1 Timote 4:3 - A SƐB-SÕW

³ A nɩbɛ bɛ ŋa na diwr'ɩ a kul-taa bɛrɛ, ɛ́ yel kɛ́ a bʋ̃-dɩrɩ a mɩnɛ ciir'a. Ɛcɛ Naaŋmɩn ír a na, kɛ́ a bɛlɩ dem na sàw de ʋ a, bɛl na bãw a yel-mɩŋa a, bɛ mɩ́ dɩrɛ a puore nɩ ʋ barka.

1 Timote 4:3 ပူးပေါင်းရင်းမြစ်များ

Yele-za-pɛr-tib 9:3

Bom za na vure a tẽw ɛ́ tɛr vʋʋrʋ a na ɩ n bʋ̃-dɩra a nyɩ zie. Mɛ̃ a lɛ ɩ̃ na tɩ dãw kʋ̀ nyɩ a mɔ̃-ɓaar a, ɩ̃ kʋ̀rɛ nyɩ nɩ à á ŋá za.

Ekilezɩasɩ 5:18

Lɛb waar mɩ̀, Naaŋmɩn na tʋ̃ɔ́ na kʋ̀ nɩr naalʋ nɩ tɛra, ɩ ʋ so a dɩrɛ, íre a tome tɔnɛ wone nɩ nʋ̃ɔ̀. Naaŋmɩn bʋ̃-kʋ̀ra n'ʋ.

Matie 14:19

Al pùorí, ʋ tɩ ƴãw na a nɩbɛ zɩ̃ a mʋ̃ɔ zu, ʋʋ de a dipɛ̃ anũu nɩ a zʋ́mɛ́ ayi al, úori kaa a salom, ɛ́ maalɩ a, ɛ́ ŋma kʋ̀ a ʋ po-tuurbɛ, bɛ mɩ̀ de kʋ̀ a zu-sɛbla.

Matie 15:11

Bom nɛ na kpɩɛr a nʋɔrɩ́ a, ʋlɛ bɛ n'ʋ dɛwr a nɩsaal ɛ. Bom nɛ na yire a nʋɔrɩ́ a, ʋlɛ n'ʋ dɛwr a nɩsaal.»

Matie 15:36

ʋʋ de a dipɛ̃ ayopõi nɩ a zʋ́mɛ́ al, puori a Naaŋmɩn barka, ɛ́ ŋma kʋ̀ a ʋ po-tuurbɛ, a ʋ po-tuurbɛ de kʋ̀ a zu-sɛbla.

Luka 24:30

Bɛ na tɩ lãw zɩ̃ a dɩb ƴãw a, ʋ de nɩ a dipɛ̃, puori a Naaŋmɩn yãanɩ ɛ́ ŋma põ kʋ̀ bɛ.

Zã 6:23

Ɛcɛ gbee a mɩnɛ tɩ yi n a Tɩberiyadɩ wa ta pɩɛlɩ a be a Sore na tɩ puori a Naaŋmɩn yãanɩ a dipɛ̃ ƴãw baarɩ, ɛ́ bɛ 'wɔb a.

Nɩ-toni 27:35

Ʋ na tɩ ƴɛ̀r à ŋá baar'a, ʋ de nɩ dipɛ̃, puori Naaŋmɩn yãanɩ a bɛ za niŋé, ɛ́ nyɔw ŋma, tĩ 'wɔbr.

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

Ʋrɔm 14:3

Sob nɛ na dɩrɛ a za a, ʋ ta jewre a sob nɛ na bɛ dɩrɛ a za a ɩ, ɛ́ sob nɛ na bɛ dɩrɛ a za a, ʋ ta bãwnɛ a sob nɛ na dɩrɛ a za a yele ɩ, bʋ̃ʋ n'ʋ vɛ̃, a Naaŋmɩn mɩ̀ sàw na de ʋ.

Ʋrɔm 14:6

Sob nɛ na mɩ́ bãwnɩ bibir kãw a, a Sore ƴãw n'a ʋ mɩ́ ɩ a lɛ, sob nɛ na dɩrɛ a za a, a Sore ƴãw mɩ̀ n'a ʋ ɩrɛ a lɛ, bʋ̃ʋ n'ʋ vɛ̃, ʋ mɩ́ puor'ɩ a Sore yãanɩ. Sob nɛ na bɛ dɩrɛ a za a, ʋ ɩrɛ nɩ a lɛ a Sore ƴãw, ɛ́ a ʋl mɩ̀ a, ʋ mɩ́ puor'ɩ a Sore yãanɩ.

1 Korɛ̃tɩ 6:13

Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw.

1 Korɛ̃tɩ 7:28

Ɛcɛ fʋ̃ʋ wa kul pɔw a, fʋ bɛ maalɩ yel-bier ɛ. Ɛ́ pɔwsɩrale wa kul sɩr a, ʋ bɛ maalɩ yel-bier ɛ. Ɛcɛ a bɛl na kul taa a, bɛ na páw nɩ kpɩɛrʋ yaga, ɛ́ alɛ n'a ɩ̃ bɔbr kɛ́ nyɩ ta páw ɛ.

1 Korɛ̃tɩ 8:8

Bʋ̃-dɩra bɛ n'ʋ na taw tɩ pɩɛl'ɩ a Naaŋmɩn ɛ. Tɩmɛ bɛ wa dɩ a, a kʋ̃ ɩ tɩ bom za ɩ, ɛ́ tɩmɛ saa wa dɩ a, tɩ kʋ̃ páw bom za dɔwlɩ ɛ.

Kɔlɔsɩ 2:16

A na ɩ à ŋá a, nyɩ ta sàw nɩr za tɛrɛ nɩ nyɩ ƴɛ̀rʋ bʋ̃-dɩra bɩɩ bʋ̃-nyúura kãw ƴãw ɛ, cuw kãw ƴãw, cuw-paala ƴãw bɩɩ pɩ̃ɛnʋ-bibir ƴãw ɛ.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

1 Timote 2:4

ʋl na bɔbr kɛ́ a nɩsaalbɛ za tʋ̃ɔ́ nyɛ̃ a faafʋ, ɛ́ páw a yel-mɩŋa bãw a.

1 Timote 4:4

Bʋ̃ʋ n'ʋ vɛ̃, bom za Naaŋmɩn na ír a ɩ n bʋ̃-vla, ɛ́ bom za bɛ ɩ bʋ̃-ciira, bɛlɛ wa dier ʋ puore nɩ Naaŋmɩn barka a.

1 Timote 5:14

A na ɩ à ŋá a, ɩ̃ bɔbr'a kɛ́ a pɔw-kɔ-pɔ́lɛ́ mɩ́ lɛb kul sɩrbɛ dɔw bibiir, kɛ́ bɛ kaarɛ a bɛ yir zie, a tɩ dɔ̃ dem ta tʋ̃ɔ́ nyɛ̃ yel-faa kãw za yel ɛ.

Ebre 13:4

A nɩbɛ za, bɛ tɛr maal-ɩrɛ a kul-taa ƴãw. A dɛbr nɩ a pɔwbɛ na kul taa a, bɛ be taa bɛl tɛwr ƴãw. Bʋ̃ʋ n'ʋ vɛ̃, Naaŋmɩn na maal'ɩ nɩ a ɩ-fa-maalbɛ nɩ a pɔw-gaa-yel-bier-maalbɛ ƴɛ̀rʋ.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

1 Samɩɛl 9:13

nyɩmɛ wa kpɩɛr a tẽw pʋɔ a, nyɩ na páw ʋ na, ʋʋ bãw do a maalʋ-zie a dɩb ƴãw. Ʋlɛ bɛ wa ta a, nɩr bɛ dɩrɛ ɩ, bʋ̃ʋ n'ʋ vɛ̃, ʋlɛ n'ʋ a fɛr k'ʋʋ maalɩ a bàwr nɛn. Al pùorí a, a nɩbɛ bɛ na bʋɔlɩ a pãa na tʋ̃ɔ́ dɩrɛ. Lɛ so, nyɩ cen a ƴɛrɛŋa, nyɩ na tɩ páw ʋ nɩ daadaalɛ.»