1 Timote 4:8 - A SƐB-SÕW

⁸ A ƴã-gan bɛ na mɩ́ damnɛ k'ʋʋ kpɛmɛ a, a mɩ́ tɛr'ɩ yel-ɩra yel-pʋrɩ ƴãw. Ɛcɛ a Naaŋmɩn fʋ na zɔrɛ a tɛr yel-ɩra a yele za ƴãw. A nyɔ-vʋʋrʋ a Naaŋmɩn na ƴãw a nʋɔr k'ʋʋ na tɩr a a, a ƴɛrɛŋa nyɔ-vʋʋrʋ nɩ a nɩdaar nyɔ-vʋʋrʋ, Naaŋmɩn fʋ na ƴãwnɛ a pʋɔ n'a a be.

1 Timote 4:8 ပူးပေါင်းရင်းမြစ်များ

A Zɔb sɛbɛ 22:2

Naaŋmɩn na tʋ̃ɔ́ na tɛr nɩsaal yel-ɩra bɩɩ? — Nɩsaal na ɩ yã-bãwnɛ a n'ʋ mɩ́ tɛr ʋ mɩŋa yel-ɩra.

A Zɔb sɛbɛ 36:11

Bɛlɛ wa bɛrɛ wone ɛ́ sàw a Naaŋmɩn so bɛ a, a bibie nɩ a yome na cɛ bɛ a, bɛ na baarɩ a nɩ nʋ̃ɔ̀-kpɛ̃ɛ pʋɔ.

Sɛb-sõw yielu 145:19

A bɛlɩ dem na zɔrɛ ʋ a, ʋ mɩ́ maal'ɩ a lɛ bɛ na bɔbr a, ʋ mɩ́ wõ n a cɛl bɛ na lɔb a, ɛ́ faa bɛ.

Sɛb-sõw yielu 37:11

Ɛcɛ a su-siwri dem na so nɩ a tẽw, bɛ na tɛr'ɩ ƴã-ɓaarʋ bɔkɔɔ!

Sɛb-sõw yielu 37:29

A nɩ-mɩn na so nɩ a tẽw, bɛ na kpɩɛr ʋ nɩ kʋralɛ.

Sɛb-sõw yielu 37:9

Bʋ̃ʋ n'ʋ vɛ̃, bɛ na ír'ɩ a yel-fa-maalbɛ bɛr, ɛcɛ a bɛlɩ dem na tɩɛrɛ a Sore a na so nɩ a tẽw.

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Zʋkpaɩ 19:23

A Sore zɔba tɩrɛ nɩ nyɔ-vʋʋrʋ, nyɔ-vʋʋrʋ pʋɔ fʋ na kʋ̃ bɔ bom gù, ɛ́ kpɩɛrʋ bɛ páwr fʋ a.

Zʋkpaɩ 22:4

A nɩr na siwre ʋ tʋɔra a mɩ́ tɛr'ɩ a Sore zɔba. Ʋ mɩ́ kpɛ n naalʋ, tɛr yúor ɛ́ vʋʋrɩ cɛlɩ.

Ekilezɩasɩ 8:12

Yel-bier-maalɛ na tʋ̃ɔ́ na maalɩ faa gb'aa kʋba (100), ɛ́ vʋʋrɩ tɩ cɛlɩ. Ɩ̃ bãwnɩ a na, bɛ mɩ́ yel'ɩ à ŋá: «Bɛlɩ dem na zɔrɛ a Naaŋmɩn a na bãw nɩ a nʋ̃ɔ̀ bɛ na zɔrɛ ʋ a zũú.

Ɩzayi 3:10

Nyɩ na tʋ̃ɔ́ na yel: a nɩ-mɩŋa tɛr'ɩ zu-nʋ̃ɔ̀, bʋ̃ʋ n'ʋ vɛ̃, ʋ na nyɛ̃ nɩ a ʋ ɩ-ɩrɩ maalʋ.

Ɩzayi 33:16

A nɩr ŋa na kpɩɛr'ɩ ziir na kɛrɩ a. Pìe na ɩ zɛbr-yir-kpɛn a n'a na ɩ a ʋ sɔwlʋ zie. Ʋ na mɩ́ nyɛ̃ nɩ bʋ̃-dɩra, ʋ kʋ̃ mɩ́ bɔ kʋ̃ɔ gù ɛ.

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

Matie 12:32

Nɩr wa ƴɛ̀r ƴɛ̀r-faa càar'ɩ a Nɩsaal Bie a, bɛ na dɩ n suur kʋ̀ ʋ, ɛcɛ nɩr wa ƴɛ̀r ƴɛ̀r-faa càar'ɩ a Vʋʋrʋ Sõw a, bɛ kʋ̃ dɩ suur kʋ̀ ʋ a dɩ̃a zie ŋa pʋɔ nɩ a nɩdaar zie na waar a pʋɔ ɩ.»

Matie 19:29

Ɛ́ sob nɛ za nãà wa bɛr yie, yɛbr, yeepuuli, sãà, mã, bibiir bɩɩ póru a mãa ƴãw a, ʋ na páw nɩ à á ŋá gb'a a kʋba (100) dɔwlɩ, ɛ́ cãà páw a nyɔ-vʋʋrʋ na be kʋralɛ a ƴãw pʋɔ.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Markɩ 10:30

ɛ́ bɛ páw a ƴɛrɛŋa, a dɩ̃a zie ŋa pʋɔ tɩ na be a, gb'aa kʋba ƴãw, yie, nɩ yɛbr, yeepuuli, mã mɩnɛ, bibiir, nɩ póru lãwnɩ dɔwrʋ, ɛ́ nɩdaar ʋ páw a nyɔ-vʋʋrʋ na be kʋralɛ a ɩ.

Luka 5:38

Bɛ mɩ́ ƴãw nɩ divɛ̃-paala wɔ-gbã-paalɛ pʋɔ.

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

1 Korɛ̃tɩ 3:22

Pol, Apɔlɔsɩ bɩɩ Pɩɛr, a tẽ-daa, a nyɔ-vʋʋrʋ bɩɩ a kũu, a dɩ̃a bɩɩ a nɩdaar, nyɩmɛ so a za,

1 Korɛ̃tɩ 8:8

Bʋ̃-dɩra bɛ n'ʋ na taw tɩ pɩɛl'ɩ a Naaŋmɩn ɛ. Tɩmɛ bɛ wa dɩ a, a kʋ̃ ɩ tɩ bom za ɩ, ɛ́ tɩmɛ saa wa dɩ a, tɩ kʋ̃ páw bom za dɔwlɩ ɛ.

1 Timote 4:7

A suolu al na bɛ tu a naaŋmɩn-sàw-deb ɛ́ ɩ dãbol-ƴɛ̀rʋ a, zawr'a bɛr. Nɩ̃ɛ ƴãw fãw ƴãwnɛ a Naaŋmɩn.

1 Timote 6:3

Nɩr wa wule wul-yũo a, ʋlɛ bɛ wa tu a tɩ Sore Yeezu Kɩrɩta ƴɛ̀r-bi-vɩɛlɩ nɩ a wulu na tu a tɩ Naaŋmɩn ƴãwfʋ a,

1 Timote 6:5

a nɔkpɛn-faa na bɛ tɛr baarʋ daar a yã-faar dem zie na bɛ bãw a yel-mɩŋa, ɛ́ tɩɛr kɛ́ a Naaŋmɩn ƴãwfʋ ɩ n tɔnɛ bɔb zie a.

1 Timote 6:6

Sɩza, a Naaŋmɩn ƴãwfʋ tɛr'ɩ tɔnɛ yaga sob nɛ na sàw tɛr a bom nɛ tɛwr ʋ na tɛr a zie.

2 Timote 3:5

Bɛ na sãá nɩ nɩbɛ na ƴãwnɛ Naaŋmɩn a, ɛcɛ bɛ na zawr'ɩ a Naaŋmɩn ƴãwfʋ fãw bɛr. Ŋmɛlɩ kpaar cɔw a nɩbɛ bɛ ŋa mɩ̀!

Títɩ̀ 3:8

A ƴɛ̀rʋ ŋa ɩ n sɩza. Ɩ̃ bɔbr'a kɛ́ fʋ ƴɛ̀r gb'a a yaga a yele á ŋá ƴãw, k'aa bɛlɩ dem za na sàw de a Naaŋmɩn a, bɛ ƴãw fãw ɩrɛ vla dɔwlɛ a bɛ ɩ-vɩɛlɩ pʋɔ. À ŋá n'a vɩɛl ɛ́ tɛr yel-ɩra a nɩsaalbɛ zie.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

1 Zã 2:25

Ɛ́ a ʋlɩ bom nɛ a Kɩrɩta na yel k'ʋʋ na kʋ̀ tɩ na a n'ɩ a nyɔ-vʋʋrʋ na be kʋralɛ a.

Yel-wula 3:12

Sob nɛ na na zɛb tʋ̃ɔ́ a, ɩ̃ na ɩ na ʋ ɩ kpul a ɩ̃ Naaŋmɩn yir pʋɔ, ʋʋ kʋ̃ yi zaa a ʋ pʋɔ towtow ɛ. Ɩ̃ na sɛb'ɩ a ɩ̃ Naaŋmɩn yúor ƴãw a ʋ zu, nɩ a ɩ̃ Naaŋmɩn tẽ-kpɛ̃ɛ yúor, a Zerizalɛm paala na yi a ɩ̃ Naaŋmɩn zie a salom zu siwr a. Ɩ̃ mɩ̀ na sɛb'ɩ a ɩ̃ yo-paala ƴãw a ʋ zu.

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.