1 Timote 5:15 - A SƐB-SÕW

¹⁵ Bʋ̃ʋ n'ʋ vɛ̃, bɛ mɩnɛ be n be tu a Sɩtaana bɔr baarɩ.

1 Timote 5:15 ပူးပေါင်းရင်းမြစ်များ

Matie 4:10

Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ.”»

1 Timote 1:20

Imene nɩ Alɛsãdɩr pʋɔ nɩ a nɩbɛ bɛ ŋa pʋɔ. Ɩ̃ de bɛ na ƴãw Sɩtaana nuru pʋɔ kɛ́ bɛ zànɩ yã, taa lɛb tʋʋr Naaŋmɩn zʋm ɛ.

2 Timote 1:15

Fʋ bãwnɩ a na, a Azi tẽw dem za zawrɩ mɛ̃ na bɛr, Fɩzɛl nɩ Ɛrmozɛn mɩ̀ pʋɔ nɩ a bɛ pʋɔ.

2 Timote 2:18

Bɛ bɔr'a zãá nɩ a yel-mɩŋa, bɛ na yere kɛ́ tɩ lɛb'a yi a kũu pʋɔ baarɩ a, à ŋá n'a bɛ ɩrɛ sãwnɛ nɩ-yaga naaŋmɩn-sàw-deb.

2 Timote 4:10

Bʋ̃ʋ n'ʋ vɛ̃, a Demasɩ zawrɩ mɛ̃ na bɛr ɛ́ tɔl cen Tesalonikɩ, ʋ na nɔ̃w a tẽw ŋa zu yele a ƴãw. Kɩrɛsãsɩ cen nɩ Galasi, Títɩ̀ cen Dalmasɩ.

2 Pɩɛr 2:2

Ɛcɛ nɩ-yaga na tu bɛ nɩ a bɛ faalʋ á ŋá pʋɔ. A bɛl ƴãw, a yel-mɩŋa sɔ́r na lɩɛb'ɩ zʋmɛ bom.

2 Pɩɛr 3:16

Lɛ n'a ʋ mɩ̀ cãà lɛb yere a sɛbr al za pʋɔ ʋ na ƴɛ̀r a yel ŋa ƴɛ̀rʋ a. Ƴɛ̀r-bie be n a sɛbr á ŋá pʋɔ a pɛr bãwfʋ kpɛmɛ. Nɩbɛ na bɛ bãw bom za ɛ́ a tɩɛrʋ bɛ mɩ́ yaa kɛ́ lɩɛbɩ a mɩ́ nyɔw nɩ a ƴɛ̀r-bie á ŋá pɛ́ɛ lɩɛbɩ, ɛ́ lɛ n'a bɛ mɩ̀ ɩrɛ a Sɛb-sõw sɛbr ŋmãa al na cɛ a ƴãw. Bɛl mɩŋa loba ƴãw n'a bɛ mɩ́ ɩrɛ a lɛ.

1 Zã 2:19

A nɩbɛ bɛ ŋa yi n a tɩ zie, ɛcɛ bɛ bɛ tɩ ɩ a tɩ nɩbɛ ɩ. Bɛlɛ tɩ sɩrɩ ɩ a tɩ nɩbɛ a, bɛ nãá tɩ cãà na be a tɩ zie. Ɛcɛ bɛ yi na zaa a tɩ pʋɔ, k'aa ɩ cãà kɛ́ bɛ been kãw za bɛ tɩ ɩ a tɩ nɩr ɛ.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.