1 Timote 1:5 - A SƐB-SÕW

⁵ Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

1 Timote 1:5 ပူးပေါင်းရင်းမြစ်များ

Sɛb-sõw yielu 24:4

— Sob nɛ nuru na bɛ tõ tõ-faar ɛ́ a pʋɔ ɩ parpar a n'ʋ, sob nɛ na bɛ tu bʋ̃-zawlɛ pùor ɛ́ bɛ pɔ pɔ-ziri a n'ʋ.

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Sofoni 3:7

Ɩ̃ tɩ tɩɛr'ɩ ɩ̃ pʋɔ: ƴɛrɛŋa a, a tẽw na ƴãwnɛ mɛ̃ na, ʋ na sàw nɩ a ɩ̃ kpãàfʋ. Lɛ n'a ɩ̃ kʋ̃ ŋmɛr ʋ bɛr, a tu a lɛ ɩ̃ na tɩ nyɛ̃ a suur, fuw ʋ a ɩ. Ɛcɛ a ʋ nɩbɛ mɩ́ pawr'ɩ a yel-faa maalʋ tɛwr ƴãw.

Matie 12:35

A nɩ-vla mɩ́ íre nɩ bʋ̃-vɩɛlɩ a ʋ na-bʋ̃-vɩɛlɩ pʋɔ, ɛ́ a nɩ-faa íre bʋ̃-faar a ʋ na-bʋ̃-faar pʋɔ.

Matie 5:8

Zu-nʋ̃ɔ̀ dem'ɩ a soci-parpar dem, bɛ na nyɛ̃ nɩ a Naaŋmɩn.

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

Nɩ-toni 23:1

A Pol tɩ jɩ́r'ɩ a Zifʋ mɩnɛ ƴɛ̀rʋ-dɩb-lãw nɩbɛ gbẽgbẽ ɛ́ yel: «Yɛbr i, tɩɛr-vla n'ʋ ɩ̃ tõ n a Naaŋmɩn tome wa tɔ a dɩ̃a.»

Nɩ-toni 24:16

A lɛ ƴãw n'a ɩ̃ mɩ̀ mɩ́ fɛr ɩ̃ tʋɔra tɛr tɩɛrʋ na vɩɛl a, a Naaŋmɩn niŋé nɩ a nɩsaalbɛ niŋé.»

Ʋrɔm 10:4

Bʋ̃ʋ n'ʋ vɛ̃, a Kɩrɩta maal'ɩ a ʋlɩ bom nɛ a Moyiir wulu na tɩ bɔbr k'ʋʋ ɩ a, kɛ́ sob nɛ za na sàw de a tʋ̃ɔ́ lɩɛbɩ nɩ-mɩŋa a Naaŋmɩn niŋé.

Ʋrɔm 12:9

Nyɩ nɔnɛ taa sɩza. Nyɩ hɩ̃ɛn a yel-faa ɛ́ tu a yel-vla pùor.

Ʋrɔm 14:15

Fʋ̃ʋ wa dɩrɛ bom a waar'ɩ pʋ-sãwna a fʋ yɛb zie a, a fʋ ɩb bɛ cãà tuur a nɔ̃wfʋ ɛ. Gù vla taa ɩrɛ a sob ŋa ƴãw a Kɩrɩta na kpi a, ʋ wa kpiir bʋ̃-dɩra tɛwr ƴãw ɛ.

Ʋrɔm 9:1

Ɩ̃ na lãw nɩ a Kɩrɩta a, yel-mɩŋa n'a ɩ̃ yere, ɩ̃ bɛ ŋmarɛ ziri ɛ, a Vʋʋrʋ Sõw caal'ɩ a ɩ̃ pʋɔ ʋ dɩrɛ a ɩ̃ dãsɩɛ,

1 Korɛ̃tɩ 13:1

Mãa saa ɩ mɛ̃ ɩ̃ ƴɛ̀rɛ nɩ a ƴɛ̀r-pɛ-bʋʋrɛ za a, a nɩsaalbɛ dem nɩ a malkɩ mɩnɛ dem a, ɛ́ mãa bɛ wa tɛr a nɔ̃wfʋ a, ɩ̃ ɩ na mɛ̃ kure bɛ na ŋmɩɛr ʋ kone yire a, bom bɛ na ŋmɩɛr ʋ pàwr gɔmɛ a.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Wulu-ayi-sob 10:12

Ƴɛrɛŋa a, Ɩsɩrayɛl nɩbɛ ɛ, bʋ̃ʋ n'ʋ a Sore nyɩ Naaŋmɩn gùre a nyɩ zie? A ʋlɩ bom nɛ tɛwr ʋ na gùre a, ʋlɛ n'ɩ kɛ́ nyɩ zɔrɛ ʋ, maalɛ a ʋ pʋ-tɩɛrʋ, nɔnɛ ʋ, ɛ́ tone a ʋ tome nɩ a nyɩ pʋɔ za, nɩ a nyɩ sɩ́ɛ za.

1 Timote 1:18

Ɩ̃ bie Timote e, a wulu n'ɩ à ŋà ɩ̃ na kʋ̀rɛ fʋ tu n a naaŋmɩn-ƴɛ̀r-manbɛ ƴɛ̀r-bie bɛ na tɩ dãw ƴɛ̀r a fʋ ƴãw a. A ƴɛ̀r-bie á ŋá a, a ɩ fʋ kpɛmɛ tʋ̃ɔ́ zɛb a zɛb-vla

1 Timote 1:19

nɩ naaŋmɩn-sàw-deb nɩ tɩɛr-vla. Bɛ mɩnɛ zawr'ɩ a bɛ tɩɛr-vla ŋa tub, a bɛ naaŋmɩn-sàw-deb tu kʋ̃ɔ.

1 Timote 3:9

Bɛ maal tɛr a naaŋmɩn-sàw-deb yel-sɔwla tɩɛr-vla pʋɔ.

2 Timote 1:3

Ɩ̃ na mɩ́ wa pore a fʋ yúor a ɩ̃ puoru pʋɔ, mʋ̃tɔ̃w nɩ tɩ̃ɩsɔw za a, ɩ̃ mɩ́ puore nɩ a Naaŋmɩn barka yaga za, a Naaŋmɩn ɩ̃ na tone nɩ tɩɛr-vla mɛ̃ a ɩ̃ sãàkʋm-kore a.

2 Timote 1:5

Ɩ̃ lɛb'a bãwnɩ a naaŋmɩn-sàw-deb mɩŋa fʋ na tɛr a. A fʋ mãkʋm Loyisɩ nɩ a fʋ mã Enisɩ nɛbɛ de niwn tɛr a naaŋmɩn-sàw-deb ŋa ɩ̃ na bãwnɩ fʋ mɩ̀ tɛr a.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Títɩ̀ 1:15

Bom za vɩɛl'ɩ parpar bɛlɩ dem na vɩɛl parpar a zie. Ɛcɛ bɛlɩ dem dɛwr na mar, ɛ́ bɛ bɛ tɛr sàw-deb a, bom za bɛ vɩɛl parpar a bɛ zie ɩ, a bɛ yã nɩ a bɛ tɩɛrʋ nɩ̃ɛ na mar dɛwr.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 13:18

Nyɩ puore kʋ̀rɛ tɩ. Tɩ bãwnɩ a na a tɩ tɩɛrʋ na vɩɛl a, bʋ̃ʋ n'ʋ vɛ̃, tɩ bɔbr'a kɛ́ tɩ ɩrɛ vla a yele za pʋɔ.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 3:16

Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

1 Pɩɛr 4:8

Ɛ́ baa zuo a za, nyɩ nɔnɛ taa yaga za, a nɔ̃wfʋ mɩ́ piwl'ɩ yel-bebe na bɛ tɛr vuo a.

2 Pɩɛr 1:7

Nyɩ nɔnɛ taa mɛ̃ yɛbr a, ƴãw pʋɔ a Naaŋmɩn ƴãwfʋ ƴãw, ɛ́ pãa baa tɛr a nɔ̃wfʋ ƴãw pʋɔ a yɛbr nɔ̃w-taa ƴãw.

1 Zã 3:10

À ŋá n'a bɛ mɩ́ bãw a Naaŋmɩn bibiir nɩ a Gɛgɛra bibiir: sob nɛ za na bɛ tuur a yel-mɩŋa ɛ́ mɩ̀ bɛ lɛb nɔnɛ a ʋ yɛb a bɛ ɩ Naaŋmɩn bie ɩ.

1 Zã 3:23

Ɛ́ a nʋɔr ʋ na ƴãw kʋ̀ tɩ a n'ɩ ŋa: kɛ́ tɩ sàw de a ʋ Bie Yeezu Kɩrɩta, ɛ́ nɔnɛ taa mɛ̃ a lɛ a Kɩrɩta na ƴãw a nʋɔr kʋ̀ tɩ a.

1 Zã 3:3

Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.