1 Timote 4:6 - A SƐB-SÕW

⁶ Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

1 Timote 4:6 ပူးပေါင်းရင်းမြစ်များ

Sɛb-sõw yielu 19:7

Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

Zʋkpaɩ 4:2

Bʋ̃ʋ n'ʋ vɛ̃, bãwfʋ na ɩ sɩza a n'a ɩ̃ kʋ̀rɛ nyɩ, nyɩ taa zawrɛ a ɩ̃ wulu bɛrɛ ɩ.

Zeremi 15:16

A fʋ ƴɛ̀rʋ na mɩ́ tɩ ta m a, ɩ̃ mɩ́ tɩ vɔl a na. A mɩ́ tɩ ƴãw mɛ̃ nɩ nʋ̃ɔ̀, a mɩ́ tɩ ɩ na a ɩ̃ socir cɩlɛ. Bʋ̃ʋ n'ʋ vɛ̃, fʋ̃ʋ so m, Sore e, kpɛnʋ-za-sob i.

Matie 13:52

Ʋ lɛb yel bɛ: «A na ŋmɛ̃ à ŋá a, Naaŋmɩn wulu sɛ-sɛbrɛ za na bãw a tẽ-vla Naalʋ yele a, ŋmɛ̃ na taa nɩ yir sob na mɩ́ ír bʋ̃-paalɛ nɩ bʋ̃-kore a ʋ na-bome pʋɔ a.»

Luka 1:3

Lɛ so a mãa mɩ̀, ɩ̃ mɩ̀ sowri vla vla bãw a yele al za na ɩ a pɛr-tib daar a, ɛ́ nyɛ̃ a vɩɛl k'ɩ̃ɩ sɛb manɩ a lɛ a na tu taa kʋ̀ fʋ, ɩ̃ bá-vla Teofil i.

Nɩ-toni 1:15

A alɩ bibie nɛ pʋɔ, a Pɩɛr tɩ ìr'a àr a yɛbr na tɩ ɓã taa ta nɩbɛ lɩz'a ayʋɔb (120) a sɔgɔ, ɛ́ yel:

Nɩ-toni 20:31

Lɛ so, nyɩ cɛlɛ vla ɛ́ lɛb tɩɛrɩ bãwnɩ a kɛ́ yome ata za, mʋ̃tɔ̃w nɩ tɩ̃ɩsɔw za, ɩ̃ mɩ́ tɩ kpaalɛ nɩ a nyɩ za been been tɩ lãwnɩ kòn.

Nɩ-toni 20:35

Kʋralɛ, ɩ̃ wul nyɩ na kɛ́ nyɩmɛ wa hanɛ à ŋá a, lɛ n'a nyɩ na tʋ̃ɔ́ sõw a bãbàalbɛ, cãà tɩɛrɛ nɩ a ƴɛ̀r-bie á ŋá a Sore Yeezu mɩŋa na tɩ yel a: “A bom tɩrʋ waar'ɩ nɩ nʋ̃ɔ̀ zuo a bom páwfʋ.”»

Ʋrɔm 15:15

Ɛcɛ ɩ̃ nyɔw nɩ nyãa bʋʋrɛ kãw sɛb'ɩ nyɩ a ɩ̃ sɛbɛ ziir a mɩnɛ, k'ɩ̃ɩ tʋ̃ɔ́ sɩ̃w a nyɩ tɩɛrʋ. Ɛ́ mãa wa sɛb a lɛ a, a ɩ n a maalʋ a Naaŋmɩn na kʋ̀ m a zũú n'a,

1 Korɛ̃tɩ 4:17

Al ƴãw sɩrɩ n'a ɩ̃ tõ a ɩ̃ bi-nɔna Timote, na bɛ lɛbr pùor a Sore tome pʋɔ a, a nyɩ zie. Ʋ na lɛb'a sɩ̃w a nyɩ tɩɛrʋ a sɛ́ɛ al ɩ̃ na tuur a ɩ̃ kɩrɩta-nɩr nyɔ-vʋʋrʋ pʋɔ a ƴãw, mɛ̃ a lɛ ɩ̃ na wule a a ziir za, a Lãw-yie za pʋɔ a.

2 Korɛ̃tɩ 11:23

Bɛ ɩ n Kɩrɩta tõ-tõ-biir yaa? A ka a, ɩ̃ na ƴɛ̀r'ɩ yãya-ƴɛ̀rʋ: ɩ̃ ɩ ʋ na zuo bɛ. A bàlʋ pʋɔ n'a o, ɩ̃ zuo bɛ na, a gaso pʋɔ kpɛb ƴãw n'a o, ɩ̃ gãw bɛ na, a ŋmɩɛrʋ lowr wa n'a a, bɛ ŋmɛ mɛ̃ na zuo bɛ. Gb'a a ŋmɩn za, ɩ̃ tɩ cɛ nɩ blã nãá kpi.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 6:4

Tɩ nɩ̃ɛ na bɔbr kɛ́ tɩ sɩrɩ sãá ɩ Naaŋmɩn tõ-tõ-biir a yele za pʋɔ: tɩ dɩrɛ nɩ kanyir yaga ɛ́ tɛr tʋɔra-nyɔwfʋ a kpɩɛrʋ pʋɔ, a fɛrʋ pʋɔ nɩ a pʋl-vʋ̃ɔ daar.

Efɛɛzɩ 6:21

A tɩ yɛb-nɔna Tɩsɩkɩ mɩ̀ na lãwnɩ mɛ̃ tone a Sore bɛ lɛbr pùor a, ʋ na manɩ nɩ a ɩ̃ yele za kʋ̀ nyɩ nyɩ tʋ̃ɔ́ bãw lɛ a na ŋmɛ̃ a ɩ̃ zie a, nɩ bom nɛ ɩ̃ na ɩrɛ a.

Filib 2:20

Alɛ bɛ ɩ a ʋl yõ a, ɩ̃ bɛ nyɛ̃ nɩr na tɩɛrɛ a nyɩ yele mɛ̃ a mãa a ɩ:

Filib 2:22

Ɛcɛ, nyɩɩm tɛɛ za bãw nɩ lɛ a Timote na ŋmɛ̃ a: ʋ lãw nɩ mɛ̃ na tone a Yel-nʋ̃ɔ̀ hieru tome mɛ̃ bie na be ʋ sãà zie a.

Filib 3:16

Alɛ saa ŋmɛ̃ ŋmɩŋmɩn a, nyɩ ɩ tɩ cãà lo a ʋlɩ sɔr-been nɛ.

Kɔlɔsɩ 2:19

Bɛ bɛ lãw nɩ a Kɩrɩta na ɩ a ƴã-gan zu a ɩ. Ɛcɛ a Kɩrɩta zũú n'a a ƴã-gan za páwr a dɩb, ɛ́ a kɔbɛ tuor-taa ziir nɩ a jiile ɩ ʋ nyɔw taa ɛ́ kɛrɛ mɛ̃ a lɛ a Naaŋmɩn na bɔbr a.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Kɔlɔsɩ 4:7

A ɩ̃ yɛb-nɔna Tɩsɩkɩ, na ɩ tõ-tõ-bi-dẽdele nɩ ɩ̃ lãw-tõ-tɔ a Sore tome pʋɔ a, ʋ na manɩ nɩ a ɩ̃ yele za kʋ̀ nyɩ.

1 Tesalonikɩ 3:2

ɛ́ tõ a tɩ yɛb Timote a nyɩ zie, k'ʋʋ wa ɩ nyɩ kpɛmɛ ɛ́ ƴãw fãw a nyɩ naaŋmɩn-sàw-deb ƴãw, ʋl na ɩ Naaŋmɩn lãw-tõ-tɔ a Kɩrɩta Yel-nʋ̃ɔ̀ hieru tome pʋɔ a,

1 Timote 1:10

pɩ̃ɔ-yel-maalbɛ, dɛb-bɛrɛ na gánɛ nɩ dɛbli a, nɩbɛ na kʋɔrɛ gbãgbaar a, zir-ŋmarbɛ ƴãw n'a, nɩbɛ na mɩ́ pɔ ɛ́ bɛ ír a bɛ pɔɛ a ƴãw n'a, nɩ bom za na bɛ tu a wul-vla a.

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

1 Timote 6:3

Nɩr wa wule wul-yũo a, ʋlɛ bɛ wa tu a tɩ Sore Yeezu Kɩrɩta ƴɛ̀r-bi-vɩɛlɩ nɩ a wulu na tu a tɩ Naaŋmɩn ƴãwfʋ a,

2 Timote 1:6

Alɛ n'a so ɩ̃ kpaalɛ fʋ, kɛ́ fʋ lɛb sɩ̃w a maalʋ a Naaŋmɩn na kʋ̀ b, a lɛn daar ɩ̃ na ír a nuru dɔwlɩ a fʋ zu a.

2 Timote 3:10

Ɛcɛ a fʋ̃ʋ a, fʋ tu mɛ̃ nɩ vla a ɩ̃ wulu pʋɔ, nɩ a ɩ̃ cenu pʋɔ, a lɛ ɩ̃ na mɩ́ tɩɛr k'ɩ̃ɩ ɩ a, nɩ a ɩ̃ naaŋmɩn-sàw-deb pʋɔ, a ɩ̃ tʋɔra-nyɔwfʋ pʋɔ nɩ a nɔ̃wfʋ pʋɔ, a kanyir pʋɔ,

2 Timote 4:3

Daar kãw sɩrɩ na waar na ta, bɛ mɩnɛ kʋ̃ cãà sàwr a wul-vla ɩ, ɛcɛ mɛ̃ a lɛ bɛ na bɔbr a, bɛ na tɛr'ɩ wul-wulbɛ yaga yaga bɛ manɛ yele na nʋmɛ a bɛ tobe wob ƴãw a.

Títɩ̀ 2:1

Ɛ́ a fʋ̃ʋ a, wule a nɩbɛ a lɛ na tu a wul-vla a.

1 Pɩɛr 2:2

Nyɩ bɔbr a Naaŋmɩn ƴɛ̀rʋ bʋ̀r-kʋ̃ɔ tɛwr mɛ̃ bi-pɩɩlɛ a, k'ʋʋ tʋ̃ɔ́ mɩ́ ɩ nyɩ kɛrɛ tɩ páw a faafʋ.

2 Zã 1:9

Nɩsaal za na bɛ tɛr a Kɩrɩta wulu, ɛ́ mɩ́ wul col'ɩ a, ʋ bɛ lãw nɩ a Naaŋmɩn ɛ. Sob nɛ na mɩ́ tɛr a wulu ŋa a, ʋ lãwnɩ nɩ a Sãà nɩ a Bie.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:5

Nyɩ na saa bãw à á ŋá za baarɩ a, ɩ̃ cãà na bɔbr k'ɩ̃ɩ lɛb sɩ̃w a nyɩ tɩɛrʋ k'aa Sore na tɩ faa a ʋ nɩ-bʋʋrɛ Ɩsɩrayɛl a Eziptɩ tẽw pʋɔ baar'a, ʋ ɩ n a bɛlɩ dem na bɛ tɩ sàw de ʋ a bɛ kpi.