1 Timote 4:4 - A SƐB-SÕW

⁴ Bʋ̃ʋ n'ʋ vɛ̃, bom za Naaŋmɩn na ír a ɩ n bʋ̃-vla, ɛ́ bom za bɛ ɩ bʋ̃-ciira, bɛlɛ wa dier ʋ puore nɩ Naaŋmɩn barka a.

1 Timote 4:4 ပူးပေါင်းရင်းမြစ်များ

Yele-za-pɛr-tib 1:31

A Naaŋmɩn nyɛ̃ nɩ a bome za ʋ na tɩ maalɩ a: ʋ tɩ nyɛ̃ a na a vɩɛl yaga za. Zaanʋɔra tɩ ta na, ɛ̀ zie sɔb vɩɛ: a bibie ayʋɔb sob tɩ n'ʋ.

Nɩ-toni 10:15

A kɔkɔr tɩ lɛb'a ƴɛ̀r a ʋ zie a gb'a ayi sob ƴãw yel: «Bom Naaŋmɩn na ɩ ʋ vɩɛl a, fʋ̃ʋ kʋ̃ tʋ̃ɔ́ yel k'ʋʋ ɩ n bʋ̃-dɛwr ɛ!»

Nɩ-toni 15:29

nyɩ ta 'wɔbr a bàwr-maal-nɛnɛ ɩ, nɩ a zɩ̃ɩ nɩ dʋ̃w bɛ na bɛ ŋmãa a kɔkɔr a nɛn ɛ, nyɩ bɛr a pɩ̃ɔ-yele. Nyɩmɛ wa ƴãw fãw bɛr à á ŋá za a, nyɩ na maal'ɩ vla. Nyɩ zɩ̃ vla.»

Nɩ-toni 21:25

Ɛcɛ, a nɩ-bʋʋr-yoru nɩbɛ bɛl na lɩɛbɩ a kɩrɩta-nɩbɛ a, tɩ sɛb'a yel kʋ̀ bɛ kɛ́ bɛ ciir a bàwr nɛnɛ nɩ a zɩ̃ɩ, kɛ́ bɛ ciir dʋ̃w bɛ na bɛ ŋmãa a kɔkɔr a nɛn, kɛ́ bɛ ta maalɛ pɩ̃ɔ-yele ɩ.»

Ʋrɔm 14:14

A Sore Yeezu ƴãw a, ɩ̃ bãwnɩ a nɩ yel-mɩŋa, kɛ́ bom bɛ be be à ŋá ɩ bʋ̃-dɛwr ɛ. Ɛcɛ nɩr wa tɩɛrɛ kɛ́ bom ɩ n bʋ̃-dɛwr a, ʋ mɩ́ ɩ n bʋ̃-dɛwr a ʋ zie.

Ʋrɔm 14:20

Ta sãw a Naaŋmɩn ton bɛr bʋ̃-dɩra ƴãw ɛ. Sɩza n'a, bʋ̃-dɩra za vɩɛl'a, ɛcɛ fʋ̃ʋ wa dɩrɛ bom ƴãw a fʋ yɛb ʋ lo a, a bɛ vɩɛl ɛ.

Ʋrɔm 14:6

Sob nɛ na mɩ́ bãwnɩ bibir kãw a, a Sore ƴãw n'a ʋ mɩ́ ɩ a lɛ, sob nɛ na dɩrɛ a za a, a Sore ƴãw mɩ̀ n'a ʋ ɩrɛ a lɛ, bʋ̃ʋ n'ʋ vɛ̃, ʋ mɩ́ puor'ɩ a Sore yãanɩ. Sob nɛ na bɛ dɩrɛ a za a, ʋ ɩrɛ nɩ a lɛ a Sore ƴãw, ɛ́ a ʋl mɩ̀ a, ʋ mɩ́ puor'ɩ a Sore yãanɩ.

1 Korɛ̃tɩ 10:23

Nyɩ mɩ́ yel'a: «Sɔ́r be n be bom za ƴãw». Sɩza n'a, ɛcɛ bom za bɛ sɛw taa nɩ ɛ! «Sɔ́r be n be bom za ƴãw», ɛcɛ a za bɛ maalɛ a lãw ɛ.

1 Korɛ̃tɩ 10:25

Bom za bɛ na kʋɔrɛ dàa pʋɔ a, nyɩ dɩrɛ ʋ ɛ́ ta bɛr a nyɩ tɩɛrʋ sowre nyɩ bom ɛ.

1 Korɛ̃tɩ 10:26

Bʋ̃ʋ n'ʋ vɛ̃, mɛ̃ a lɛ bɛ na sɛb a: «A Sore so a tẽsɔw nɩ a ʋ pʋɔ bome za.»

1 Korɛ̃tɩ 10:30

Mãa mɩ́ wa puori a Naaŋmɩn yãanɩ ɛ́ dɩ a ɩ̃ bʋ̃-dɩra a, bʋ̃ʋ ƴãw n'a bɛ na yere mɛ̃ bʋ̃-dɩra ƴãw ɩ̃ na puori a Naaŋmɩn yãanɩ a?

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

1 Timote 4:3

A nɩbɛ bɛ ŋa na diwr'ɩ a kul-taa bɛrɛ, ɛ́ yel kɛ́ a bʋ̃-dɩrɩ a mɩnɛ ciir'a. Ɛcɛ Naaŋmɩn ír a na, kɛ́ a bɛlɩ dem na sàw de ʋ a, bɛl na bãw a yel-mɩŋa a, bɛ mɩ́ dɩrɛ a puore nɩ ʋ barka.