1 Timote 6:1 - A SƐB-SÕW

¹ A bɛlɩ dem za na ɩ gbãgbaar a, a fɛr'a kɛ́ bɛ bãwnɩ a a bɛ nɩ-bɛrɛ na sɛwnɩ ƴãwfʋ yaga za a, a Naaŋmɩn yúor nɩ a wulu ta nyɛ̃ zʋmɛ ɩ.

1 Timote 6:1 ပူးပေါင်းရင်းမြစ်များ

Yele-za-pɛr-tib 16:9

A Sore malkɩ yel ʋ: «Lɛb cen a fʋ pɔw-nɩ-kpɛ̃ɛ zie, ɛ́ tɩ sàwr a ʋ nʋɔr.»

Yele-za-pɛr-tib 24:12

Ʋ tɩ puor'ɩ à ŋá: «Sore e, ɩ̃ nɩ-kpɛ̃ɛ Abraham Naaŋmɩn i, ɩ a yele tu vla a ɩ̃ zie a dɩ̃a, ɛ́ fʋ wul a fʋ nɔ̃wfʋ a ɩ̃ nɩ-kpɛ̃ɛ Abraham.

Yele-za-pɛr-tib 24:2

Bibir kãw, a Abraham tɩ yel'ɩ a ʋ tõ-tõ-bi-kʋra kʋra na kaarɛ a ʋ bʋ̃-tɛrɩ za zie a: «Tõ a fʋ nũu a ɩ̃ gbɛkpɛ̃ɛ pile,

Yele-za-pɛr-tib 24:27

ɛ́ yel: «A Sore, a ɩ̃ nɩ-kpɛ̃ɛ Abraham Naaŋmɩn, tɛr'ɩ puoru, ʋl na sɩrɩ wul a ʋ nɔ̃wfʋ a ɩ̃ nɩ-kpɛ̃ɛ a: ʋ tɛr mɛ̃ nɩ daadaa wa n a ɩ̃ nɩ-kpɛ̃ɛ yir dem zie.»

2 Samɩɛl 12:14

Ɛcɛ, fʋ na sãw a Sore yaga yaga za a yel ŋa pʋɔ a, a bie fʋ na dɔw a, ʋl na kpi na.»

2 Na-mɩnɛ 5:13

Ɛcɛ a ʋ tõ-tõ-biir tɩ taw na ta yel ʋ: «Nɩ-kpɛ̃ɛ ɛ, a naaŋmɩn-ƴɛ̀r-manɛ tɩ yel kɛ́ fʋ ɩ bom na kpɛmɛ a, fʋ kʋ̃ʋ ɩ bɩɩ? Nɩ ʋ na yel fʋ: “Cen tɩ so kʋ̃ɔ, ɛ́ fʋ na lɛb'a vɩɛl a.”»

Neemi 9:5

Al pùorí, a levitɩ bɛ ŋa: Yesua, Kadɩmɩɛl, Bani, Hasavɩneya, Serevɩa, Hodiya, Sevanɩa nɩ Petaya tɩ yel'ɩ kpɛ̃w kpɛ̃w za: «Nyɩ ìr àr! Nyɩ puore a Sore nyɩ Naaŋmɩn yãanɩ kʋralɛ, ɛ́ taa bɛrɛ ɩ!» «Sore e, ŋa za, ʋ mɩ́ puore fʋ yãanɩ, fʋ na ɩ yúor-vɩɛlʋ-danʋ tɛwr'a ƴãw, fʋ ɩ n kpɛ̃ɛ zuo yãanɩ puoru za nɩ danʋ za!

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Ɩzayi 52:5

Ƴɛrɛŋa a, bʋ̃ʋ n'ʋ ɩ̃ nyɛrɛ a pʋɔ? A Sore n'ʋ yere. Bɛ tɛr'ɩ a ɩ̃ nɩbɛ cen nɩ zawla, bɛ ɩ zɛbr nɩ-nyɔwrɩ. A bɛlɩ dem na tʋ̃ɔ́ bɛ a ŋmɩɛr'ɩ zɛb-tʋ̃ɔ́fʋ cɛlsɩ, ɛ́ tʋʋr a ɩ̃ yúor kʋralɛ.

Ɩzayi 58:6

A mʋta-tuo ɩ̃ na nɔnɛ a n'ɩ ŋa: bɛ mɩ́ ír a bamɛ bɛr bɛ na ƴãw a nɩbɛ ɛ́ a bɛ tu sɔ́r a, bɛ mɩ́ ír a fɛrʋ na be a nɩbɛ zu a bɛr, bɛ mɩ́ ɩ a nɩbɛ bɛ na dɔwrɛ a bɛ lɛb so bɛ tʋɔra, bɛ mɩ́ ír bom za na ɩ bɛ ɩ gbãgbaar a bɛr.

Ezekɩɛl 36:20

A ten al za pʋɔ bɛ na cen a, a nɩbɛ ɩ n a ɩ̃ yo-sõw la a bɛl ƴãw. Bʋ̃ʋ n'ʋ vɛ̃, bɛ tɩ yere na: “A Sore nɩ-bʋʋrɛ tɩ nɛbɛ, a ʋ tẽw n'ʋ bɛ yi kɛ́ bɛr.”

Ezekɩɛl 36:23

A nyɩɩm ƴãw a, a nɩ-bʋʋr-yoru ɩ n a ɩ̃ yúor la. A na ɩ lɛ a, ɩ̃ na wul bɛ na k'ɩ̃ɩ sɩrɩ na ɩ Naaŋmɩn. Lɛ n'a a nɩ-bʋʋr-yoru na bãw kɛ́ mãa n'ɩ a Sore, a lɛn daar ɩ̃ nãà wa wul a ɩ̃ sonu a nyɩ pʋɔ, a bɛ mimirí a. A mãa Sore Naaŋmɩn n'ʋ yere.

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Matie 11:30

Sɩza, a ɩ̃ nɩ-kpɛ̃ɛnʋ dɩb a nyɩ zu sɩrɩ bɛ 'wɔbr ɛ, ɛ́ a ɩ̃ tuor ɩ zelfel.

Matie 11:9

A na ɩ lɛ a, bʋ̃ʋ n'ʋ nyɩ cen tɩ nyɛ̃? Naaŋmɩn-ƴɛ̀r-manɛ n'ʋ bɩɩ? Ʋ̃ʋ, mãa n'ʋ yere kʋ̀rɛ nyɩ, ʋ zuo nɩ naaŋmɩn-ƴɛ̀r-manɛ.

Luka 17:1

A Yeezu tɩ yel'ɩ a ʋ po-tuurbɛ: «A bɛ tɛr ɩb ɛ, yele na be n be tawr a nɩbɛ ƴãwn a yel-bier pʋɔ. Ɛcɛ baw-bio sob'ɩ a sob nɛ na mɩ́ wa n a yele á ŋá a.

Nɩ-toni 10:22

Bɛ tɩ sɔw na yel: «A sojarɩ kʋba nɩ-kpɛ̃ɛ ʋl na dɩ Kɔrnɛɩ a, ʋlɛ n'ʋ tõ tɩ. Ʋ ɩ n nɩ-mɩŋa, ʋ zɔrɛ nɩ Naaŋmɩn, ɛ́ a Zifʋ mɩnɛ za mʋʋrɛ ʋ. Malkɩ sõw wa na wa yel k'ʋʋ tõ bʋɔlɩ fʋ a ʋ yir, fʋ wa manɩ yele ʋ bɛr wõ.»

Nɩ-toni 10:7

A malkɩ na tɩ ƴɛ̀rɛ a ʋ zie a, na wa cen baar'a, daadaalɛ a, a Kɔrnɛɩ bʋɔl'ɩ a ʋ yir nɩbɛ ayi de nɩ soja kãw na nɔnɛ puoru ɛ́ be a ʋ zie koro za a,

Nɩ-toni 15:10

A na ɩ à ŋá a, bʋnʋ ƴãw n'a nyɩ yel kɛ́ nyɩ ɩ a Naaŋmɩn kaa? Nyɩ na de tuor, tɩɩm nɩ a tɩ sãàkʋm-kore na bɛ tʋ̃ɔ́ tuo a, bɔbr kɛ́ nyɩ tuo a po-tuurbɛ a?

Ʋrɔm 2:24

Bʋ̃ʋ n'ʋ vɛ̃, a Sɛb-sõw yel'a: «Nyɩmɛ nɛbɛ so a nɩ-bʋʋr-yoru ɩrɛ a Naaŋmɩn laar.»

1 Korɛ̃tɩ 10:32

Nyɩ ta ɩrɛ bom na na ɩ nɩr faa lo a ɩ, a Zifʋ mɩnɛ zie bɩɩ a bɛl na bɛ ɩ Zifʋ mɩnɛ a zie bɩɩ a Naaŋmɩn Lãw-yir zie ɩ.

Galasi 5:1

A Kɩrɩta ír tɩ na bɛr a gbãgbaalʋ pʋɔ, kɛ́ tɩ sɩrɩ so tɩ tʋɔra. A na ɩ à ŋá a, nyɩ ƴãw fãw ta lɛb de a gbãgba-mie ɩ.

Wulu-ayi-sob 28:48

nyɩ na lɩɛb'ɩ a dɔ̃ dem a Sore na na ɩ bɛ wa a nyɩ ƴãw a gbãgbaar, nyɩ na ɩ n kɔ̃ nɩ kʋ̃ɔ-nyúur dem, nyɩ kʋ̃ tɛr bʋ̃-suuri ɛ, nyɩ kʋ̃ tɛr bom za ɩ. Kure dàa n'ʋ a Sore na dĩ nɩ a nyɩ nyuru, ɛ́ gù ʋ tɩ kʋ nyɩ pàw pɛr.

1 Timote 5:14

A na ɩ à ŋá a, ɩ̃ bɔbr'a kɛ́ a pɔw-kɔ-pɔ́lɛ́ mɩ́ lɛb kul sɩrbɛ dɔw bibiir, kɛ́ bɛ kaarɛ a bɛ yir zie, a tɩ dɔ̃ dem ta tʋ̃ɔ́ nyɛ̃ yel-faa kãw za yel ɛ.

Títɩ̀ 2:5

bɛ bãw yã, ɛ́ ta tɛr pɩ̃ɔ ɩ-ɩrɩ ɛ, bɛ ɩ nɩ-vɩɛlɩ ɛ́ ƴãw fãw kaarɛ a bɛ yir zie, sàwr a bɛ sɩrbɛ nʋɔr, kɛ̀ nɩr za ta tʋ a Naaŋmɩn ƴɛ̀rʋ zʋm ɛ.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

1 Pɩɛr 3:16

Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.