1 Timote 4:13 - A SƐB-SÕW

¹³ Tori niwn kanɛ a Sɛb-sõw kʋ̀rɛ a nɩbɛ, kpaalɛ bɛ, wule bɛ gùre nɩ a ɩ̃ waa daar.

1 Timote 4:13 ပူးပေါင်းရင်းမြစ်များ

Zã 5:39

Nyɩ ƴãw nɩ fãw vuole a Sɛb-son pʋɔ, nyɩ na tɩɛrɛ kɛ́ be n'a nyɩ na páw a nyɔ-vʋʋrʋ na be kʋralɛ a, ɛ́ alɛ n'a dɩrɛ a ɩ̃ dãsɩɛ.

Nɩ-toni 17:11

A Beere tẽw Zifʋ mɩnɛ tɩ bãw nɩ yã zuo a Tesalonikɩ Zifʋ mɩnɛ. Bɛ tɩ sàw na de a Naaŋmɩn ƴɛ̀rʋ nɩ pʋ-pla, ɛ́ bibie za, bɛ mɩ́ jɛlɛ nɩ a Sɛb-sõw ƴɛ̀r-bie kɛ́ bɛ nyɛ̃, lɛ n'a a yele sɩrɩ tu u.

Nɩ-toni 6:4

Tɩɩm ƴãw a, tɩ na su n zu a puoru ƴãw nɩ a Naaŋmɩn ƴɛ̀rʋ manʋ ƴãw.»

Ʋrɔm 12:8

Sob nɛ na páw maalʋ a taabɛ kpaalʋ ƴãw a, ʋ kpaalɛ bɛ. Sob nɛ na pone a ʋ bʋ̃-tɛrɩ a, ʋ ta tɩrɛ zʋmnɛ nɩ ɛ. Sob nɛ na tɛr a niw-diere tome a, ʋ ƴãw fãw tone. Sob nɛ na sõwne a bãbàalbɛ a, ʋ sõwne bɛ nɩ pʋ-pɩɛlʋ.

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

1 Korɛ̃tɩ 14:3

Ɛcɛ sob nɛ na ƴɛ̀rɛ naaŋmɩn-ƴɛ̀r-manɛ ƴɛ̀rʋ a, ʋ ƴɛ̀rɛ nɩ a nɩsaalbɛ zie, k'ʋʋ ɩ a bɛ naaŋmɩn-sàw-deb kɛrɛ dɔwlɛ, k'ʋʋ kpaalɩ bɛ, k'ʋʋ mɔwlɩ bɛ.

1 Korɛ̃tɩ 14:6

Yɛbr i, alɛ ɩ mɛ̃ ɩ̃ wa n a nyɩ nyɛ́b a ƴɛrɛŋa, wa ta ƴɛ̀rɛ ƴɛ̀rʋ nɩr na bɛ wone a, bʋ̃ʋ yel-ɩra n'ʋ ɩ̃ na tɛr a nyɩ zie? A ɩ̃ ƴɛ̀rʋ bɛ wa manɩ yel-sɔwla kãw kʋ̀ nyɩ a, ʋlɛ bɛ wa wa n bãwfʋ kãw a, bɛ ƴɛ̀r naaŋmɩn-ƴɛ̀r-manɛ ƴɛ̀rʋ kʋ̀ nyɩ bɩɩ kʋ̀ nyɩ wulu kãw a, bʋ̃ʋ yel-ɩra n'ʋ ɩ̃ na tɛr a nyɩ zie?

Wulu-ayi-sob 17:19

Ʋ na be n a ʋ zie, ʋ kanɛ ʋ a ʋ nyɔ-vʋʋrʋ bibie za. À ŋá n'a ʋ na bãw a Sore ʋ Naaŋmɩn zɔba. Ʋ na ƴãw nɩ fãw sàwr a wulu ŋa ƴɛ̀r-bie nɩ a ʋ tub kʋralɛ.

1 Timote 4:16

Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

2 Timote 3:15

A fʋ bibile daarɩ́ za n'a fʋ bãw a Sɛb-son. A tɛr'ɩ fãw na kʋ̀ b a yã-bãwfʋ na na ɩ fʋ páw a faafʋ a Kɩrɩta Yeezu sàw-deb pʋɔ a.

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

Títɩ̀ 2:15

À ŋá n'a a sɛw kɛ́ fʋ ƴɛ̀rɛ, kɛ́ fʋ kpaalɛ bɛ, ɛ́ kpãanɛ bɛ nɩ fãw. Nɩr za taa wa nyɛ̃ fʋ ɩ pʋrɩ ɛ.

Zozue 1:8

A wulu sɛbɛ ŋa ƴɛ̀r-bie kʋ̃ yi zaa a fʋ nʋɔrɩ́ ɛ. Tɛr a tɩ́ɛrɛ mʋ̃tɔ̃w nɩ tɩ̃ɩsɔw za, kɛ́ fʋ tʋ̃ɔ́ ƴãw fãw ɩrɛ mɛ̃ a lɛ na sɛb a wulu sɛbɛ pʋɔ a, lɛ n'a a fʋ yele za na mɩ́ tu vla vla za.