Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.
Ɛcɛ a bɛlɩ dem na bɔbr kɛ́ bɛ kpɛ naalʋ a, bɛ mɩ́ lo n a bɛ̀lʋ pʋɔ, ɛ́ kpɛ dãbol-yel-bɔbrɩ na bɛ vɩɛl a bɛrɩ pʋɔ, a yel-bɔbrɩ á ŋá na lore a nɩsaalbɛ ɛ́ ɩrɛ bɛ bɔrɛ a.
A fɛr'a k'ʋʋ tu a ƴɛ̀rʋ na sɛwnɩ sàw deb a pùor sɩza, mɛ̃ a lɛ a wulu na bin a. À ŋá n'a ʋ na tʋ̃ɔ́ kpaalɛ a nɩbɛ a wul-vla pʋɔ, ɛ́ wule a bɛ tulu a bɛlɩ dem na ŋmɩɛr a ʋ ƴɛ̀rʋ lɔbr a.
A nɩbɛ bɛ ŋa yi n a tɩ zie, ɛcɛ bɛ bɛ tɩ ɩ a tɩ nɩbɛ ɩ. Bɛlɛ tɩ sɩrɩ ɩ a tɩ nɩbɛ a, bɛ nãá tɩ cãà na be a tɩ zie. Ɛcɛ bɛ yi na zaa a tɩ pʋɔ, k'aa ɩ cãà kɛ́ bɛ been kãw za bɛ tɩ ɩ a tɩ nɩr ɛ.
A na ɩ lɛ a, lɛb tɩɛrɩ a lɛ fʋ na de a wulu ɛ́ wõ ʋ a. Tuur a wulu ŋa ɛ́ lɩɛbɩ a fʋ ɩb. Fʋ̃ʋ bɛ wa cɛlɛ be a, ɩ̃ na wa na wa ur fʋ mɛ̃ nyãnyuge a, ɛ́ fʋ kʋ̃ bãw a tɛm ɛ.