1 Timote 3:7 - A SƐB-SÕW

⁷ Ɛ́ lɛb waar mɩ̀, a fɛr'a kɛ́ a yẽw dem dɩrɛ dãsɩ-vla a ʋ ƴãw, lɛ n'a a nɩbɛ kʋ̃ ɩrɛ ʋ laar ɛ, ʋʋ kʋ̃ kpɛ a Gɛgɛra bɛrɩ pʋɔ ɩ.

1 Timote 3:7 ပူးပေါင်းရင်းမြစ်များ

Markɩ 4:11

Ʋ tɩ sɔw na yel bɛ: «A nyɩɩm a, bɛ wul nyɩ na nyɩ bãw a Naaŋmɩn Naalʋ yel-sɔwla, ɛcɛ a bɛl na cɛ a zie a, a za mɩ́ ɩ n zʋkpaɩ,

Nɩ-toni 10:22

Bɛ tɩ sɔw na yel: «A sojarɩ kʋba nɩ-kpɛ̃ɛ ʋl na dɩ Kɔrnɛɩ a, ʋlɛ n'ʋ tõ tɩ. Ʋ ɩ n nɩ-mɩŋa, ʋ zɔrɛ nɩ Naaŋmɩn, ɛ́ a Zifʋ mɩnɛ za mʋʋrɛ ʋ. Malkɩ sõw wa na wa yel k'ʋʋ tõ bʋɔlɩ fʋ a ʋ yir, fʋ wa manɩ yele ʋ bɛr wõ.»

Nɩ-toni 22:12

«Dɔɔ kãw tɩ be n be dɩ Ananɩasɩ. Ʋ tɩ nɔnɛ nɩ puoru ɛ́ tuur a Naaŋmɩn wulu vla. A Zifʋ mɩnɛ za na tɩ kpɩɛr a be a tɩ nɔnɛ nɩ a ʋ yele.

Nɩ-toni 6:3

A na ɩ lɛ a, yɛbr i, nyɩ bɔ dɛbr ayopõi a nyɩ pʋɔ, nɩbɛ na ɩrɛ vla, ɛ́ a Vʋʋrʋ Sõw nɩ yã-bãwfʋ be a bɛ zie a, ɛ́ tɩ na de nɩ a ton ŋa kʋ̀ bɛ.

1 Korɛ̃tɩ 10:32

Nyɩ ta ɩrɛ bom na na ɩ nɩr faa lo a ɩ, a Zifʋ mɩnɛ zie bɩɩ a bɛl na bɛ ɩ Zifʋ mɩnɛ a zie bɩɩ a Naaŋmɩn Lãw-yir zie ɩ.

1 Korɛ̃tɩ 5:12

A bɛlɩ dem na bɛ ɩ kɩrɩta-nɩbɛ a, a bɛ yele bãwfʋ ya jɩ́rɛ mɛ̃ na bɩɩ? Bɛlɩ dem na ɩ kɩrɩta-nɩbɛ a yele bɛ n'a nyɩ bãwnɛ ɩ?

2 Korɛ̃tɩ 6:3

Tɩ bɛ bɔbr k'aa tɩ tõ-nʋɔr tɛr sãwna bɛ yere ɩ, alɛ so tɩ tone kɛ́ tɩ ta ɩ nɩr kãw za maalɩ yel-bier ɛ.

2 Korɛ̃tɩ 8:21

Tɩ bɛ bɔbr a vla maalʋ Sore yõ zie ɩ, tɩ mɩ̀ bɔbr'ɩ a lɛ a nɩsaalbɛ zie.

Kɔlɔsɩ 4:5

Nyɩ ɩrɛ a yẽw dem zie nɩ yã-bãwfʋ, nyɩ taa bɛrɛ vo-vla za ʋ tɔlɛ ɩ.

1 Tesalonikɩ 4:12

Lɛ n'a a nyɩ cenu na mɩ́ ɩ a yẽw dem ƴãwnɛ nyɩ, ɛ́ nyɩ kʋ̃ ɩ nɩr za hanɛ a nyɩ ƴãw ɛ.

1 Tesalonikɩ 5:22

ɛ́ gùre nyɩ tʋɔra vla yel-faa bʋʋrɛ kãw za ƴãw.

1 Timote 3:6

Ʋ ta ɩ nɩr na sàw de Naaŋmɩn paalʋ a ɩ, alɛ bɛ ɩ lɛ, ʋ nãà ɩrɛ nɩ pɔ̀lʋ tɩ nyɛ̃ nɩ dɔwrʋ mɛ̃ a Gɛgɛra a.

1 Timote 5:14

A na ɩ à ŋá a, ɩ̃ bɔbr'a kɛ́ a pɔw-kɔ-pɔ́lɛ́ mɩ́ lɛb kul sɩrbɛ dɔw bibiir, kɛ́ bɛ kaarɛ a bɛ yir zie, a tɩ dɔ̃ dem ta tʋ̃ɔ́ nyɛ̃ yel-faa kãw za yel ɛ.

1 Timote 6:9

Ɛcɛ a bɛlɩ dem na bɔbr kɛ́ bɛ kpɛ naalʋ a, bɛ mɩ́ lo n a bɛ̀lʋ pʋɔ, ɛ́ kpɛ dãbol-yel-bɔbrɩ na bɛ vɩɛl a bɛrɩ pʋɔ, a yel-bɔbrɩ á ŋá na lore a nɩsaalbɛ ɛ́ ɩrɛ bɛ bɔrɛ a.

2 Timote 2:26

ɛ́ lɛb bãw yã yi zaa a Gɛgɛra bɛrɩ pʋɔ, ʋl na tɩ nyɔw bɛ ƴãw bɛ maalɛ a ʋ pʋ-tɩɛrʋ a.

Títɩ̀ 2:5

bɛ bãw yã, ɛ́ ta tɛr pɩ̃ɔ ɩ-ɩrɩ ɛ, bɛ ɩ nɩ-vɩɛlɩ ɛ́ ƴãw fãw kaarɛ a bɛ yir zie, sàwr a bɛ sɩrbɛ nʋɔr, kɛ̀ nɩr za ta tʋ a Naaŋmɩn ƴɛ̀rʋ zʋm ɛ.

Títɩ̀ 2:8

A fʋ ƴɛ̀rʋ, a vɩɛl, nɩr ta tʋ̃ɔ́ nyɛ̃ yel-faa a pʋɔ ɩ, lɛ n'a a dɔ̃ sob na nyɛ̃ vĩ, ʋ na kʋ̃ nyɛ̃ yel-faa kãw za ƴɛ̀rʋ ƴɛ̀r a tɩ ƴãw a.

3 Zã 1:12

A Demetiriyisi ʋl ƴãw a, nɩbɛ za dɩrɛ nɩ a ʋ dãsɩɛ vla. Ɛ́ a yel-mɩŋa tɔr za dɩrɛ nɩ a ʋ dãsɩɛ. A tɩɩm mɩ̀, tɩ dɩrɛ nɩ a ʋ dãsɩɛ, ɛ́ fʋ bãwnɩ a n'a a tɩ dãsɩɛ na ɩ sɩza a.

1 Samɩɛl 2:24

Ɩ̃ bibiir i, nyɩ ta cãà ɩrɛ a lɛ ɩ! A nyɩ ƴɛ̀rʋ a Naaŋmɩn nɩ-bʋʋrɛ na ƴɛ̀rɛ ɩ̃ wone a, a bɛ maal'ɩ wob ɛ!