1 Timote 1:13 - A SƐB-SÕW

¹³ a mãa na tɩ dãw sãwnɛ a ʋ yúor, dɔwrɛ ʋ ɛ́ tʋʋr ʋ a. Bɛ-bãwfʋ n'a tɩ so à á ŋá za ɩ̃ na tɩ ɩrɛ a, a naaŋmɩn-sàw-deb bɛ tɩ be a ɩ̃ zie ɩ. Ɛcɛ, a Naaŋmɩn zɔ n ɩ̃ nɩbaalʋ.

1 Timote 1:13 ပူးပေါင်းရင်းမြစ်များ

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

Levitɩ mɩnɛ 13:16

A zie ʋl a ƴã-gã-nɛn-zɩɛ na sãá a wa lɛb pɛlɩ a, a nɩr nɛ na lɛb'a cen a bàwr-maalɛ zie.

Sɔr-nɛ́ɛ 15:30

«Ɛcɛ Ɩsɩrayɛl nɩr bɩɩ nʋʋra wa bãw kɛ́ sãw a, ʋ sãw mɛ̃ na, bɛ na ír ʋ na bɛr a ʋ bʋʋrɛ pʋɔ.

Luka 12:47

A tõ-tõ-bie na bãw a ʋ zu-sob pʋ-tɩɛrʋ ɛ́ bɛ cɔbrɩ bom za a, ɛ́ bɛ maalɩ a pʋ-tɩɛrʋ ŋa a, ʋ na nyɛ̃ nɩ ŋmɩɛrʋ yaga.

Luka 23:34

A Yeezu tɩ yel'a: «Ɩ̃ Sãà a, dɩ suur kʋ̀ bɛ: bʋ̃ʋ n'ʋ vɛ̃, bɛ bɛ bãw ʋlɩ bom nɛ bɛ na ɩrɛ a ɩ.» Al pùorí, bɛ tɩ gba n a ʋ kparɩ põ.

Nɩ-toni 22:4

A bɛlɩ dem na tuur a sɔ́r ŋa a, ɩ̃ mɩ́ tɩ dɔwrɩ bɛ na tɩ kʋ. Ɩ̃ nyɔw nɩ dɛbr nɩ pɔwbɛ 'lẽ lɔb ƴãw gaso pʋɔ.

Nɩ-toni 3:17

«Ɛcɛ, ɩ̃ bãwnɩ a na, yɛbr i, zɔnʋ n'a nyɩɩm nɩ a nyɩ nɩ-bɛrɛ tõ.

Nɩ-toni 8:3

A Sol ʋl a, ʋ tɩ ƴãw nɩ fãw dɔwrɛ a Lãw-yir. Ʋ mɩ́ tɩ kpɛ n a yie pʋɔ nyɔw nɩbɛ, dɛbr nɩ pɔwbɛ za, tɩ lɔb ƴãw a gaso pʋɔ.

Nɩ-toni 9:1

A Sol ʋl cãà bɛ tɩ bɛrɛ a Sore po-tuurbɛ ɩ, ɛ́ bɔbr a bɛ kʋb. Ʋ tɩ cen na tɩ páw a bàwr-maal-kara,

Nɩ-toni 9:13

A Ananɩasɩ tɩ sɔw na: «Sore e, ɩ̃ wõ n nɩ-yaga na ƴɛ̀r a nɩr ŋa ƴɛ̀rʋ a, nɩ a dɔwrʋ al za ʋ na dɔwrɩ a fʋ nɩbɛ a Zerizalɛm a.

Nɩ-toni 9:5

A Sol tɩ sowr'ʋ na: «Ãa nɛ b, Sore e?» Ʋ tɩ sɔw na: «Mãa n'ɩ a Yeezu, mãa n'ʋ fʋ dɔwrɛ.

1 Korɛ̃tɩ 15:9

Bʋ̃ʋ n'ʋ vɛ̃, ɩ̃ ɩ n a nɩ-toni za pʋɔ pʋrɩ woro, ɩ̃ mɩ̀ bɛ sɛw kɛ́ bɛ bʋɔlɛ mɛ̃ nɩ-tona ɩ, ɩ̃ na dɔwrɩ a Naaŋmɩn Lãw-yir a ƴãw.

1 Korɛ̃tɩ 7:25

A bɛlɩ dem na bɛ kul taa a, ɩ̃ bɛ tɛr wulu na yi a Sore zie a, na yel kɛ́ bɛ tuur ɛ. Lɛ mãa na nyɛ̃ a n'a ɩ̃ yere, mãa nɩsaal na sɛwnɩ kɛ́ nɩbɛ ta bʋ́nɛ nɩ mɛ̃ a Sore su-ɓaarʋ zũú a.

Galasi 1:13

Nyɩ wõ na bɛ na manɩ a ɩ̃ ɩb, a lɛn daar ɩ̃ na tɩ cãà be a Zifʋ mɩnɛ puoru pʋɔ a: a lɛ ɩ̃ na tɩ dɔwrɛ a Naaŋmɩn Lãw-yir bɛ dɩ vuo, ɛ́ ƴãw fãw ɩrɛ k'ʋʋ lo a.

Filib 3:6

tʋlɛ a Naaŋmɩn yele ƴãw tɩ dɔwrɛ nɩ a Lãw-yir, ɛ́ a mɩnʋ a Naaŋmɩn wulu na wule a ƴãw, ɩ̃ bɛ tɛr sãwna bɛ yere ɩ.

1 Timote 1:16

Ɛcɛ Naaŋmɩn zɔ n a ɩ̃ nɩbaalʋ, k'aa Kɩrɩta Yeezu tʋ̃ɔ́ de niwn tĩ a ɩ̃ zie, mãa na kpɛ faa zuo a nɩbɛ za a, wul a ʋ su-bɛ-pawra ɩb za a sãá ɩ bãwfʋ a bɛlɩ dem za nãà wa sàw de a Naaŋmɩn, kɛ́ bɛ tʋ̃ɔ́ páw a nyɔ-vʋʋrʋ na be kʋralɛ a.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

1 Pɩɛr 2:10

Nyɩɩm na bɛ tɩ ɩ a ʋ nɩ-bʋʋrɛ a, ƴɛrɛŋa a, nyɩ ɩ n a Naaŋmɩn nɩ-bʋʋrɛ. Nyɩɩm na bɛ tɩ páw a ʋ su-ɓaarʋ a, ƴɛrɛŋa a, nyɩ páw ʋ na.