1 Timote 6:11 ပူးပေါင်းရင်းမြစ်များ

1 Na-mɩnɛ 13:1

Zɩ̃ k'aa Sore na yel a zũú a, Naaŋmɩn nɩr kãw tɩ yi n a Zuda tẽw wa ta a Betɛl, a lɛn daar a Zerobowam na tɩ nyɩwr bàwr-maal-bom, a bàwr-maal-kuur zu a.

1 Na-mɩnɛ 13:26

Ʋlɛ n'ʋ tɩ ɩ a Naaŋmɩn nɩr ʋ lɛb wa a Betɛl. Ʋ na wa wõ a yel ŋa a, ʋ yel'a: «A Naaŋmɩn nɩr na zawrɩ a Sore nʋɔr a n'ʋ. A Sore bɛr ʋ na kʋ̀ a gbẽw, ʋ nyɔw ʋ kʋ, mɛ̃ a lɛ a Sore na tɩ yel a.»

1 Na-mɩnɛ 17:18

A ʋ mã tɩ yel'ɩ a Eli à ŋá: «Mãa nɩ fʋ̃ʋ mɩ̀ bʋnʋ, Naaŋmɩn nɩr i? Fʋ wa n a ɩ̃ zie, kɛ́ fʋ wa lɛb sɩ̃w a ɩ̃ sãwna tɩɛrʋ a Naaŋmɩn zie, ɛ́ ɩ a ɩ̃ bidɛb ʋ kpi bɩɩ?»

1 Na-mɩnɛ 17:24

A pɔw tɩ yel ʋ na: «Ƴɛrɛŋa a, ɩ̃ bãw na kɛ́ fʋ ɩ n Naaŋmɩn nɩr. A Sore ƴɛ̀rʋ sɩrɩ na be a fʋ nʋɔrɩ́.»

1 Na-mɩnɛ 20:28

A Naaŋmɩn nɩr tɩ lɛb'a wa páw a Ɩsɩrayɛl nãà, yel ʋ: «À ŋá n'a a Sore yere: “A Siiri tẽw dem na faa yel k'aa mãa, a Sore, ɩ̃ ɩ n tan pʋɔ Naaŋmɩn, k'ɩ̃ɩ bɛ ɩ zi-tɩ̃talɛ pʋɔ Naaŋmɩn a, ɩ̃ na ƴãw nɩ a bɛ zɛbr-nɩ-yaga yaga bɛ ŋa a fʋ nuru pʋɔ. À ŋá n'a nyɩ na bãw kɛ́ mãa n'ɩ a Sore.”»

2 Na-mɩnɛ 1:13

A nãà tɩ lɛb'a tõ sojarɩ lɩz'a ayi nɩ pie nɩ-kpɛ̃ɛ nɩ a ʋ nɩbɛ lɩz'a ayi nɩ pie, a gb'a ata sob. Bɛ tɩ do n a tãw zu. Ɛcɛ a sojarɩ nɩ-kpɛ̃ɛ na tɩ tarɛ a, ʋ gbĩ n dume a Eli niŋé, ɛ́ zɛlɩ ʋ yãayãa à ŋá: «Naaŋmɩn nɩr i mãa nɩ a ɩ̃ nɩbɛ lɩz'a ayi nɩ pie bɛ ŋa nyɔ-vʋʋrʋ, a ɩ bʋ̃-sɩza a fʋ zie!

2 Na-mɩnɛ 1:9

A nãà tɩ tõ n sojarɩ lɩz'a ayi nɩ pie nɩ-kpɛ̃ɛ, nɩ a ʋ nɩbɛ lɩz'a ayi nɩ pie, kɛ́ bɛ tɩ nyɔw a Eli. Bɛ tɩ do n a tãw zu-sɔw a Eli na zɩ̃ a. A sojarɩ nɩ-kpɛ̃ɛ tɩ yel ʋ na: «Naaŋmɩn nɩr i, siw! A nãà nʋɔr'ʋ!»

2 Na-mɩnɛ 23:17

ɛ́ sowri: «Kʋsɛ-bʋ̃ʋ n'ɩ à ŋá ɩ̃ na wɩɛr tɩ nyɛ̃ a?» A tẽw dem tɩ sɔw ʋ na: «A Naaŋmɩn nɩr na yi a Zuda tẽw wa a yaa n'ʋ, a ʋl na tɩ yel a yele á ŋá za fʋ na ɩ a ƴɛrɛŋa, a bàwr-maal-kuur ŋa ƴãw a.»

2 Na-mɩnɛ 5:20

ɛ́ a Naaŋmɩn nɩr Elize tõ-tõ-bie, Gehazi, tɩɛr ʋ pʋɔ: «A ɩ̃ nɩ-kpɛ̃ɛ bɛr'ɩ a Naaman, a Siiri tẽw dem nɩr ŋa, ʋ zawr'ɩ a bome ʋ na wa n a. A Sore na vʋʋrɛ a zũú, mãa na diw na bɩɛrɩ ʋ, tɩ páw bʋ̃-kãw a ʋ zie!»

1 Bibie za yel-manɩ 23:14

A Moyiir ʋl a, Naaŋmɩn nɩr tɩ n'ʋ. Bɛ tɩ sɔr'ɩ a ʋ bidɛbr ƴãw a Levi dɔwlʋ nɩbɛ pʋɔ.

2 Bibie za yel-manɩ 8:14

Mɛ̃ a lɛ a ʋ sãà Daviir na tɩ yel a, a Salomɔ̃ tɩ zɩɩl'ɩ a bàwr-maalbɛ palɛ palɛ a bɛ tome pʋɔ, nɩ a levitɩ mɩnɛ na so a Sore danʋ yielu, bɩɩ be a bàwr-maalbɛ sõwfʋ ƴãw a. Ʋ mɩ̀ tɩ báa na zɩɩlɩ a dɩ̃dɔ-gùrbɛ na gùre a Ŋmɩn-yir-kpɛ̃ɛ dɩ̃dɛɛ a. À ŋá n'a a Naaŋmɩn nɩr Daviir tɩ yel k'aa ɩ.

Neemi 12:24

A levitɩ mɩnɛ nɩ-bɛrɛ tɩ n'ɩ bɛ ŋa: Hasavɩa, Serevɩa nɩ Kadɩmɩɛl bidɛb Yesua. Bɛlɛ nɩ a bɛ levitɩ taabɛ mɩ́ tɩ àr'a tori taa, a bɛ tome deb daar na mɩ́ wa ta a, kɛ́ bɛ cáarɛ danɛ nɩ a Naaŋmɩn. À ŋá n'a bɛ tɩ tuur a lɛ a Naaŋmɩn nɩr Daviir na ƴãw a.

Neemi 12:36

de nɩ a bɛ taabɛ Semaya, Azarɛl, Milalaɩ, Gilalaɩ, Maɩ, Netanɛl, Yehuda nɩ Hanani na tɩ tuur a. Bɛ tɩ tɛr'ɩ bʋ̃-ŋmɩɛrɩ a Naaŋmɩn nɩr Daviir na tɩ ƴãw bɛ maalɩ a. A Naaŋmɩn wulu bãw-bãw-kara Ɛsɩdɩrasɩ n'ʋ tɩ de a nɩbɛ bɛ ŋa niwn.

Sɛb-sõw yielu 34:14

Ʋ gùre ʋ tʋɔra a ƴɛ̀r-faar ƴãw, nɩ a ziri ƴãw.

Sɛb-sõw yielu 38:20

A ɩ̃ dɔ̃ dem vʋʋrɛ nɩ vla ɛ́ kpɛmɛ, bɛ yãwmɛ na na hɩ̃ɛn mɛ̃ zawla a.

Zʋkpaɩ 15:9

A Sore bɛ nɔnɛ a nɩ-faar ɩb towtow ɛ, ɛcɛ ʋ nɔnɛ nɩ a sob nɛ na tuur a mɩnʋ a.

Ɩzayi 51:1

A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

Zeremi 35:4

Ʋ tɩ tɛr bɛ na cen nɩ a Ŋmɩn-yir-kpɛ̃ɛ́, a Naaŋmɩn nɩr Yigidalɩahu bidɛb, Hanan, po-tuurbɛ dĩó. A dĩo ŋa tɩ ɓɛrɩ nɩ a nɩ-bɛrɛ dĩo, ɛ́ be a Salum bidɛb, Maaseyahu, a bàwr-maalɛ ʋl na piwre a Ŋmɩn-yir-kpɛ̃ɛ dɩ̃dɔr a, dĩo saa-zu.

Ʋrɔm 14:19

A na ɩ à ŋá a, nyɩ ɩ tɩ bɔbr a yele al na waar'ɩ a ƴã-ɓaarʋ a, nɩ a al na mɩ́ ɩ tɩ lãw kɛrɛ a sàw-deb pʋɔ a.

1 Korɛ̃tɩ 10:14

Alɛ so, ɩ̃ nɩ-nɔnɩ i, nyɩ zɔrɛ dɛrɛ a tɩbɛ maalʋ.

1 Korɛ̃tɩ 14:1

Nyɩ bɔbr a nɔ̃wfʋ. Nyɩ mɩ̀ bɔbr a maalʋ a Vʋʋrʋ Sõw na tɩrɛ a, baa zuo a za a naaŋmɩn-ƴɛ̀r-manɛ tome maalʋ.

1 Korɛ̃tɩ 6:18

Nyɩ zɔrɛ dɛrɛ a pɩ̃ɔ-yele. Yel-bier kãw za nɩsaal na mɩ́ maalɩ a bɛ ɓanɛ a ʋ ƴã-gan ɛ, ɛcɛ a pɩ̃ɔ-yel-bier-maalɛ a, a ʋ ƴã-gan tɔr za n'ʋ ʋ mɩ́ maalɩ a yel-bier kʋ̀.

Wulu-ayi-sob 16:20

Nyɩ ƴãw fãw bɔbr a yel-mɩnʋ, a yel-mɩnʋ tɛwr. Lɛ n'a nyɩ na tʋ̃ɔ́ vʋʋrɛ, ɛ́ so a tẽw a Sore nyɩ Naaŋmɩn na kʋ̀rɛ nyɩ a.

Wulu-ayi-sob 33:1

A nɔ-vla a Naaŋmɩn nɩr Moyiir na ƴɛ̀r ƴãw a Ɩsɩrayɛl nɩbɛ ɛ́ bãw kpi a n'ɩ ŋa:

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.

1 Timote 5:10

A fɛr'a kɛ́ bɛ bãw ʋ a ʋ ɩ-vɩɛlɩ zũú: ʋ na guoli bibiir a, ʋ na kaa sãanbɛ zie a, ʋ na pɛ́w a kɩrɩta-nɩbɛ gbɛ́ɛ a, ʋ na mɔwlɩ a bɛlɩ dem na be kpɩɛrʋ pʋɔ a, ʋ na ƴãw fãw tu ɩ-vɩɛlɩ za pùor a.

1 Timote 6:20

Fʋ̃ʋ Timote e, maal tɛr a bom bɛ na kʋ̀ b a, gùr pùor cɔw a ƴɛ̀r-zawlɛ na bɛ tu naaŋmɩn-sàw-deb a, mɩ̀ gùr pùor cɔw a nɔkpɛn, a bɛlɩ dem na yel kɛ́ bɛ bãw na a na mɩ́ ŋmɩɛr a.

2 Timote 2:21

Sob nɛ na so a faalʋ á ŋá dɛwr bɛr a na ɩ na mɛ̃ a bibi-bɛrɛ pɔw-bome a, ʋ vɩɛlɩ ʋ za, a Sore tɛrɩ ʋ yel-ɩra, ɛ́ ʋ cɔbrɩ gù yel-vla za maalʋ.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

2 Timote 3:10

Ɛcɛ a fʋ̃ʋ a, fʋ tu mɛ̃ nɩ vla a ɩ̃ wulu pʋɔ, nɩ a ɩ̃ cenu pʋɔ, a lɛ ɩ̃ na mɩ́ tɩɛr k'ɩ̃ɩ ɩ a, nɩ a ɩ̃ naaŋmɩn-sàw-deb pʋɔ, a ɩ̃ tʋɔra-nyɔwfʋ pʋɔ nɩ a nɔ̃wfʋ pʋɔ, a kanyir pʋɔ,

2 Timote 3:17

k'aa Naaŋmɩn nɩr mɩ́ cɔbrɩ ʋ za yel-vla za maalʋ ƴãw.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

1 Pɩɛr 3:11

k'ʋʋ gùr pùor cɔw a yel-faa ɛ́ ɩrɛ a vla, k'ʋʋ mɩ́ bɔbr a ƴã-ɓaarʋ ɛ́ tuur a ʋ pùor.»

1 Samɩɛl 2:27

Naaŋmɩn nɩr kãw tɩ wa na wa páw a Eli yel ʋ à ŋá: «À ŋá n'a a Sore yere: Ɩ̃ wul'ɩ ɩ̃ tʋɔra a fʋ sãàkʋm-kore, a lɛn daar bɛ na tɩ be a Faarawɔ̃ nuru pʋɔ a Eziptɩ a:

1 Samɩɛl 9:6

A tõ-tõ-bie tɩ yel ʋ na: «Naaŋmɩn nɩr kãw be n a tẽw ŋa na be a tɩ nidaa a pʋɔ, a ʋ yúor yi n yaga: ʋlɛ wa yel kɛ́ bom na ɩ na a, a bom ʋl mɩ́ ɩ na. Lɛ so, ɩ tɩ cen tɩ nyɛ̃ ʋ, a mɩnɛ kãw, ʋ na wul tɩ nɩ zie nɛ tɩ na na cãà tu bɔbr a tɩ bome a.»