1 Timote 3:15 - A SƐB-SÕW

¹⁵ Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.

1 Timote 3:15 ပူးပေါင်းရင်းမြစ်များ

1 Na-mɩnɛ 2:2

«Mãa kule na, mɛ̃ tẽsɔw bom za na tɔlɛ a. Dɩ kanyir, ɛ́ ɩ dɛb.

1 Na-mɩnɛ 2:4

A lɛ n daar a, a Sore na tu n a lɛ ʋ na tɩ ƴãw a nʋɔr kʋ̀ m yel à ŋá a: “A fʋ bidɛbr wa tɛr maal-ɩrɛ a, bɛlɛ wa ɩrɛ vla a ɩ̃ zie nɩ a bɛ socir za, nɩ a bɛ nɩɩlʋ za a, nɩr na mɩ́ yi n a bɛ pʋɔ kʋralɛ, ɩ a Ɩsɩrayɛl nɩbɛ nãà.”»

2 Na-mɩnɛ 19:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwrɩ ʋ a ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.»

1 Bibie za yel-manɩ 22:13

Fʋ̃ʋ wa tuur a nɛ́ɛ nɩ a tub al a Sore na kʋ̀ a Moyiir a Ɩsɩrayɛl ƴãw a, fʋ na ɩ n nɩr a yele za pʋɔ. Kpɛmɛ ɛ́ kpɛ socir. Ta zɔrɛ bom ɛ, ɛ́ ta kpɛ dɛ̃bɩ̃ɛ ɩ.

Sɛb-sõw yielu 42:2

Mɛ̃ a lɛ wala na mɩ́ kone bɔbr'ɩ bàrʋ kʋ̃ɔ a, lɛ n'a ɩ̃ mɩ́ kone bɔbr'ɩ fʋ, Naaŋmɩn i.

Sɛb-sõw yielu 84:2

Sore kpɛnʋ-za-sob i, nɔ̃wfʋ bɛ n'a ɩ̃ nɔ̃w a fʋ yir ɛ!

Zeremi 1:18

A na tĩ a dɩ̃a a, ɩ̃ na ɩ na fʋ kpɛmɛ mɛ̃ tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a. Fʋ na ɩ na mɛ̃ kure kpul a, mɛ̃ kur-zɩɛ dacin a, a tẽw za niŋé, a Zuda tẽw na-mɩnɛ, a tõ-tõ-bi-bɛrɛ, a bàwr-maalbɛ nɩ a naalʋ-tẽw tẽ-biir za niŋé.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 23:36

Ɛcɛ nyɩ kʋ̃ lɛb ƴɛ̀r “tuor Sore na tuo nɩr a” ƴɛ̀rʋ towtow ɛ. Ŋa za ƴɛ̀rʋ n'ʋ na mɩ́ ɩ a tuor, bʋ̃ʋ n'ʋ vɛ̃, nyɩ mɩ́ sãw nɩ a Naaŋmɩn na vʋʋrɛ a, a Sore kpɛnʋ-za-sob, a tɩ Naaŋmɩn ƴɛ̀rʋ bɛr.

Matie 16:16

Sɩmʋ̃ Pɩɛr tɩ sɔw na: «Fʋ̃ʋ n'ɩ a Nɩ-kabra, a Naaŋmɩn na vʋʋrɛ a Bie.»

Matie 18:18

«Yel-mɩŋa sɩza, ɩ̃ yere na kʋ̀rɛ nyɩ, bom nɛ za nyɩ na na 'lẽ a tẽw zu ka a, mɩ̀ na 'lẽ nɩ a tẽ-vla pʋɔ, ɛ́ bom nɛ za nyɩ na na cɛ̀r bɛr a tẽw zu ka a, mɩ̀ na cɛ̀r'ɩ a tẽ-vla pʋɔ.»

Zã 1:17

Moyiir'ʋ a Naaŋmɩn tɩ dãw tu tɩr a wulu, ɛcɛ a maalʋ nɩ a yel-mɩŋa a, Yeezu Kɩrɩta n'ʋ wa n a.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 18:37

Lɛ n'a a Pɩlatɩ sowr'ʋ: «A ɩ lɛ fʋ ɩ nãà ʋ?» A Yeezu sɔw: «Fʋ̃ʋ n'ʋ yere k'ɩ̃ɩ ɩ n nãà. Ɩ̃ dɔw na, ɩ̃ɩ wa n a tẽ-daa zu k'ɩ̃ɩ wa dɩ a yel-mɩŋa dãsɩɛ. Nɩr za na ɩ yel-mɩŋa nɩr a bɛrɛ na wone a ɩ̃ ƴɛ̀rʋ.»

Zã 6:69

Tɩɩm tɛwr ƴãw a, tɩ sàw na, ɛ́ tɩ bãw na kɛ́ fʋ̃ʋ n'ɩ a Naaŋmɩn Nɩ-sõw.»

Nɩ-toni 1:2

tɩ ta n a ʋlɩ bibir nɛ bɛ na ír ʋ do n a tẽ-vla a. A Vʋʋrʋ Sõw n'ʋ tɩ ƴãw ʋ ƴɛ̀r a ʋ ƴɛ̀r-pɛ-baara kʋ̀ a ʋ nɩ-toni ʋ na tɩ kaa ír a, ɛ́ pãa bãw do a tẽ-vla pʋɔ.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Ʋrɔm 3:2

A tɔnɛ bɛ dɩ vuo ɩ, a za lɛ pʋɔ. A dãw-niwn sob a, Zifʋ mɩnɛ nɛbɛ a Naaŋmɩn ƴɛ̀r a ʋ ƴɛ̀rʋ kʋ̀ kɛ́ bɛ maal tɛr.

Ʋrɔm 9:26

Ɛ́ a be tɔr za bɛ na tɩ yel bɛ: “Nyɩ bɛ ɩ ɩ̃ nɩbɛ a”, bɛ na bʋɔlɛ bɛ nɩ a be: “Naaŋmɩn na vʋʋrɛ a bibiir.”»

1 Korɛ̃tɩ 10:32

Nyɩ ta ɩrɛ bom na na ɩ nɩr faa lo a ɩ, a Zifʋ mɩnɛ zie bɩɩ a bɛl na bɛ ɩ Zifʋ mɩnɛ a zie bɩɩ a Naaŋmɩn Lãw-yir zie ɩ.

1 Korɛ̃tɩ 3:16

Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

2 Korɛ̃tɩ 3:3

Sɩza n'a, a sãá nɩ cãàmɩlɛ kɛ́ nyɩ ɩ n a sɛb-tʋɔla a Kɩrɩta na sɛb ɛ̀ tɩ de lʋɔrɩ tɩr a. Sɛb-dale kʋ̃ɔ bɛ n'a bɛ sɛb'ɩ ɛ, ɛcɛ a Naaŋmɩn na vʋʋrɛ a Vʋʋrʋ Sõw n'ʋ. Kʋsɛ-pamɛ zu bɛ n'a bɛ sɛb ɛ, a nɩsaalbɛ socie pʋɔ n'a.

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

2 Korɛ̃tɩ 6:7

A yel-mɩŋa tɩ na kanɛ kʋ̀rɛ a nɩbɛ a pʋɔ n'a, nɩ a Naaŋmɩn fãw zũú n'a tɩ bɔbr kɛ́ tɩ wul kɛ́ tɩ ɩ n Naaŋmɩn tõ-tõ-biir. A mɩnʋ ɩ-ɩrɩ a Naaŋmɩn niŋé n'ɩ a zɛbr bome tɩ na tɛr zɛbr'ɩ, ɛ́ gùre nɩ tɩ tʋɔra a.

Galasi 2:9

Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.

Galasi 3:1

'Woi Galasi tẽw dãbole bɛ ŋan i! Ãa n'ʋ ɩ a ʋ sɔ-ɩb nyɔw nɩ nyɩ? Nyɩɩm na wõ a Yeezu Kɩrɩta yele vla, a ɩ mɛ̃ a nyɩ mimié n'a bɛ kpa ʋ a da-gara zu a!

Efɛɛzɩ 4:21

A ʋ yele n'a nyɩ wõ, ɛ́ ʋlɛ n'ʋ bɛ wul nyɩ a tu a yel-mɩŋa na be a Yeezu pʋɔ a.

Wulu-ayi-sob 31:23

Al pùorí, a Sore tɩ ƴɛ̀r'ɩ a ʋ ƴɛ̀rʋ kʋ̀ a Nun bidɛb Zozue, ɛ́ yel ʋ: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ ɩ̃ na pɔ yel k'ɩ̃ɩ na kʋ̀ bɛ na a. Ɛ́ mãa a, ɩ̃ na be n a fʋ zie.»

Wulu-ayi-sob 5:26

Bʋ̃ʋ n'ʋ vɛ̃, nɩsaal kãw dãw na wõ a Naaŋmɩn na vʋʋrɛ a, ʋ be vũu sɔwlɩsɔw ɛ́ ƴɛ̀rɛ a ʋ zie, mɛ̃ a tɩɩm a, ʋʋ cãà vʋʋrɛ ɛ?

Kɔlɔsɩ 1:5

ɛ́ a ɩ nyɩ na tɩɛrɛ a ʋlɩ bom nɛ na gùre nyɩ a tẽ-vla pʋɔ a ƴãw n'a a. A Yel-nʋ̃ɔ̀ na ɩ yel-mɩŋa ƴɛ̀rʋ a, ʋl na lʋɔrɩ wa ta nyɩ a, ʋl pʋɔ n'a nyɩ páw a tɩɛrʋ ŋa.

1 Tesalonikɩ 1:9

A nɩbɛ za na ƴɛ̀rɛ a tɩ ƴɛ̀rʋ a mɩ́ manɛ nɩ a lɛ nyɩ na de tɩ a sãanʋ, a lɛn daar tɩ na tɩ wa a nyɩ zie a, nɩ a lɛ nyɩ na tɩ zawrɩ a tɩbɛ bɛr ɛ́ tu a Naaŋmɩn kɛ́ nyɩ tone ʋ, ʋl na ɩ Naaŋmɩn-vʋʋra nɩ Naaŋmɩn-sɩza a.

1 Timote 3:14

Ɩ̃ sɛbr'ɩ à á ŋá kʋ̀rɛ fʋ, tɩɛrɛ nɩ kɛ́ ka nɩ blã a, ɩ̃ na wa na wa páw fʋ.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

1 Timote 3:2

A lɛ ƴãw a, a fɛr'a kɛ́ a Lãw-yir-kaarɛ ta tɛr sãwna bɛ yere ɩ, ʋ kul pɔw been yõ, ɛ́ mɩ́ nyɔw ʋ tʋɔra a dɩb nɩ a nyub ƴãw, ʋ bãw yã, ɛ́ bãw ʋ tʋɔra maal-tɛrʋ, ʋ nɔnɛ a sãanbɛ tɛrʋ, ɛ́ ɩ nɩr na na tʋ̃ɔ́ wule a nɩbɛ a,

1 Timote 3:5

Bʋ̃ʋ n'ʋ vɛ̃, nɩr na bɛ bãw a ʋ mɩŋa yir kaafʋ a, ŋmɩŋmɩn za n'a ʋ na tʋ̃ɔ́ kaa Naaŋmɩn Lãw-yir zie?

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

2 Timote 2:20

Yir-kpɛ̃ɛ pʋɔ a, a pɔw-bome bɛ mɩ́ ɩ salm-pla nɩ salm-zɩɛ tɛwr ɛ, dàar dem nɩ yawra dem mɩ̀ mɩ́ be n be. A mɩnɛ a bibi-bɛrɛ ƴãw, ɛ́ a mɩnɛ a bibie za ƴãw.

Ebre 10:21

Tɩ tɛr'ɩ bàwr-maal-kara na kaarɛ a Naaŋmɩn yir zie a.

Ebre 12:22

Sɩyɔ̃ tãw n'ʋ nyɩ taw pɩɛlɩ, nɩ a Naaŋmɩn na vʋʋrɛ a tẽ-kpɛ̃ɛ, a tẽ-vla pʋɔ Zerizalɛm nɩ a ʋ malkɩ tu-tu-túr.

Ebre 3:12

Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Zozue 3:10

Al pùorí, ʋ tɩ yel'a: À ŋá n'a nyɩ na bãw k'aa Naaŋmɩn na vʋʋrɛ a be n a nyɩ sɔgɔ, nɩ k'ʋʋ na diw nɩ a Kanãa tẽw dem bɛr a nyɩ niŋé, lãwnɩ a Hititɩ mɩnɛ, a Hivitɩ mɩnɛ, a Perizitɩ mɩnɛ, a Gɩrgasitɩ, a Amoritɩ nɩ a Zebizitɩ mɩnɛ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?

Yel-wula 7:2

Ɩ̃ɩ tɩ nyɛ̃ nɩ malkɩ yũo, ʋ yi a mʋ̃tɔ̃w puru zie dúor waar, ɛ́ tɛr a Naaŋmɩn na vʋʋrɛ a bãwfʋ bʋ̃-ƴãwna. Ʋ tɩ cɩɩr'ɩ kpɛ̃w za yel a malkɩ anaar bɛl bɛ na tɩ kʋ̀ fãw a tẽw nɩ a kʋ̃ɔ-kpɛ̃ɛ sãwfʋ ƴãw a:

1 Samɩɛl 17:26

A Daviir tɩ sowr'ɩ a nɩbɛ na tɩ àr pɩɛl'ʋ a: «A sob nɛ na na zɛb tʋ̃ɔ́ a Filisɩtɛ̃ dɔɔ ŋa, ɩ a Ɩsɩrayɛl vĩ baarɩ a, bʋ̃ʋ n'ʋ ʋ na páw? Ãa nɩ̃ɛ n'ɩ a Filisɩtɛ̃ yɔ-ɓil sob ŋa na sàw tʋʋr a Naaŋmɩn na vʋʋrɛ a zɛbr-nɩbɛ a?»

1 Samɩɛl 17:36

A fʋ tõ-tõ-bie kʋ n gben ɛ́ kʋ ursɩrɩ. A Filisɩtɛ̃, yɔ-ɓil sob ŋa, na ɩ na mɛ̃ a dʋn á ŋá kãw a, bʋ̃ʋ n'ʋ vɛ̃, ʋ tʋ n a Naaŋmɩn na vʋʋrɛ a zɛbr-nɩbɛ.